1 Jon 2:9 - Oksapmin

⁹ Gur dahenmur. Hanip gur Noh has yah da tei orhorwi sapatmur ripti orhor Krais orhe nita hat pati taptem bap ihirnong asoh na bopor mar dasei mar mandaptihanoh ama han oh kwitem dus er da teinongwi hat patesuhru patru pat han ohmur.

1 Jon 2:9 ပူးပေါင်းရင်းမြစ်များ

Jon oh yah meng ma brak matip ohe meng oh 9:41

Potperhan oh Gur Nuhur kin kwisi han ihir hatin hat pati moh oh ha yah nahatinoh dahaptineng gur nohnong Yah nahatina napotperhan noh gurnong yah nahatporhan er gapsi timbas hat patinengmur. Gur Nuhur yah hat patimur ma dahapti oh noh na yah nahatporhan er gapsi orhorwi hat ma pati oh kin kwisi hatin hat pati bap gurmur pongop.

Aposer 1:15

Ihat patimdapat gahan 120 kuuhan ihir tarmut patin Pita oh ire mutuh oh tandeima

2 Pita 1:9

Ama danong na marin pati han ihirnong oh meihnong na watahama kin kwi han ihir hatin hat patimur. Kin kwisi han ihir hatin hat patim Got oh Dire er gap hirmar namdatipwa ma dahapti danong oh it hanhan mar mandapti bap ihirmur.

1 Jon 1:6

Oh yah da orhap gon gurus rit pat han ohoh ihan tit han tit Noh ohe tapnong hat pat hanmur rihanoh orhe yah da tei orhorwi sasiprohmur. Ihtin ohoh ihan orhe yah da tei na susa er da teinongwi hat sayahanoh ama han oh Got orhe tapnonghe na hat pat han ohmur. Ihan Noh ohe tapnong hat pat hanmur rim orhe da hatin hat na ushanoh ama han oh dasuh han ohmur.

1 Jon 2:11

Ihat na susa Krais orhe nita taptem ihirnong na bopor mar dasei mar papti bap ihiroh er da teinongwi hat sus kwitem dus saya hatin hat sapti han bap ihirmur. Ama kwitem dus saya hatin hat sapti bap ihir er da oh ire danong aban matporhan ihir Nuhur er hat sapti ma hapat na dahama kwi dus hut sapti bap ihirmur.

1 Jon 2:4

Got ohe pat danong am hat patimur ripti orhor orhe sawa meng amram na dindeiptihanoh ama ihapti han ihir arpin da oh ire mutuh na patin dasuh hat sapti han ihirmur.

1 Jon 3:10

Ihat pati ohoh ihan dir De han bap ihir Got orhe brer hat patio. De han bap ihir Satan ohe brer hat patio daham wamar am hatper dahayahanoh mama mihat pati bap ihirnong wamar dason mar am henmur. Yah hat duung dasi hat ma na sapti han bapo arwananah ihirnong da na apris na bopor deipti han bapo ama han bap ihir Got orhe brer hat na pati ma hapat. Satan ohe brer hat pati ma hapat daham am henmur.

1 Jon 4:20

Ihan hanip dir Nohri Got ohnong da apris bopor mat papatmur giripti orhora; Got orhe nita bap kuuhan ihirnong da na apris na bopor mat paptihanoh ama giripti bap ihir dasuh hapti han bap ihirmur. Hanip wanggosham pati han bap diradir da na apris na bopor mat paptihanoh Got na wandeipti han ohnonghe atnap da na apris na bopor mat pati ma hapat daham Ama giripti bap ihir dasuh han baphe daham am henmur.