1 Jon 5:17 - Oksapmin

¹⁷ Er hat ma sapti oh gonsi er dawi hat patmur. Ihtin orhor ti ma er hat sapti oh eimat batbet dar paten ohe hrepnong na nahatin ohe er danong hat saptimur.

1 Jon 5:17 ပူးပေါင်းရင်းမြစ်များ

Jemis 1:15

Napisus bapen apin teinong nahatporhan bapen apin tei oh er da tarpapatmur. Tarpama arpin er da ohe dam oh timapatmur. Er da ohe dam timama sup nahatporhan Got oh heisup naham timbas nahatin ina nahat napapatmur.

1 Jon 2:1

Nohe taptem brer muka. Nohe brak mat nasarpat meng moh Gur er hat sasipririm noh mama meng napor brak mat nasarpat ohmur. Er hat sasipririm brak mat nasar orhor er hat sayahanhe dire komnong ham itap oh dirnong nitiprarim dire sang ripat han orhorwi patmur. Ama dire sang ripat han oh duung dasi hatwi pat han Jisas Krais ohwimur.

1 Jon 3:4

Gur mohnong dahenmur. Er hat ma sapti da oh Got orhe sawa mengnong amkar mandam ihat sapti ohoh ihan er hat ma sapti bap ihirhe Got orhe sawa mengnong amkar ihat sapti bap ihirmur.

1 Jon 5:16

Got orhe nita bap guragur wandeiyaoh tit uh tit eimat batbet dar paten ohe hrepnong na matin ohe er da oh dat sapathanoh arwapir gur wamara Got oh ha ayah matinoh rim Got ohnong adahandeinmur. Adahamtiperhan ohe er hat sapat da oh dat amdama eimat paten dasi sa matiproh. Nohe gur imat adahandeinmur ma napor meng moh eimat batbet dar paten ohe hrepnong na matin ohe er hat sapti han ire adahandein ohe mengnong oh napormur. Eimat batbet dar paten ohe hrepnong nahatin ohe er da ohri patmur. Ama danong hat pati han ire ihat pati danong asohhe adahandeinmur na napormur.