1 Jon 3:24 - Oksapmin

²⁴ Ama sawa nasarpat mengnong amram dindeipti han bap diroh Got orhorsi tap hat patimur. Ohdapathe dirsi tap hat patmur. Ihat Got ohsi tap hat ma pati da oh orhe napin pat Yahsup oh Gur ihat Got ohsi tap hat patimur napor am nahatporhan dir ohsi ihat pati ma hapat daham am haptimur.

1 Jon 3:24 ပူးပေါင်းရင်းမြစ်များ

1 Korin 3:16

Gur mohnong dahat pati basda. Guragure ina bok oh Got orhe ap yawar hatin hat pati ohoh ihan orhe Yahsup oh gure mutuh patmur.

2 Timoti 1:14

Pot pisusa Got ohe yah meng oh gwe hrepnong ma matipnong oh ihir aer matipririm orhe Yahsup dire mutuh ma pat Yahsup ohsi diradire ihsen yahnap tit ma boporsi mar paptiru mat orhor apaptenmur.

1 Korin 6:19

Gur mohnong dahat patimur. Got oh Hanip ire ina moh ap yawar hatin hat patin norhe Yahsup oh ros sa patepra daham orhe Yahsup oh dire mutuhnong naham napapatin dir orhorsi patimur.

1 Jon 4:7

Norhe bopor nahat napapat bap gur arwananah ihirnong da apris bopor deipti da oh Got orhe bokdapat tarpam dirnong imat bopor nahat napapat da ohoh ihan gurhe Got orhe dirnong bopor nahat napapatru mat orhor arwananah ihirnonghe imat orhor da apris bopor goshat patenmur. Imat ma da apris bopor mat papti ihir Got orhe brer hama orhornong am hat patim ihat sapti ma hapat dahenmur.

Jon oh yah meng ma brak matip ohe meng oh 17:21

Ihan go nohsi patru noh gosi patru dite ihat tit hanwi hat patiru ihirhe ihat tit hanwi hat ha patengwemur. Ihat ditsi tap hat patin kakdah maihir wamara Jisas oh arpin Got ohe darhetip han ma hapat sa dahapri.

1 Jon 3:22

Dahamara Got orhe bopor mat papat dao orhe sawa mengo ohnong amram dindeipti ohoh ihan dire Got ohnong ma dahandeipti ohe erer oh gonsi napriporhan dariptimur.

2 Korin 6:16

Kakdah dasuh got ire ap yawar ohsi; Got orhe ap yawar ohsi tit apwi matin hatinda. Basra. Na imtin hatin ohoh ihan gur sahsah mathe paptepri. Got oh ritporhan ma brak matpa mengnong moh dahenmur. Ma brak matpa meng oh mamarumur. Got oh Noh ire ina oh norhe ap yawar hatin mara ire ina mutuh oh noh patepramur. Ihat ma patepra oh ihirnong norhe nita mar paptepramura; ihirdapat norhornong Nure Gotmur napor napapteprimur. ritporhan brak matpamur. Giritporhan ma brak matparu orhe nita ma nahat pat dir gonsi dipwi pat han Got orhe ap yawar ongeng mat apapten ohe ap yawar hatin hat patimur. Ihat pati han dir ohoh ihan gur Got ohe danong na hapti han ihirsihe sahsah goshathe patepri.

Jon oh yah meng ma brak matip ohe meng oh 10:38

Noh At ohe ihpat danong oh ihpat ohoh ihan gur norhe mengnong Nuhur na amratper dahayahanoh norhe mama ihpatnong moh wamar Epe. Oh itap orhorsi patin ihpat ma hapat. Itap oh mon orhorsi patin ihpat ma hapat daham am hatinmur pongop.

Jon oh yah meng ma brak matip ohe meng oh 14:17

Ama napanggeit napaptepra Yahsup oh arpin meng ohe duuptei ohmur. Kakdah morhe danong hat pati ihiroh ama Yahsup ohnong na wandeiyao na dahayao hat pati ohoh ihan ihir Yahsup oh nure mutuhnong ha hatinoh na dahatin ina hat pati bap ihirmur. Gurnong oh guragursi tap hat orhorwi patru patepra ohoh ihan gur ama Yahsup ohnong am hat patimur.

1 Tesaronaika 4:8

Ihan gur mama naporipti sawa mengnong moh kom asar mandayahanoh ama ihapti han bap ihiroh hanipnongwi kom asar na mandaptimur. Orhe Yahsup ma napripat Got orhornong kom asar mandaptimur.

1 Jon 2:3

Gur mohnong dahenmur. Got ohe sawa meng amram dindeiyahan Got ohe pat danong am ham ihat sapti ma hapat dahaptimur.

1 Jon 2:5

Got orhe mengnong amram dindeipti bap ihiroh Got orhe danong ham bopor matin da oh isip hat patim ihat saptimur. Dir Noh Got orhe tapnong hat patmur ma riya han dir Jisas ohe hat ma sasuhru hat orhorwi sasiprohemur. Ihat sayahan arpin orhe tapnong hat patim ihat sapti ma hapat daham am hatiprohemur.

1 Jon 2:24

We. Gur amratin. Gure ma kopenat Krais ohe meng ma amram marin pati meng oh gapa ham mandapri. Kasip hat orhor marin paptenmur. Ihat kasip hat orhor marin ayahanoh ama ihat aya guroh itap Got ohsi; mon ohsi ihit tamansi guragur tap ham yah hat pateprimur.