1 Korin 11:27 - Oksapmin

²⁷ Hanipyah orhe danong hen ohe den heim tom ohoh ihan Hanipyah orhe den heim tomo rim dinmat oh orhornong na armi mara be adayahanoh orhe ina bok tasum heim ma tanduketipnong oh bisei mar aer deiptimur. Ama ihapti bap diroh er yan datipriwa daham yan ham ihaptimur.

1 Korin 11:27 ပူးပေါင်းရင်းမြစ်များ

Matyu 22:11

Bokoriya tei mongo erer ohe hrepnong mat papat han oh ihirsi wenggosaro mengiro hatperim ruhupri. Rosa wandeioh han moh kuu datiproho rim ma orhe gon watah ma aripti watah oh ihir gonsi an patingopari. Patihan oh wandeioh tit han tit ama ihtin watah ti na an patgopri.

Jon oh yah meng ma brak matip ohe meng oh 6:51

Ama aw teidapat wandas eimat paten dasi nahapat den oh norhormur. Ama den oh gur dipero daham nadeyahanoh ama han gur eimat paten dasi ham eimat pateprimur. Ama den oh norhormur. Gin kakdah ma pati han gur eimat paten dasi ha hatingwe rim norhor gure gwemat haputipramur pongop.

1 Korin 10:21

Gur Dir Hanipyah orhe heim tomo rim dipera. Mongsup ire wain tom ma asariyahe dipera. Dama Hanipyah ohsi; mongsup ihirsi tit inawi hatper daham kinhat ihtin ina da hatiprohe. Na ihtin hatin hat patimur. Denhe Dir Hanipyah orhe wataho rim dipera. Mongsup ire den ma asariyahe dipera. Dama Hanipyah ohsi; mongsup ihirsi tit inawi hatper daham kinhat ihtin ina da hatiprohe. Na ihtin hatin hat patimur.

1 Korin 11:29

Hanipyah orhe ina bok ma dire gwemat tasutipnong na dahat patim Hanipyah orhe den heim tom oh be adayahanoh Got orhor Go er hapat hanmur napor er yan datin ohe danong ham ihaptimur.

Hibru 10:29

Amaru hat Krais ohnonghe amkar mandayahanoh ama ohe pe oh atnap er yan datipri basda. Atnap er yan datiprimur. Krais ohnong amkar ma mandapti oh mamarumur. Krais oh ohe heim ohsi dik natip mengnong kasip mat papatmur. Ama kasip mat papat heim ohsi dire er gapnong nahirmat napapat heimnong oh Moh be heimhe daham dasei deipti dao hinhina mar yah deipti da ma nahapat ohe Yahsupnong dasei meng por kom asaripti dao ama ihapti ohe danong ham Krais ohnong tonggamar mandayahanoh ama ihya han ihir atnap er yan isip datiprimur.