1 Korin 11:31 - Oksapmin

³¹ Gurnonghe inahatiprarim gure Got ohe kintei ihat ma pati da oh sama yah tahapti Got orhe Go er hat pat hanmur napor gure boknonghe ruumsup na naprisiprohmur.

1 Korin 11:31 ပူးပေါင်းရင်းမြစ်များ

1 Korin 11:28

Ihtin ohoh ihan gur be mandus hamhe dapri. Dinmat oh gorhe Got ohe kintei ihat ma pat da oh sama gorhornong potahamwi denmur.

1 Korin 11:30

Ama Hanipyah orhe ina boknong na daham dapti ohe pe oh kat kuuhan bap ruumsan gur ina gapa hamo sik hamo hat patimur. Ama ihat pati bap ihir ti ihir sik hama haputirimur.

1 Korin 11:32

Diradire danong pomat sama na yah tahayahanhe Got orhor dirnong nasama da nadason mar dire boknong ruumsup napris da nadason deipatmur. Imat da nadason mar ruumsup ma napripat oh kaput kakdah er hat pati bap erer moh sama Moh er hanmur por ma mandatipra ire tapnong na nahatiprao rim dire boknong ina ruumsup napripatmur.

1 Jon 1:9

Diradire danong dasuh na mara diradire er hat sapti ohe er meng oh Got orhornong tirip ham porinmur. Potperhan orhor yot da na ham tit dawi ham duung dasi hat pat Got ohoh ihan diradire ma poriya meng oh It yansi matpora na daham hirmar namdam eimat hanhan mar namdapatmur. Hanhan mar namdama has yahnap han nahapatmur.

Erer tarpatipra 2:5

Ihan gur guragure isip bopornap mar ma papteshe danong oh it dahatinri. Dahama Epe. Dir arpin er hatiri sa. Ihan dir gin mama ihapti da oh mandatpera. Mandama rih orhe da orhornong it dimtipera daham dimtinri. Na ihyahan oh gure tanggam has mar saripti gwar oh orhe pat tei oh na pat hatiprari. Orhor apris datiprari.