1 Korin 14:36 - Oksapmin

³⁶ Wa. Sios bap gure sinisine rit ma mengripti oh gur Got ohe meng oh Nuhurnongri napriporhan nure duup mamdapat tarpam ihat sapatmur daham gure ihat mengriptida. Basra. Gure duup ohri Got ohe meng oh ihat na tarpatip ohoh ihan aptei aptei ire ma hat rotu haptiru hat orhor rotu henmur.

1 Korin 14:36 ပူးပေါင်းရင်းမြစ်များ

Aposer 17:1

Porsi; Sairas ihit susa Ampiporis aptei kotpari. Koripti apteidapat susa Aporonia aptei kotpari. Koripti apteidapat susa Tesaronaika aptei oh koriyaoh Juda bap ire rotu ap oh patgopri.

Aposer 17:15

Wasa ihir sip tem rosa Atenis apteinong deihpari. Desa Atenis aptei oh Por oh orhorsi ma waihiri han ihirnong Gur it susa Sairassi; Timoti ihitnong nohe patnong moh kapkapwi ha wandongwe potinmur potporhan ihir it iraire ap Berianong sangopari. Saperhan Por oh Atenis aptei oh indipri.

1 Korin 14:35

Ihat kimirit patimdapat kian meng sa dahayahanhe sus guragure pati apnong sus han ihirnong kian meng sa riya por dahandeinmur. Tarmuriya tei orhor kuu ire meng ma poripti oh kassi da ohoh ihan kuu gur tarmuriya tei oh menghe poripri. Kimirit patenmur.

1 Korin 14:37

Korin aptei pati sios bap gure mutuh oh Noh Got ohe meng pot pison han hat patmur. Noh Got ohe Yahsup oh nohe mutuh patim ihat pat hanmur ma dahapti han ihir gure mutuh patihanhe nohe brak mat gurnong nasar meng moh sama Moh arpin Got orhe sawa meng oh nasar ma hapat sa dahatiprohe.

1 Korin 4:7

Gur winsi han bap hat patihanhe guragure dahapti ohe pe oh winsi han bap hat patida. Basra. Got orhorwi ihtin da napriporhan ihat patimur. Orhorwi ihtin da napin patin ihat pati ohoh ihan kinhat Norhe da orhor ihat pat hanmur daham armi tahat sasiprohe. Orhorwi imat napin pat han ohoh ihan na armi tahaprohemur.

1 Tesaronaika 1:8

Ma am hatiri oh Masedonia mongo Akaia mongo ama pati han ihirwi na am hatirimur. Gure bokdapat Hanipyah orhe meng ohsi; gure Got ohe danong hat pati da ohsi tarpama mong mong oh gonsi saporhan ihir amrama am haptimur. Gin gure Got ohe danong hatin da oh am hatiri tei ohoh ihan nuhur ihirnong na potiprohemur.