1 Korin 1:28 - Oksapmin

²⁸ Amaru hat orhor ihir Maihir win timbas han ihirmur. Maihir borop han ihirmur. Maihir er hanmur ma naporipti dirnongri Got oh Gur norhe nitamur napor kis naham namburpat han dirmur. Imat ma namburpat oh ire Noh winsi hanmur. Noh ihtin hanmur ma ripti da oh ha timbas hatingwe rim be han dirnongri imat namburpatmur.

1 Korin 1:28 ပူးပေါင်းရင်းမြစ်များ

Rom ihirnong Por oh brak atip ohe meng oh 4:17

Dire aw duuptei hat patmur ma napor meng oh Got ohe sawa menghe amaru hat rim brak matipmur. Girim ma brak matip oh mamaru hat patmur. Got oh Noh among among ma patepri han ire han rop oh Epraham gonong kis nahahmur potporhan brak matpamur. Ama rit atip meng oh Got orhor Norhe kintei oh ihtin han hat patwa daham ritipmur. Ma ritip Got orhornong Epraham oh Arpin orhorwi inahatin hatin hanwa dahatipmur. Ama ihat pat Got orhor haputpa han ihirnong pamsas dasi deio na tarpat pat han erer asoh patarpao deipat han Got ohmur.

1 Korin 1:20

Orhor inahapat ohoh ihan kakdah mohe dakuu hat pati han ire mengo sawa mengnong isip am hat pati han ire mengo kakdah mohe mutuh mengnong daham aperipti han ire mengo oh dasi naham na napanggeitin mengwi deipatmur.

1 Korin 2:6

Noh dakuu meng hatin mat na naporpat orhora; dakuu meng naporpatmur. Dakuu meng ma naporpat oh kakdah morhe dakuu han ire ripti dakuu mengo kakdah mohe kakhan timbas hatin han ire mengo ama ihtin dakuu meng oh na naporpatmur. Got orhe meng oh dakuu meng ohoh ihan Got orhe dakuu yah meng orhorwi Got ohe danong hatin ohe da oh hanip yah hatin hat pati han bap gurnongwi naporpatmur.

2 Korin 12:11

Korin sios bap gur Krais ohe meng pot pisashen han kis mat papat han bap maihir pokwi meng yah mat orhor napot napisapti han bapmur por ma armi deipti han ire hrepdapat hat noh patda. Basra. Noh bisei han hatin hat pat orhora; ire hrepdapat hat noh na patmur. Noh ihat pat han ohoh ihan gur nohnonghe Oh yah mat orhor meng napor napanggeitin han ma hapat kinham ihat na daham nohnong na armi nahapti. Gin gur ihat nohnong na armi nahapti ohe pe oh noh mama da ban tahat pati han ire iraire tohormi tahat mengriptiru hat noh mama meng moh naporpatmur.

2 Tesaronaika 2:8

Pitap teinong matporhan Hanipyah Jisas oh orhe atem teidapat Gin go timbas hatina por ohsi; orhe ma apripra has kasip ohsi ama ernap hat sapat han ohnong sum timbas matipramur.

Hibru 2:14

Jisas oh Got ohe nohnong napripat brer ihirsi; nuhur tap hat mama pati ohmur ma ritip oh hanip ina hat pati bap dirnong ginapotipmur. Ma ginapotip oh Ihir hanip ina hat patina Satan oh ihirnong haputin ohe kasip ohsi ambapte mat papat ma hapat. Ihan noh hanip watah inasi hapat hapura Satan ohe ihirnong haputin inasi mat papat kasipnong moh noh atimbas matpora.

Erer tarpatipra 18:17

Kapkap tit dahwi ap mutuh mohe yahnap erer ma timbas dei moh Epo. Ha suo por yimtiprimur. Ihtiperhan sip ma pisapti hano hanip sip temnong ham sapti hano sipnong wamat paptem tamreipti han bapo erer sip temnong mara darhera mani daripti han bapo ihir gonsi meihdapat tandeit patin