1 Korin 11:3 - Oksapmin

³ Nohe gin gure tit meng tit daham ha am hatingwe rim gurnong napotiprohmur. Krais oh Got orhe papat meng hrepdapat hat patmur. Iham papatin Krais ohdapat hanip bap dirnong orhe napapat meng hrepnong nahat napapatmur. Imat napapatin han dirdapat kuu ihirnong dire meng hrepnong mar paptimur.

1 Korin 11:3 ပူးပေါင်းရင်းမြစ်များ

Matyu 28:18

Ihtiperhan oh nure duupnong apris nuhurnong At oh kakdah mong erer mohsi; aw tei mahat ohe erer ohsi norhe hrepnongwi mar papindin ohe kasip inasi nahat napapatin noh norhe hrepnongwi mar papatmur.

Jon oh yah meng ma brak matip ohe meng oh 14:28

Noh susa it apripramur ma napor oh gur amrayamur. Gur arpin nohe danong ham bopor nahat patineng mameng moh amrama Yahwa. Oh it orhe itap ohe patnong saporim ihah ma hapat ihan yahwa. Itap oh kasipnap han ohoh ohe patnong susa ama kasip ohsi napapteprawa. Ihan yahwa dahaptinengmur.

Epesas 4:15

Ihat ma dahat pati da hatin hatri patepri. Gur arpin meng orhor yah mat orhorwi da apin patim pot pisashenmur. Imat pot pisaptin diradire kak Krais orhor hatin hat isip hat orhor sasiprimur.

Korosi 1:18

Tit orhe isip ma hat pat oh mamarumur. Hanip dire kak tem ma pat da oh Gin go anong son anong son napor napapat ohe tan hat Krais ohhe Got orhe nita sios bap dirnong oh amaru mat napapatmur. Imat ma napapat han orhor Erer gon oh gonsi norhe hrepnong mar paptepramur daham ohri masas pipmur. Ihat masas ma pip han orhor sios dire masas paten da ohe duuptei han hat patmur. Ihat ma napapat han orhor pokwi duupteinap hat pat han ohmur.

Korosi 2:10

Ama ihat sasuh han Krais orhor kakdah han maire nure hrepnong mar nuhur kakhan bapmur ma ripti bap ihirnonghe orhorwi orhe hrepnong mar papatmur. Ihat napapat han oh orhe tapnong hat ma pati han bap gurnong oh orhorsi pati ohoh ihan gurnong oh orhor hatin hat pati da oh isip mat orhorwi napris napapatmur.

Korosi 2:19

Ire ma ihapti oh hanip diradire ina boknong moh dahenmur. Hanip diradire hito meo tam mingo dip taham isip hat ma sapat oh kak ohe pe oh isip hat sapatmur. Amaru hat orhor Got orhe nita sios bap dir Krais orhe meo tam mingo hito oh hatin hat patimur. Orhor kak gon hat patim orhor kak hat pat ohe pe oh Got orhe damdapat Ihir ihat isip hat ha songwe ma dahapat ohe pe oh dirnong isip nahat napisapatmur. Dasuh meng naporipti han bap ire ma dasuh meng naporipti oh Krais ohe kak ohe boknong na dip tahat patim irarhe be ina dam gonwi hat patim ihtin meng oh naporipti ohoh ihan ire naporipti mengnong ohri amrapri.

Korosi 3:18

Kuu gurhe imanir ire danong ham Ihir nure kak hat pati ma hapat. Ihan noh ire hrepdapat hat orhor patepora dahat patenmur. Ihat patim Hanipyah ohsi tap hat pati bap dir ohoh ihan Hanipyah oh Guragur ihat patena naporpat ma hapat daham Imanir ire hrep orhorwi patepera daham ihat patenmur.

1 Pita 3:1

Kakdah moh ohe kakhan ire hrepnong ham ire meng amram dindeiptiru mat orhor kuu gurhe imanir ire hrepnong hat patim ire meng amram dindeinmur. Kuu gure imat ma amram dindeipti ohe pe oh gure imanir Got orhe mengnong na amrapti han ihirhe Kuu ire ma ihat sapti moh Got orhe arpin mengnong moh amram ihat sapti ma hapat daham ire dahe Got oh arpin inahapat han ma hapat daham Got orhe danong sa hapri. Guragure meng poripti ohe pe oh basmur.