1 Korin 14:29 - Oksapmin

²⁹ Got ohe meng pitap teinong mar pot pisashen han gurhe yot hando yitir hando gurwi Got orhe meng oh tit tit hat potinmur. Meng napotperhan ameng amraya han gurhe pomat amrama sam apera dahenmur.

1 Korin 14:29 ပူးပေါင်းရင်းမြစ်များ

Aposer 13:1

Gahan Antiok aptei oh Got ohe nita sios bap ire mutuh oh Got ohe meng poriyao am deiyao hen han bap ihir patesheri. Ihat ma pateshe han ihiroh tit han Banabas ohmur. Tit han Simion oh kat han ihirdapat Naisa porishe han ohmur. Tit han Rusias oh Sairini mong pati han ihirmur. Tit han oh Manian kakhan Herot ohsi itait yah han hat pateshe han ohmur. Tit han oh Sor ohmur.

1 Korin 12:10

Tit han ohnong ma apripathe hanip dire na imtin hatin han imtin ohe da oh apripatmur. Tit han ohnong ma apripathe Got orhe meng pot pison da apripatmur. Tit han ohnong ma apripathe hanip ire ma ihat tamreiyanong asoh wamar Moh Got orhe Yahsup ohsi indeipathe. Moh Got orhe Yahsup ohsi na indeipathe daham sam am hen ohe da apripatmur. Tit han ohnong ma apripathe meng tunmat hatin mengitin ohe da oh apripatmur. Tit han ohnong ma apripathe meng tunmat mengitperhan amram daham kat ihirnong potin ohe da oh apripatmur.

1 Korin 13:2

Dir Got ohe meng pot pison ohe dao Got ohe reman papat danong am ham potin ohe dao erernong gonsi am hatin ohe dao Got ohnong Ohwi imtim hatin hanwa dahat patimdapat yeinong Yei go gin tanggoshet wan teinong sonmur por imtin ohe dao hat patimdapat hanip ihirnong da na apris na bopor deiyahanoh dir be han bap hat patimur.

1 Korin 14:28

Imat dapuker potin han ihir ti na patihanoh meng tunmat hatin mengtei poripti han gur ihat tunmatin mengtei poripri. Kimirinmur. Kimirima guragure damdapat orhor Got ohsi ama tunmatin mengtei oh mengrinmur.

1 Korin 14:30

Ihat patin tit han oh Got ohe meng oh ripatin Got oh tit han ohe da mutuhnong Gin go mameng moh ritinmur por am deihanoh ma ripat han go kimiritporhan ohe ma am dei meng oh ha ritinohmur.

1 Korin 14:32

Got oh meng sinisine dus mengitin da na nahama manap da teiwi mengitin dasi nahat napapat han ohoh ihan gur mengitinmat oh tap hathe mengripri. Got ohe napin pat meng oh ihirnong potin ohe da oh guragure hrepnong mat paptim orhor tit tit hat meng porinmur.

1 Korin 14:37

Korin aptei pati sios bap gure mutuh oh Noh Got ohe meng pot pison han hat patmur. Noh Got ohe Yahsup oh nohe mutuh patim ihat pat hanmur ma dahapti han ihir gure mutuh patihanhe nohe brak mat gurnong nasar meng moh sama Moh arpin Got orhe sawa meng oh nasar ma hapat sa dahatiprohe.

1 Korin 14:39

Ihan nohe taptem bap gur Got orhe meng pitap teinong mar porin ohe danong ohri datper daham ohe danong ohri hat patenmur. Ihat patim kat ihir meng tunmat hatin hat mengitper daham ihyahanhe baso poripri. Ihat mengir ha poringwemur.