1 Korin 11:32 - Oksapmin

³² Diradire danong pomat sama na yah tahayahanhe Got orhor dirnong nasama da nadason mar dire boknong ruumsup napris da nadason deipatmur. Imat da nadason mar ruumsup ma napripat oh kaput kakdah er hat pati bap erer moh sama Moh er hanmur por ma mandatipra ire tapnong na nahatiprao rim dire boknong ina ruumsup napripatmur.

1 Korin 11:32 ပူးပေါင်းရင်းမြစ်များ

Erer tarpatipra 3:19

Brer ihirnong da adason matinmat ma suptiru orhe bopor nahat napapat gurnong oh da nadason mar inahapatri. Ihan inahah ma hapat daham er hat sapti da oh mandama yah hat sapti da oh pomat dimtinri.

1 Korin 11:30

Ama Hanipyah orhe ina boknong na daham dapti ohe pe oh kat kuuhan bap ruumsan gur ina gapa hamo sik hamo hat patimur. Ama ihat pati bap ihir ti ihir sik hama haputirimur.

1 Jon 5:19

Dir am hat patimur. Kakdah moh ohe erer gon oh gonsi Satan ohe hrepnong mat papatmur. Papatmura; Got orhe brer hat pati dirnong oh Got orhor orhe hrepnong nahat napapatmur.

Rom ihirnong Por oh brak atip ohe meng oh 3:19

Dir dahat patimur. Got oh ritporhan ma brak matpa meng oh ama sawa meng ohe hrepnong hat pati han dire boknong naham ritporhan brak matpa ma hapat dahaptimur. Ihtin ohoh ihan Got oh kuuhan bap mong mong ma pati bap gonsi dirnong Gur er hat pati bapmur ma naporpat oh dir tit han tit Nohri yahnap hanmur ritin ina hat patda. Basra. Eimat timbasnap na ritin ina hat patimur.

Rom ihirnong Por oh brak atip ohe meng oh 5:16

Got oh yan timbas be ihirnong imat yah matpora ma dahapat da ohsi; Adam ohe er hat saporhan er da ma tarpatip da ohsi ama da yot ihit tit orhe tit orhe hat ma pati oh tit oh mamaru hat patmur. Tit han ohe bokdapatwi er da tarpatip ohe pe oh kuuhan gonsi dirnong Got oh Gur er han bapmur napor nitin ina nahat napapatmur. Got oh Noh ihirnong yan timbas be panggeitpora ma dahapat dahe kuuhan trun dirnong er hat saperhan napanggeim Gur yah han bapmur napor yah nahapatmur.

1 Korin 1:20

Orhor inahapat ohoh ihan kakdah mohe dakuu hat pati han ire mengo sawa mengnong isip am hat pati han ire mengo kakdah mohe mutuh mengnong daham aperipti han ire mengo oh dasi naham na napanggeitin mengwi deipatmur.

1 Korin 1:21

Ma indeipat Got oh dakuu han ohoh ihan oh rih orhor Ihir ire kakdah morhe dakuu mengnong daham am hat sapti ohe pe oh norhornong na am haprimur. Jisas oh irat bok sur gartahatip ohe mengnong na dahatin menghe dahapti mengnong oh amram Arpin napanggeitin menghe dahayahan noh ama ihat gidahaya ihirnong amburipramur dahatipmur. Ama irat bok sur gartahatip mengnong oh nuhur pot pisaptimur.

1 Korin 11:31

Gurnonghe inahatiprarim gure Got ohe kintei ihat ma pati da oh sama yah tahapti Got orhe Go er hat pat hanmur napor gure boknonghe ruumsup na naprisiprohmur.

1 Korin 11:33

Ihan norhe taptem bap gur Hanipyah ohe deno tomo oh dipero rim tarmuriya tei oh tit tit mathe den oh dapri. Guragur gonsi tap tei hapti gurgur tap mat den denmur.

1 Timoti 1:20

Ihat ma pati han yot ihitoh Haimeniassi; Areksanda ihitmur. Ihit ihat sus Got ohe danong hat pati da oh mandatperhan noh Ihit ite Got ohnong dasei deipti ohe da oh am ham ha mandatingwe rim noh ihitnong Gut Got ohe nita maire tap na indiprohemur pora itarhe teinong mara Satan ohe bes teinong mat papatmur.