1 Korin 15:51 - Oksapmin

^51-52 Gur mohnong amram dahatinmur. Gin noh rih pitap teinong na mat papat meng tit gin pitap teinong mar napotiprohmur. Krais orhe ma apripra oh kat dir tit na haput patin orhor apripramur. Orhe ma apripra oh pong pong poripti han oh pepe oh meng matperhan hanip gonsi dirnong kapkap orhor kin up has watahas ma riptiru hat orhor kapkap hanip dire ina moh nayawar mar wan ina dasi nahatipramur. Ma inahatipra oh haputpa han ihirnongri na haputin inasi mara pamsa tei oh na haput pati han dirnongsi tap mat wan ina dasi nahatipramur.

1 Korin 15:51 ပူးပေါင်းရင်းမြစ်များ

1 Korin 13:2

Dir Got ohe meng pot pison ohe dao Got ohe reman papat danong am ham potin ohe dao erernong gonsi am hatin ohe dao Got ohnong Ohwi imtim hatin hanwa dahat patimdapat yeinong Yei go gin tanggoshet wan teinong sonmur por imtin ohe dao hat patimdapat hanip ihirnong da na apris na bopor deiyahanoh dir be han bap hat patimur.

1 Korin 15:18

It na pamsuhupneng ihir Krais oh nuhurnong napamsaprawa daham ma hapuriya han ihir it da mason inasi na hama eimat timbas haptinengmur.

1 Korin 15:20

Got oh Krais ohnong it da na pamsuhupneng dir er hat patinengmur. Ohnong it da pamsuhup ohoh ihan dirhe gin mama yah hat pati ohmur. Ohnong imat ma pamsuhup oh dir Ohnongri imat pamsuhup ohoh ihan dirhe haputperhan amaru mat orhor dirnongri napamsaprawa dahat patimur.

1 Korin 15:6

Gahan orhe danong hat pati kuuhan 500 tit hama it kuuhan ruumsan bap ihir tarmut patin ire mutuh oh pitap hatporhan ihir wamtipamur. Ama wamtipa kuuhan bap ihir kat tit haputirimur. Han ruumsan ihir patimur.

1 Korin 2:7

Got orhe dakuu yah meng ma naporpat oh rih orhor mong na darpat patin orhor Kaput noh ihirnong mimat yah da apris pitap matiprawa daham reman paptesuh dakuu meng orhor naporpatmur.

1 Korin 4:1

Gur nuhurnong Ihir kinhat pati han bap sa daham am hatper dahayahanoh mamaru mat dahenmur. Ihir Krais orhe atamreipti han bap ihir ma hapat. Ihir Got orhe reman paptesuh meng oh pot pisapti han bap ma hapat dahenmur.

2 Korin 5:2

Ama na timbas hatipra danong oh datipriwa daham kasip hat pati orhor ama eimat paten ina oh kapkap datiprohenengo daham batbet hat patimur.

2 Korin 5:4

Eimat paten inasi hat paten da oh kapkap datiproheneng ma dahapti oh kakdah moh ohe ihat ma pati ina moh hapur ha timbas hatinoh na dahat patimur. Mihat patin orhor aw tei ohe eimat paten ina da orhap mama kakdah moh ohe pati inanong moh gianaham gon gurus ha napatinohmur. Gon gurus napora haputin inasi hat pati inanong moh natimbas mara orhe eimat pat ohe da ina oh gon gurus ina da ha nahatinoh daham batbet ham ina ruum hat wamat patimur.

Epesas 1:9

Got orhor imat napapatin orhor orhe da orhor Noh kaput Krais orhe ma imtipra dap tei oh noh kakdah ohe erero putei ohe erero oh gonsi tit dawi deipat Krais orhe hrepnongwi mar orhornong kakhan matipramur dahatipmur. Orhe hrepnongwi matiprawa daham ma reman patesuh da oh gin pitap teinong matipmur. Ama pitap teinong matip da oh orhe ma dahatip dik oh hatporhan dam timama mamen matipramur.

Epesas 3:3

Imat kis nahapat orhe reman papat da meng oh nohnong am nahatipmur. Am nahatporhan noh ama meng oh gurnong gar meng tit brak mar mama nasar ohmur. Gin ma nasar meng moh gur sama Got orhe reman papat da oh Jisas Krais orhe dap teidapat ma indeipat da oh Por ohe da tei imat am mat papatin dirnong imat am nahapat ma hapat dahatiprohemur.

Epesas 5:32

Ama brak matpa meng ohe mutuh meng yahnap treman patesuh meng oh patmur. Ama treman pat meng oh noh Mamaru hat pat ma hapat dahapatmur. Kuuhan gosdar tit inawi hat patimur ma napotip oh Krais orhe nita sios dirnong orhe ina titwi nahat napapat ohe meng oh ginapotip ma hapat noh dahapatmur.

Piripai 3:21

It nambur ma apripra oh erer moh gonsi orhe hrepnong mat papindin ohe kasip ohsi apripramur. Aprisa dire timbas hatin ohe er ina moh orhe gon ina naham Krais orhe yahnap ina hat pat ina hatin nahatipramur.