1 Korin 2:3 - Oksapmin

³ Nohe gurnong ma napot indip oh noh Norhe ina moh gapa hat pat ohoh ihan ihirnong meng oh pomat na potiprohkin daham kas ham ina bupat orhor gurnong meng naporisuhmur.

1 Korin 2:3 ပူးပေါင်းရင်းမြစ်များ

2 Korin 13:4

Krais oh orhe kasip ohsi hat ma pat oh mamarumur. Oh hanip diradir hatin gapa han hatin hat patin irat bok sur garmar sutpa orhora; it masas ma pipnong oh Got orhe kasip ohsi pamsaporhan masas patmur. Masas ma pat oh ama pamsuhup kasip orhorsiwi hat patmur. Gin orhorsi ma tap hat pati nuhuroh orhe gapa han ma hat patesuhru hat orhor nuhurhe ihat patimur. Ihat pati orhor orhe pamsas papat kasip ohsi nuhur tap hat pati ohoh ihan noh ama ohe kasip ohsi apris er yan napripramur.

2 Korin 13:9

Arpin mengnong isip mat pison inasi hat ma pati oh nuhur gapa han hatin hat patin gur kasip han hatin hat patihanoh oh yahmur daham amam haptimur. Ihat dahapti ohoh ihan nuhur Got ohnong ire ihat ma pati da oh Got gorhor isip mat apisus gorhe dahat pat da ohsi; ire ma dahapti da ohsi tap kat mat apisashenmur por nadahandeiptimur.

2 Korin 10:10

Kat ihir Por oh meihdapat da nadapetin meng kasip mengtei inahatin hatin meng oh nasarpato. Kakduup moh apris patim ma naporpat oh gapa han ham gapa meng na dahatin mengwi naporpato giriptimur.

2 Korin 10:1

Nohanhera. Kat han ihir nohe boknong meng ma nahapti oh Por oh kakduup apris patim oh kas hat patim meng oh pomat na naporpatmur. Meih sus patim oh kasip bok mengtei inahah meng hatin mat naporpatmur napor meng oh nohe boknong nahat napaptimur. Inahapti orhor noh Krais oh orhe danong na ham manap mengtei risuh ohe tan hat orhor gurnonghe noh imat orhor napotiprohmur. Napotporhan gur amratinmur.

2 Korin 6:4

Nuhur yah hat patim orhor gurnong meng pomat ma naporipti oh hanip ihir nure boknong ruumsup nahayao ti da ti da ruumsup oh nure boknong ruumsup nahaho inahat napapatim orhor nuhur na gapa ham kasip hat orhor patin gur nuhurnong wanahama Maihir Got orhe atamreindin oh yah hat orhorwi atamreipti han baphe dahaptimur.

2 Korin 4:16

Nuhur Got orhor imat napamsapra hano rim nuhur mama meng moh garham mandatpera na dahaptimur. Na daham ina teidapat paser ina hama irat huhup ohe tan timbas hatin ina hat pati ma hapat. Damdapat oh kopenohe paten dasi nahat napisapat ma hapat dahaptimur.

2 Korin 4:1

Got orhor yah nahapat han ohoh ihan dirnong hinhina nahama mama ohe tamreindin da moh napin pato rim nuhur garham na mandaptimur.

Aposer 18:12

Gahan Gario oh Akaia mong ohe kamoheim hat patin Juda ihir tap tei hangopari. Tap tei hapti Por ohnong indeingopari. Indeipti ohnong net pora marim dahandeipti apnong pisangopari.

Aposer 18:6

Porpatin ihir na amrama ohnong dasei mar imtin danong hangopari. Ihat imtiperhan Por oh Gur Jisas ohe danong na ham nohnong inahapti moh guragure ma ihapti ohe san oh it guragure boknong tarpatipramur. Noh gurnong meng oh naporpatin orhor gur ihapti ohoh ihan nohe bok oh san timbasmur. Gin gur Nuhur nuranure san hat pati ohe pe oh Por oh orhe watah huhun tambor oh hirmat mandam us ma hapat ha dahatingwe rim noh watah huhun tambor moh matei hirmat mandam saprohmur. Gurnong namdam susa noh Juda na hat pati han bap ihirnongwi meng pot pisasipramur pora orhe watah huhun tambor oh atei hirmat mandama pipri.

2 Korin 7:5

Tihan tihan ruumsup oh naptahat ma napapat oh nuhur Gin Masedonia mongnong sus tupetper daham apdorimur. Apris tupetper dahatiri orhor kinhat nah tupetin ina hatirimur. It ruumsup oh naptahatirmur. Ma naptahatir ruumsup oh meng sakarap nahayao ina ruumsup nahaho Korin kuuhan gur kinhat sa patio dahaya da oh ina ruumsup dariyao hatirimur.

Aposer 17:1

Porsi; Sairas ihit susa Ampiporis aptei kotpari. Koripti apteidapat susa Aporonia aptei kotpari. Koripti apteidapat susa Tesaronaika aptei oh koriyaoh Juda bap ire rotu ap oh patgopri.

Aposer 18:1

Gahan Por oh Atenis aptei patdapat aptei oh mandama Korin apteinong pipri.

2 Korin 7:15

Taitas oh gure pati tei oh kotporhan gur ohnong wamar sein bupang rim kas hat patim orhor ohnong ambutiriri. Ambura ohe meng amratper daham amram ma ihtirinong oh Taitas oh daham gure danong hatin ohe da oh isip nahapatri.

Epesas 6:5

Kakdah morhe ire hrepdapat hat patim be ma atamreipti han bap gurhe iraire mengnongwi amrama kas hat orhorwi patim atamreinmur. Atamreinmat oh ina teimdapat tit da haya ina mutuhdapat tit da haya hat patimheri atamrein patepri. Iraire danong ohwi hat patim orhor atamrein patenmur. Krais orhe mengnong dimar ma atamrein saptiru hat orhorwi atamrein sashenmur.