1 Korin 14:15 - Oksapmin

¹⁵ Ihat pati ohoh ihan noh Got ohnong meng potinmat oh Yahsup oh norhe mutuhdapat patim ma porpat meng ohsi; norhe damdapat dahapat meng ohsi; tap mat Got orhornong potiprohmur. Got ohnong armi matin ohe ga ritinmathe Yahsup oh norhe mutuhdapat patim porpat meng ohsi; norhe damdapat dahapat meng ohsi tap mat Got orhornong potiprohmur.

1 Korin 14:15 ပူးပေါင်းရင်းမြစ်များ

Korosi 3:16

Imat paptin Krais ohe meng oh Norhe mutuhnong orhornong am hatin ohe da oh pomat isip mat pisapora daham isip mat pisashenmur. Isip mat pisonmat oh dam tarpatin meng oh am goshayao sawa meng gospot sayao hat sashenmur. Ihat susa arpin Got ohnong weso potin ohe da ohsi hama rotu hapti gao Got orhe ga ritporhan ma brak matpa ohe gao Yahsup orhe napripat ohe gao ohwi Got orhornong weso potin da orhorsi patim ama ga tei oh sawa meng gospot saya apriya hat sashenmur.

Epesas 6:18

Mamen tahat patin Yahsup oh napapatin Got ohnong erer gonsi dahamtin ohe meng oh dahandeiyo hat patenmur. Ihat patepero daham kin watahat orhorwi patima Got orhe nita bap ire adahamtin oh kasip hat orhorwi adahamar patenmur.

Jut ohe brak mat atip ohe meng oh 1:20

Ihir ihat pati ohoh ihan norhe bopor nahat napapat taptem gurri ama ihtin da ohri hapri. Gure Got orhorwi inahatin hatin hanwa ma dahat pati da oh ongeng yahnap da ohmur. Ama ongeng yahnap da oh doho kamen ohe tan mat kamen deipti ama ohe kamen tei oh kasip mara isip mat pisashenmur. Isip mat pisusa Got ohsi mengitper riyahanoh Yahsup orhe napripat da ohsiwi hat patim mengrinmur.

1 Korin 14:19

Noh ruumsan ihat mengripat orhora; Got orhe nita bap gure ma tarmuriya tei oh noh meng tunmatin yahnap meng oh dapsi hat patin orhor gur na dahatin meng hat pat ohoh ihan gurnong na napotiproh dahapatmur. Dahatin bok mengwi gurnong naporhan yaho dahapatmur.

1 Korin 10:19

Nohe gurnong imat ma naporpat oh dasuh got ihirnong ma asaripti oh arpin Got ohnong asaripti ma hapat. Ama asariya den oh orhe gon den hat pat ma hapat na dahapatmur.

Rom ihirnong Por oh brak atip ohe meng oh 3:5

Gur mamaru hatri dahapri. Nure ma er hat saptinong oh kat han ihirdapat wanaham Got oh Maire er hat sapti da moh hatin hat na pat han ma hapat. Duung dasi hat orhorwi pat han ma hapat daham orhe duung dasi hat ma pat danong oh am haptimur. Nuhur ihat er hat saptin Got orhe duung dasi hat pat danong oh am hapti ohoh ihan orhe duung dasi hat pat danong pitap teinong amar pisapti han nuhurnong nihanoh orhornong er hanmur potiprohe dahaptida.

Rom ihirnong Por oh brak atip ohe meng oh 1:9

Weso pora noh dipwi Got ohnong ma meng porpat oh gure danong hama gure ihat paten ohe meng oh nadahandeipatmur. Nohe ma dipwi nadahandeipat oh Got orhor Oh ire paten meng oh imat naporpat ma hapat daham orhor am hat patmur. Ama Got orhe atamreindinnong oh noh kasip hama pomat orhor atamreim mon orhe yah meng oh pot pisapatmur.

Piripai 1:18

Ihir ihat sapti orhor nohe da oh Nohnong inahat napaptim meng pot ma pisaptio norhe danong hat patim meng pot ma pisaptio ohnong noh na dahat patmur. Krais ohe mengnong ma pot pisaptinong ohwi noh ihir meng pot ma pisapti oh yahwa daham noh amam hat patmur.

Rom ihirnong Por oh brak atip ohe meng oh 8:31

Got oh imat kis naham napapat han ohoh ihan dire boknong er nahatin han oh nih. Dire boknong naham er nahatin hanhe eimat timbasnapmur.

Aposer 21:22

Ihir ihtin meng amrat pati tei ohoh ihan gwe apris matei pat meng oh amram gonong inahatiprohekin daham nuhur kinhatiprohe sa dahaptimur.

1 Korin 14:14

Hanip dir meng tunmat hatin hat mengir Got ohnong poriyahanoh orhe Yahsup oh dire mutuhdapat patim porpat orhora; daham sus potinnong oh orhornong na poriptimur.

1 Korin 14:26

Ihan nohe taptem bap gure rotu hatinmat tarmuriya tei oh nitat atamreindin pat ohoh ihan sios bap ihirnong kasip mat pisonmat oh nitat atamreinmur. Nitat atamreindin da oh mamaru hat patmur. Ga ritin ohe dao meng am mat pison ohe dao Got oh orhe da teinong mar pinggit papat ohe da meng potin ohe dao tunmat meng potin ohe dao tunmat mengriya meng it dapuker potin ohe dao ama ihat nitat atamreindin da oh kuuhan ihirnong kasip mat pisashenmatwi ihat atamrein sashenmur.

Jemis 5:13

Guragur ina ruumsup hat patihanhe ama ihat pati han gur Got ohsi mengir patenmur. Yah da hat patihanhe ama ihat pati han bap gur Got ohnong armi mar ga por patenmur.