Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Jon 5:11 - Oksapmin

11 Got orhe ma naporpat meng oh mamaru hat patmur. Got norhor norhe brer ohe dap teidapat gurnong eimat yah hat paten dasi nahat napapatmur napor dirnong am nahapatmur.

အခန်းကိုကြည့်ပါ။ ကော်ပီ




1 Jon 5:11
37 ပူးပေါင်းရင်းမြစ်များ  

Er da hrepdapat hat patim er hat ma sapti han ihirnong er yan ma apripra oh hapura dipwi batbet dar patepri apteinong matipramur. Got orhe damdapat Gin yan timbas be musum yahnap han tit apripora daham ma napripra yah yanhe diradire Hanipyah Jisas Krais ohe tapnong hat pati dirnong oh eimat yah hat paten ohe yah yan oh napripramur.


Tap ham yah hat patim Krais orhe Noh ama ihat pati bap gurnong oh eimat yah hat paten dasi nahatipramur napor ma rit natip meng oh arpin dam timdipramur.


Gur ama ihat pat han mon orhornong Ohwi inahatin hatin hanwa dahayahanoh ama ihat dahapti kuuhan guroh yah hat eimat paten dasi haptimur. Ama ihat pat mon ohe mengnong na amram kom asar mandayahanoh ama ihat pati kuuhan guroh Got orhe bopor heisup hrepnong nahat napapatmur ama potip oh.


Dir am hat patimur. Got orhe brer oh kakdah mama wandas patesuh ohe pe oh dire da nadapema arpin Got orhornong am hatin ohe da oh napdapmur. Napriporhan dir ohnong am haptimur. Am hapti orhe brer Jisas Krais ohsi tap hat ma pati oh Got orhorsi tap hat patimur. Ama ohsi ihat pati Got orhor arpin Got eimat paten dasi nahapat Got orhormur.


Got oh dirnong da napris bopor nahat napapat ohe da oh orhe mon tit pokwi orhor ohnong Gin go wasa ire gwemat haputinmur. Haputporhan gwe ma hapur ohe dap tei oh ihir eimat yah hat paten da sa datipri por orhe mon tit pokwi orhor darhetipmur. Ma imtip oh orhe bopor nahat napapat da oh mon ohe boknongwi mar dirnong namgitipmur.


Ihtin han oh dire paten da ohe da oh orhe bok orhor patesuhru patru hat pat han ohmur. Ihat ma pat han oh dire has han ohmur.


Got orhe brer ohnong Ohwi inahatin hatin hanwa dahayahanhe ama ihat dahapti han gure da mutuhdapat orhor Got oh orhe mon ohe boknong mar naporpat meng moh Arpin ma hapat dahatin ohe da oh gure da mutuh oh pat haprohmur. Got orhe naporpat mengnong Arpinhe na dahapti han bap ihir Got orhe mon ohe boknong mar naporpat mengnong moh dasuh menghe dahapti ohoh ihan Got orhornong dasuh han hatin mat paptimur.


Ohe ma ihtip meng oh mama brak matip han norhor wamat patin imtiperhan wamat indip han norhor mama brak dei ohmur. Norhor wamat patim imtipa ohoh ihan noh arpin meng rim brak deimur. Arpin meng mama brak dei moh gur Orhor ihtin hanhe ha dahatingwe rim brak deimur.


Nohe kom apriperhan noh eimat paten da oh apripatmur. Ma apripat ohe da oh na timbas ham eimat eimatnap ma patepra da oh apripatmur. Norhe bes teinongwi mat papat ohoh ihan hanip ihirdapat norhe bes teinong mat papat ihirnong ambur wan teinong matin hatinda. Na imtin hatin hat patimur.


Napotporhan Saimon Pita oh Hanipyaha. Nuhur nihohe pat ha songwe. Gorhorwi eimat paten dasi nahatin meng oh naporpatmur.


Paten ohe da duuptei darpatin oh Got orhe bok patin nohnonghe ihtin da nahatporhan noh ihtin dasi hat pat ohoh ihan nuhut pokwi paten da ohe duuptei hat patimur.


Ihama Got orhe bopor nahat napapat mutuhdapat orhorwi hat patepera daham orhe bopor nahat napapat mutuhdapat hatwi orhor patenmur. Patim Hanipyah oh hinhina naham orhorsi eimat yah hat paten ohe dasi nahatiprawa daham minhan patenmur.


Arpin Got orhe brermur dahatin ohe danong ma namgipat oh yitir damur.


Ihir ihat susa Got oh arpin nuhurnong yah hat eimat paten dasi sa nahat napaptepra daham sa am hapri. Ama eimat paten dasi ma nahatipra da meng oh Got oh dasuh na ham arpin mengwi ripat han orhor rih erer oh na darpat patin orhor Ihir ihat eimat paten dasi hat patepriwa napor rit natipmur.


Duuptei ernap hat sapat han nohnong Got oh hinhina naham ma nambutip oh mamaru hat daham nambutipmur. Komdapat norhe danong ma hatipri han ihir Por ohnong wamara norhe ma ihirnong kapkap na heisup mar yah da tei orhor yah deipat da moh wamar sa am hatipri daham nohe boknongri ama da oh mar namgim nambutipmur.


Potporhan Jisas oh Ama apteinong son ohe mandap kat oh norhormur. Arpin meng ma riptihe norhe bokdapatwi tarpapatmur. Eimat yah hat paten ohe dahe norhe boknongwi hat patmur. Noh ihat pat han ohoh ihan At ohe patnong sapera dahayahanhe wan kathe ti na saptimur. Norhe boknongwi ham at ohe patnong saptimur.


Demitrias ohe ma patnong oh Got orhe nita kuuhan ihir Oh yah danongwi ham yah hat sapat hanmur riptimur. Ire ma riptiru oh Got orhe arpin mengnong dindeipat ohe pe oh oh arpin ihat yah hat sapat han ma hapat daham am haptimur. Nohdapathe Oh arpin yah hat sapat hanmur ma ripat oh gurdapathe Jon oh arpin mengwi ripat han ohoh ihan orhe ma ripat meng moh arpin meng ripat ma hapat daham am hat patimur.


At oh eimat paten inasi hatin ohe da meng oh naporpat ma hapat. Ihan nohhe At orhe naporpat wanin meng orhor potpor daham naporpatmur napongop.


At orhe daham ma nadarhetip da oh nohnong Norhe brer go waporhan ihir gonong wanaham am hapti Ohwi inahatin hatin hanwa daham eimat paten dasi ha hatingwemur. Hatperhan go kaput mong pepe dik oh gonsi ihirnong pamsonmur napor nadarhetipmur pongop.


Gahan enser oh tom tit dama eimat paten dasi hatin ohe tom tit Jon nohnong namgingop. Ama tom oh Gotsi sipsip bap itaite pohon tongnopti tei duupdapat marasa kakeirsi hasnap tom apripatgop.


Nohe kinteinong ma pitap matir ohe meng oh arpin tarpatipra mengo rim gonsi mama brak mat nasarpat ohmur. Nohe kinteinong ma pitap matir ohe meng oh Got ohe mengsi; Jisas Krais orhe arpin meng ma naporpat mengsi nohe kinteinong pitap matir mengo rim noh mama brak mat nasar ohmur.


Noh arpin meng napotiprohmur. Noh eimat paten dasi hatin ohe da oh den hatin hat pat ohoh ihan gur nohnong Ohwi inahatin hatin hanwa ma dahapti guroh eimat paten dasi haptimur.


At orhe ma namgipat da oh tit mohnong dahatimur. At oh hapuripti han ihirnong pamsas it da ma apripatru hat orhor brer nohhe norhe ma dahah han ihirnong imat orhor ihat eimat paten da oh apripatmur.


Den ma suhupti han ihir yan dariptimur. Gin Samaria ihir apriperhan gur meng potperhan ihir eimat paten dasi hatiprohemur. Eimat paten dasi hatiprohe ohoh ihan Samaria ihirnong suhuya han guro ma gonotip han oho guragur Wes dam dariyao rim tap hat amam hatiprohemur.


Noh gipotporhan ama ihir dipwi batbet dar paten apteinong hatiprimur. Yahnap da duung rit pati han guroh eimat yah hat paten dasi hat paten ohe apteinong hatiprimur napongop.


Isip mat ma pihip oh Got oh Kuuhan gonsi ihir er hat saptin haputin ohe hrepnong hat patiru hat orhor norhe damdapat orhor yah matpora ma dahapat da ohe hrepnong isipnap hat ha patengwe. Ihat patin Maihir yah hat pati kuuhan bapmur por diradire Hanipyah Jisas Krais ohe dap teimdapat yah hat eimat paten dasi matipramur daham orhe damdapat Yah matpora ma dahapat da oh isip mat pihipmur.


Jisas Krais oh kopen na apin patin Jon oh yah meng oh naporisuhmur. Naporpatin Jerusarem ma pati han Juda ire duuptei han ihirdapat Got ohe ap yawar ohe hanat bok han ihirnongsi; be Ripai ohe puh kat han ihirnongsi Gur Jon ohe patnong susa Go de han gura por dahamtinmur pora ama darhetpa oh. Darhetperhan ihir susa Jon ohnong Go de han gura por ama dahamtipa oh.


Gariri mongnong sonmat oh Dir munun mandap moh na saprohemur. Samaria mong mutuh gateng mandap morhor kapkap saprohemur rim Samaria mong kat orhor pipa.


Ama mon ohnong Go ire gwemat haputinmur. Haputporhan noh gwe ma hapur ohe dap tei oh noh ire er hat sapti yan oh it yansi na mara eimat hanhan mar amdatipramur por mon ohnong darhetipmur. Ma darhetip oh orhe dirnong da napris bopor nahat napapat da oh mon orhe boknong mar namgitipmur. Ma namgitip oh dire arwananah ihirnong bopor matin da oh mihat pat ma hapat dahatin ohe da oh mon orhe boknong mar namgitipmur. Ma namgitip oh dire Got ohnong bopor deipti da hatin mat na namgitipmur. Bopor matin da oh morhe gon hat patmur rim mon orhe boknong mar dirnong namgitipmur. Namgitporhan dir wamara hanip ihirnong da apris bopor deipti da oh mihat pat ma hapat daham am haptimur.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ