1 Korin 15:53 - Oksapmin

⁵³ Ma inahatipra oh mama pati ina moh hapura patahar timbas hatin inasi hat pati ohoh ihan orhor it nayawar mara na hapur eimat paten ina dasi nahatipramur.

1 Korin 15:53 ပူးပေါင်းရင်းမြစ်များ

Rom ihirnong Por oh brak atip ohe meng oh 1:23

Hut susa yahnap gon han armi matin Got ohnong na armi matiprohemur daham iraire bes teimdapat hanip hatin mat arhuriyao ner hatin mat arhuriyao apop hatin mat arhuriyao hasiap ihir hatin mat arhuriyao mara ama imat arhuriya ire danong ham armi matpera daham armi mat pisashemur.

Rom ihirnong Por oh brak atip ohe meng oh 2:7

Nohe yah hat sapat ohe pe oh Got oh amamsi naham winsi han naham orhorsi yah hat eimat paten dasi sa nahatipra daham ama ohe danong kasip ham ma yah hat sapti gurnong oh Got orhorsi dipwi yah hat paten ohe dasi nahatipramur.

Garesia 3:27

Napotporhan Gin nuhur Krais orhe nitamur rim tom waptimur. Orhor hatin ham orhe nitao rim tom waptimur.

Epesas 4:24

Kopenohe da oh orhap gon gurus napotporhan ama kopenohe da ohsi hat patim saya apriya hat patenmur. Ihat kopenohe han bap hat patima Got orhe arpin duungnap dasi ham ongengnap tahat pat da hatin ham orhor hatin han bap hatinmur napotperhan gur amram am hatpamur.

1 Jon 3:2

Norhe yah han taptem bapa. Dir gin arpin Got ohe brer hat patimur. Ihat ma pati bap diroh dire komdapat ma indipri ohe da oh kopen pitap teinong na hat pat ohoh ihan dir hanhan hat patimur. Gin dire ma dahat pati oh Krais orhor apris pitap hatporhan dir pomat wamar am hama orhor hatin hat patepri ma hapat daham am hat patimur.