1 Korin 13:8 - Oksapmin

⁸ Hanip ihirnong da apris bopor deipti da oh na timbas hapat da ohmur. Got ohe meng pot pisapti dao meng tunmat hatin ma mengripti dao erer ma am hat pati ohe dao ama da gonsi oh timbas hatipramur. Hanip ihirnong da apris bopor deipti da ohwi na timbas ham patru patepramur.

1 Korin 13:8 ပူးပေါင်းရင်းမြစ်များ

1 Korin 13:13

Gino kaputo na timbas ham dipwi ma patepra da oh mama yitir muk mohmur. Tit oh Got ohwi inahatin hatin hanwa dahapti da ohmur. Tit oh Got ohe dirnong yah naham inahatiprawa daham amam ham minhan pati da ohmur. Tit oh hanip ihirnong da apris bopor mat papti da ohmur. Ama na timbas ham dipwi ma patepri da muk ohri kamen tahat ma pat oh hanip ihirnong da apris bopor mat papti da ohmur.

Garesia 5:6

Jisas Krais ohsi tap hat ma pati dirnong oh Got oh eit watah gatmatperhan ama gatdeiya ohe pe oh Go yah hanmur naporpatda. Na gatdeiyahanhe ama na gatdeiya ohe pe oh Go yah hanmur naporpatda. Basra. Ama gatdeiya na gatdeiya hapti ohe pe oh na ginaporpatmur. Jisas Krais ohe tapnong hat patim Ohwi inahatin hatin hanwa daham ihirnong bopor mar panggeipti ohe da ohwi Got oh wanaham Go yah hanmur naporpatmur.

Aposer 2:4

Ihama Got ohe Yahsup oh ire mutuhnong hama ire mutuh oh teip hat sangopri. Susa nitat meng apingopri. Nitat meng apriporhan ama nitat apir meng ohsi irair mengitpari.

Hibru 8:13

Hanipyah oh Noh kopenohe wan meng tit rit natipramur ma ritip oh rihohe rit natip meng ohe tamreindin oh timbas hah ma hapat daham giritipmur. Ama tamreindin timbas meng oh watah wanin daphot mandatperhan timbas hat sapat ohe tan timbas hatin kakduup hat patmur.

1 Korin 13:10

Ama ihat sapti da oh kaput Got oh gonsi am hatin ohe da oh ma pitap matipra dik oh kat kat hat ma am hat pati danong oh amkar timbas matipramur.

1 Korin 12:10

Tit han ohnong ma apripathe hanip dire na imtin hatin han imtin ohe da oh apripatmur. Tit han ohnong ma apripathe Got orhe meng pot pison da apripatmur. Tit han ohnong ma apripathe hanip ire ma ihat tamreiyanong asoh wamar Moh Got orhe Yahsup ohsi indeipathe. Moh Got orhe Yahsup ohsi na indeipathe daham sam am hen ohe da apripatmur. Tit han ohnong ma apripathe meng tunmat hatin mengitin ohe da oh apripatmur. Tit han ohnong ma apripathe meng tunmat mengitperhan amram daham kat ihirnong potin ohe da oh apripatmur.

Aposer 19:6

Waperhan Por oh orhe bes oh ire kaknong amaringopri. Amarinporhan Got ohe Yahsup oh ire mutuhnong hangopri. Hatporhan ihir ama han ama han bap ire mengtei nitat meng poriya hangopari. Hapti Got orhe meng oh ire atem teinong rit atporhan ihir orhe meng oh ringopari.

Ruk oh yah meng ma brak matip ohe meng oh 22:32

Satan oh gonong kis nahatpor ihah ohoh ihan noh go nohe danong hat sapat ohe da oh mandatipra rim noh Got ohnong naporpatmur. Imat naporpat ohoh ihan gwe er da tit ma hatiproh da oh mandama it norhe danong hatiprohmur. Hama gorhe taptem ihirnong norhe danong hat pati ohe da oh kasip mat pisashenmur pongopri.

1 Korin 14:39

Ihan nohe taptem bap gur Got orhe meng pitap teinong mar porin ohe danong ohri datper daham ohe danong ohri hat patenmur. Ihat patim kat ihir meng tunmat hatin hat mengitper daham ihyahanhe baso poripri. Ihat mengir ha poringwemur.

Aposer 13:1

Gahan Antiok aptei oh Got ohe nita sios bap ire mutuh oh Got ohe meng poriyao am deiyao hen han bap ihir patesheri. Ihat ma pateshe han ihiroh tit han Banabas ohmur. Tit han Simion oh kat han ihirdapat Naisa porishe han ohmur. Tit han Rusias oh Sairini mong pati han ihirmur. Tit han oh Manian kakhan Herot ohsi itait yah han hat pateshe han ohmur. Tit han oh Sor ohmur.

1 Korin 8:2

Nuhur pomat orhor am hat patimur ma ripti han gur pomat am hat na patim ihat giripti han bap gurmur.