1 Korin 12:27 - Oksapmin

²⁷ Amaru hat orhor Krais orhe buh bes ina ham titwi hat patmur.

1 Korin 12:27 ပူးပေါင်းရင်းမြစ်များ

Epesas 4:12

Nitat mat ma napdap oh Got oh Norhe nita gonsi ihir norhe nitat natamrein sashen ohe da oh nitat mat apripora. Imat apriporhan ihir ama da ohsi Krais orhe nita han bap orhe ina hatin hat pati ihir gospanggeim kasip ham isip hat ha sashengwe daham orhe atamreindin da nitat mat napdapmur.

Korosi 1:24

Noh gure pe oh ruumsup dat sapatmur. Ruumsup dat ma sapat moh Krais ohe Go norhe nita bap norhe ina hatin hat pati bap ihirnong go ire gwemat mihat batbet dat sonmur. Susa asotei ihat sa timbas hatipra napor ma kis nahat napapat teinong timbas matinmat ihat sapatmur. Ihpat ohoh ihan noh ruumsupsi hat orhor amam hat patmur.

Epesas 5:30

Dir orhe buh bes ina titwi hat pati ohoh ihan orhor pomat napapatmur.

Rom ihirnong Por oh brak atip ohe meng oh 12:5

Amaru hat orhor dirhe trun han hat pati orhor Krais orhe boknong ham tit inawi hat patimur. Ihat tit inawi hat patim nitat atamreindin nitat ma hat pati oh irair gospanggeit ha indingwe rim nitat ina pesi hat patimur.

1 Korin 12:12

Krais orhe ina titwi hat ma pat oh hanip dire ina nitat patinong oh dahatinmur. Hanip dire ina bok moh beso buho rumkin ina trun hat pat orhor ina boknong oh titwi hat patimur. Hanip dire ina bok ihat ma patiru hat orhor hanip bap dir orhe nita kuuhan trun bap hat pati orhor Krais orhe ina bok oh titwi hat patmur.

Epesas 1:23

Imat kakhan matip han Jisas Krais oh aw pe mong pe mong mong moh gonsi patwimur. Mong mong moh gonsi patim erer oh gonsi yah deipatmur. Ihat patin orhe nita diroh orhe boknong ham dam inasi mar yah deiptimur.

Korosi 1:18

Tit orhe isip ma hat pat oh mamarumur. Hanip dire kak tem ma pat da oh Gin go anong son anong son napor napapat ohe tan hat Krais ohhe Got orhe nita sios bap dirnong oh amaru mat napapatmur. Imat ma napapat han orhor Erer gon oh gonsi norhe hrepnong mar paptepramur daham ohri masas pipmur. Ihat masas ma pip han orhor sios dire masas paten da ohe duuptei han hat patmur. Ihat ma napapat han orhor pokwi duupteinap hat pat han ohmur.

Epesas 5:23

Krais orhe nita bap sios dire kakhan hat patmur. Orhe kakhan hat patru hat orhor han ihir kuu gure kakhan hat patimur. Ihan ire hrepdapat hat patim meng amramo hat patenmur. Krais orhor kakhan hat ma pat oh orhe nita sios bap dirnong nambur orhe hrepnong nahat napapatmur.

1 Korin 6:15

Gur hanhan hat patida. Dir Krais orhe buh ina hat patimur. Ihat patimdapat bisei saw hapat kuu uhsi saw hayahanoh orhor ha ihpat hatin haptimur. Ihtiproheda. Basra. Orhe buh ina hat pati ohoh ihan ohri awamnap na ihat sapti hanmur.

1 Korin 10:17

Hanip dir trun bap pati orhor den oh tit pokwi taman ma dapti oh hanip dir tit inawi hat patiwa daham tit den pokwi daptimur.

1 Korin 12:26

Dire ina moh tit inawi ham gospanggeit pati ohoh ihan tit pemdapat tit ina ruum darhanhe gonsi ina pe moh ire ruum dariptimur. Tit pemdapat tit armi matin da hahhanhe gonsi ina pe moh irair tap mat ama ohe amam oh dariptimur.

Korosi 2:19

Ire ma ihapti oh hanip diradire ina boknong moh dahenmur. Hanip diradire hito meo tam mingo dip taham isip hat ma sapat oh kak ohe pe oh isip hat sapatmur. Amaru hat orhor Got orhe nita sios bap dir Krais orhe meo tam mingo hito oh hatin hat patimur. Orhor kak gon hat patim orhor kak hat pat ohe pe oh Got orhe damdapat Ihir ihat isip hat ha songwe ma dahapat ohe pe oh dirnong isip nahat napisapatmur. Dasuh meng naporipti han bap ire ma dasuh meng naporipti oh Krais ohe kak ohe boknong na dip tahat patim irarhe be ina dam gonwi hat patim ihtin meng oh naporipti ohoh ihan ire naporipti mengnong ohri amrapri.