1 Korin 15:25 - Oksapmin

²⁵ Imat ma mandatipra oh Krais oh erernong gonsi tonggamar orhe hrepnong mar timbas matin ina mat papat ohoh ihan gonsi mahaw ihirnong orhe hrepnong mar tonggamar timbas matipramur.

1 Korin 15:25 ပူးပေါင်းရင်းမြစ်များ

Matyu 22:44

Oh Hanipyaha por ma brak matip oh mama ohmur. Norhe Hanipyah Got ohdapat norhe Hanipyah Krais ohnong Go norhe bes oper tan moh tongnotinmur. Tongnot patin noh gorhe mahaw nahapti han ihirnong gorhe hrepnong matipramur. rim Depit oh brak matipmur.

Mak oh yah meng ma brak matip meng oh 12:36

Gahan Jisas oh Got ohe ap yawar oh rosa ihirnong meng por am deingopri. Meng ma potip oh Gure sawa meng ma naporipti han ihir Got oh Krais namburin han ma kis mat pat han oh Depit ohe puh ihir tarpatipramur ma ripti oh kinhat it tarpam Depit ohe puh hatiproh.

Aposer 2:34

Depit oh aw teinong na ruhup han orhor mama meng moh rim brak matipmur. Dire Hanipyah ohdapat nohe Hanipyah ohnong Go norhe oper yah tan mamdapat tongnotinmur.

Epesas 1:22

Got oh erer oh gonsi Krais orhe kasip hrepnongwi mat mandapat Gin go norhe nita sios ire kakhan hapat erer gon mohsi gorhe hrepnong mar wamat paptenmur por ihat papten kakhan matipmur.

Hibru 1:13

Gahan tit meng oh orhe mon ohe boknong mar ma brak matpa oh mamaru hat patmur. Norhe mon go yahnap han ohoh ihan go norhe bes yahnap oper tan moh tongnotinmur. Tongnot patin noh gorhe mahaw han ihirnong gorhe hrepnong matipramur. ritporhan brak matpamur. Ama ihtin meng oh enser ire boknong mar potporhan ti na brak matpamur. Ire boknong mar ti na potip ohoh ihan mon orhorwi tandaptuhut pat hanmur.

Hibru 2:8

Amara go erer oh ire hrepnongwi amtiporhan iraire kakhan ham paptimur. giritporhan brak matipmur. Erer oh hanip ire hrepnong matipmur ma ritip oh Got oh Noh gonsi erer oh hanip ire hrepnongwi amtipramur. Amtiporhan gonsi iraire hrepnongwi mar sa paptepri. Manggapnong hathe ti na pateprimur rim hanip dirnong erer oh gonsi diradire hrepnong mar papten han bap kis nahatipmur. Kis nahatip orhor ama erer gonsi oh kopen diradire hrepnong mat na paptimur.