Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Korin 12:18 - Oksapmin

18 Hanip dire ina moh ihat tit hanwi hat na patmur. Got orhor Hanip dire ina pe pe moh imat nitat mat atpora daham nitat ina pe pe moh natipmur. Orhor imat ina pe pe moh natip ohoh ihan hanip dir nitat ina pesi hat patimur.

အခန်းကိုကြည့်ပါ။ ကော်ပီ




1 Korin 12:18
18 ပူးပေါင်းရင်းမြစ်များ  

Dir orhe buh bes ina ham nitat ina pe hat ma pati oh mamaru hat patimur. Got oh dirnong ma Krais orhe boknong naham ma Norhe natamreindin oh mohri hat patmur daham ma napripat oh aposer hat paten ohe da napripatmur. Komdapat tipnerip atamreindin ma napripat oh orhe meng pot pisashen da napripatmur. Bimrip ma napripat oh meng am mat pisashen da napripatmur. Ama ohe komdapat ma napripat oh hanip dire na imtin hatin han asoh imtin da napripatmur. Ama ohe komdapat ma napripat oh sik hat pati han ihirnong pondeiyao arwananah ihirnong panggeit pisayao kat ihirnong ire hrepnong mar papayao meng tunmat hatin meng riyao ama ihat nitat hat atamrein ohe da oh napripatmur.


Ama ihtin trun nitat da ma napripat ohe duuptei hat ma pat Yahsup oh tit Yahsup orhapmur. Imat nitat mat ma napripat oh tit Yahsup orhap orhe da orhor Mama han ohnong mama da moh apripora. Mama han ohnong mama da moh apripora daham orhe damdapat orhor imat nitat da napripatmur.


Got oh orhe damdapat orhor Noh ama da oh ohnong apripora daham nohnong ma napin pat da ohsi noh gonsi gurnong naporpatmur. Gur Got orhe danong hat pati ohe pe oh nitat atamreindein da napin patmur. Imat napin pat ohoh ihan gur Nuhurnongwi mihtin tamreindin da oh napin pat ma hapat daham gorhornong Nohwi ihtin han hat pat ma hapat dahapri. Ma napin pat moh Got orhorwi imat napin pat ma hapat daham kimirim tamrein sashemur.


Gur mohnong dahenmur. Aporos nuhut winsi han yot hat patin gur nuhutnong ginaporiptida. Basra. Nutarhe be Krais orhe atamreipti han yot hat patimur. Nute ma ihat pati oh Aporos ohe atamreindin orhe apin patmura; nohe atamreindin orhe napin patmur.


Giporpat Jisas oh orhe han ihirnong Norhe han pang han gurnong oh at Got orhe napapindin hrepnong naham Norhorsi paten ohe da oh ihirnong apriprawa dahat pat ohoh ihan gur na napriprakin daham da er hapri. Napriprawa daham da yah hatwi patenmur.


Orhap yah hat ma pat penong yah hat pato rim giamat na paptimur. Dire ina orhap na yah hat pat penong moh winsi matpora daham awat deiyao giadeiyao ma hapti ohe da oh Got orhor ama na yah hat pat pe ohe danong ham ihat ha patengwe daham natipmur.


Jisas oh ameng oh pot manda tei Got orhe Yahsup oh amam da apriporhan amam hangopri. Amam hapat itap ohnong Nohe ata. Aw tano mong tano gonsi ma pat han oh gorhorwi Hanipyahnap hat patmur. Ihat pat han go gorhe da oh hanip ihir noh dakuu amsi hanmur ma dahapti han ihirnong na pinggima aremama brer ire da hatin hat sus Noh dakuu hat indin ohe da oh timbas hat patwa ma dahat pati han ihirnong asoh pinggipatmur. Go ihat pati han ihirnong gorhe da oh pinggipato rim noh gonong weso napor amam nahapatmur. Ma ihpat oh at gorhe damdapat orhor ihtipora daham ihpatmur pongopri.


Imat itperhan amgap ta put ma mara oh rih Got orhor ihtin han hat sa put marapra ma dahatipru hat orhor marapramur. Ma marapat oh ama gwehe ama han gwe orhor sa put marapra. Ama gwehe ama han gwe orhor sa put marapra daham ma nitat matipru hat orhorwi marapatmur.


Sara Hanipyah nure Got go erer gon moh gonsi go nadarpatip hanmuro. Gorhorwi dahatporhan erer moh tarpatip oh gin mama pat ohmuro. Gorhorwi ihtin han ohoh ihan gorhornongwi has yahnap hanmur naporin hano armi nahen hano kasipnap hanmur naporin hano oh gorhor pokwimuro poriptingopa.


Got orhor imat napapatin orhor orhe da orhor Noh kaput Krais orhe ma imtipra dap tei oh noh kakdah ohe erero putei ohe erero oh gonsi tit dawi deipat Krais orhe hrepnongwi mar orhornong kakhan matipramur dahatipmur. Orhe hrepnongwi matiprawa daham ma reman patesuh da oh gin pitap teinong matipmur. Ama pitap teinong matip da oh orhe ma dahatip dik oh hatporhan dam timama mamen matipramur.


Ihat paten han bap nahat ma napapat oh dirnong rih orhor isip bopor nahama orhe da orhor Noh kaput Jisas Krais orhe dap tei oh ihirnong norhe brer mar paptepramur daham kis nahat napaptesuhmur.


Got orhe damdapat orhor Imat nitat atamreindin da apripora daham nitat atamreindin da napin pat ohoh ihan orhe ma napin pat danong orhorwi hat patim atamreinmur. Mamarumur. Orhe meng pot pison da napris napapathanhe orhe arpin meng napris napapat danong orhorwi ham meng pot pisashenmur.


Dire ina pe pe moh trun hat patin yah hat ma pat oh mohnong dahatinmur. Ina moh kin orhap patneng kinhat hanip meng amraptineng. Ina moh nat orhap patneng kinhat erer gapgwe moh amraptineng.


Ihat nitat ina pesi hat na patim tit ina pe orhap hat patineng hanip ina hat na patinengmur.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ