1 Jon 2:18 - Oksapmin

¹⁸ Nohe taptem brer gur mohnong dahenmur. Gin mong moh timbas hatinmat kakduup hat pat ma hapat dahenmur. Timbas hatinmat kakduup hat ma pat oh rih Kaput Krais ohnong mahaw matin han tit tarpatipramur ma ripti meng oh gin arpin ohnong mahaw mat papti han bap ihir ruumsan tarpam mama pati ohmur. Ihat ma pati oh dir wamara Gin mong timbas hatinmat kakduup hah ma hapat daham am haptimur.

1 Jon 2:18 ပူးပေါင်းရင်းမြစ်များ

Matyu 24:11

Hapti dasuh propet trun ihir aprisa Nuhur Got ohe meng marin pati hanmur napor dasuh nahatperhan kuuhan dam gur Arpinhe daham ire mengnong amram dindeiprimur.

Matyu 24:24

Ihir Noh arpin Kraismur. Noh arpin propetmur napor Got orhe Maihir norhe nitamur por kis nahat napapat han gur guragure arpin Gotnong mandama ihirnong ha dimtingwe rim gure kintei wandeipti na wandeipti han deiyao hat dasuh nahat apripri ohoh ihan gur ire meng amrapri. Gur Got ohe kis nahat napapat brer gur ohoh ihan gur ihtin mengnong oh na amratin inasi hat pati bap gurmur.

Matyu 24:5

Ma dasuh nahatipri oh dasuh han ihir nohe win paham rim Got oh nadarhetipramur ma ritip han Krais oh nohmur napor norhor hatin hat apris dasuh nahat apriprimur. Apriperhan kuuhan ruumsan kat ihiroh Moh arpin meng naporiyahe daham ire mengnong amratiprimur. Ihan gur inin ham potahat patenmur.

Mak oh yah meng ma brak matip meng oh 13:6

Ma dasuh nahatipri oh dasuh han ihir nohe win paham rim Got oh nadarhetipramur ma ritip han Krais oh nohmur napor norhor hatin hat apris dasuh nahat apriprimur. Apriperhan kuuhan ruumsan kat ihiroh Moh arpin meng naporiyahe daham ire mengnong amratiprimur. Ihat apripri ohoh ihan gur inin ham potahat patenmur.

Rom ihirnong Por oh brak atip ohe meng oh 13:11

Ihat patenmur ma napor oh dire gin mama pati danong moh daham ginapormur. Rih dir kopenat Got ohe danong ma hatpa oh Krais orhe it apris nambutin dik oh meihdapat hat patesuhmur. Gin mama pati dik moh orhe it apris nambutin oh kakduup nahat napapatmur. It apris nambutin oh kakduup nahat napapat ohoh ihan gin masas tei pati dik hatin hat patimur.

Rom ihirnong Por oh brak atip ohe meng oh 13:12

It apris nambutin dik oh kakduup nahat ma napapat oh mong moh kwitem hat ma pat oh gin mong da hatin kakduup hahmur. Kakduup nahat napat ohoh ihan kwitem dus ma er hat sapti da oh gonsi oh hariri por mandatinmur. Mandama gin has teinong ham er dasi gusutin ohe yah da oh namya hatin mat ar mamen taham yah hat sashenmur.

Hibru 1:2

Gin Krais oh hapur saporhan ohe pepe dik pati moh Got orhe meng oh orhe mon orhe boknong mar napotipmur. Itap oh orhe mon orhe boknong mar ma darhetip oh mong erer ma darpatip oh mon orhe bes teinongwi mar darpatip ma hapat. Norhe hrep papat erer moh mon orhorwi datipra ma hapat daham mamen mat papatdapat darhetipmur. Darhetporhan orhe boknong mar meng napotipmur.

1 Pita 1:20

Ma namohotip oh Got oh rih orhor aw tan mong tan moh na darpat patin orhor Got oh kaput Krais oh ihat hapura orhe heim ohsi imat amohotipramur daham mamen mat paptesuhmur. Mamen mat papatdapat gahan gurnong napanggeitinmat pitap ham namohom haputipmur.

1 Pita 1:5

Ama minhan wamat pati dirnong oh Got orhor kasip han ohoh ihan orhe kasip ohsi dir Ohwi inahatin hatin hanwa ma dahapti ohe pe oh ama kasip ohsi ponahat wanahat napapatmur. Wanahat ma napapat oh oh Norhe ihirnong imat ambutiprawa ma dahat pat da moh noh pepe dik oh pitap mar ambutipramur daham mamen mat papat da oh dir ha datingwe rim dirnong yah mat orhor wanahat napapatmur.

1 Pita 4:7

Gin mama erer moh gonsi kakduup timbas hatin ina hat patmur. Ihat timbas hatin ina hat pat ohoh ihan gurhe Got ohsi yah hat mengitinmat oh da darhera ti da ti da na ham da ongeng mat paptidapat Got ohsi mengitinmur.

2 Pita 2:1

Rih Isrer ire mutuh oh kat han ihir Nuhur Got ohe meng pisapti han propet nuhurmur por ihir dasuh mat pisashemur. Amaru hat orhor gure mutuh oh dasuh han bap ihir Nuhur meng am ham am nahapti han bapmuro napor dasuh nahat aprisiprimur. Aprisa ahar manap da tei orhor hanip dirnong er naham timbas nahatin ohe dasuh meng naporiprimur. Dasuh meng ma naporipri oh Krais oh dire gwemat haputip han orhornong oh Oh be han haputip ohoh ihan dir orhe hrepdapat hat na ayahanhe oh yahmur napor ihtin dasuh meng oh napot aprisiprimur. Ihat ma apripti han ihir iraire boknong kapkap timbas hatinmat ihat apriptimur.

2 Pita 3:3

Ire ma naporipti meng oh mohnongri dahenmur. Gin mama pepe dik pati morhor dasei meng naporin han ihir iraire ina teimdapat ti da ti da oh pramat pisapat ohe hrepdapat hat patimdapat aprisiprimur. Ihat aprisa Jisas ohe boknong mar gurnongsi dasei meng naporiprimur.

1 Jon 2:22

Gur mohnong dahenmur. De han bap ihir dasuh hat saptio daham am hatper dahayahanoh Jisas ohnong Got oh dire namburin han na kis matip hanmur ma girit sapti han bap ihiroh eimat dasuh hat sapti han bap ihir ma hapat daham am henmur. Ama ihat mengripti han ihir mon ohnongsi; itap ohnongsi ihit tamannong Ihit na patimur daham Krais ohnong mahaw mat paptim ihat girit mengit sapti han bap ihirmur.

1 Jon 4:1

Norhe bopor nahat napapat bap gur mameng mohnong amratinmur. Dasuh han bap ihirhe trun han bap tit Nuhur Got ohe mengsi napot apripti han bapmur napor dasuh nahat mong mong moh apriptimur. Dasuh han bap ihir ihat apripti ohoh ihan ihir Noh supsi hat pat han nohe mengnong moh amratinmur naporiyahanoh kapkap bupang rim amrapri. Gur Moh arpin Got orhe bokdapat tarpam apripat mengda da dasuh meng tit naporipti daham pomat samo ham am henmur.

1 Jon 4:3

Ihat na rima Es. Jisas ohe kakdahnong ma wanhup oh kakdah moh hanip ina na hatipmur riyahanoh ama ihat ripti han bap ihir Got orhe Yahsup ohsi na pati han bap ihir ihat mengripti ma hapat dahenmur. Ihtin ohoh ihan tit han tit ihat girit mengirhanoh gur Mama mihat mengir han moh Kaput Krais ohnong mahaw matin han tit tarpatipramur ritperhan gur amrapti meng oh gin mama han ohe bok moh tarpam gin pitap tei mama pat oh ma hapat daham am henmur.

2 Jon 1:7

Mong mong mama pati han ihir kat han ruumsan han ihir Jisas Krais oh hanip na hatip hanmur rim dasuh nahat apriptimur. Ama ihat dasuh nahat apripti ihir Krais ohnong mahaw mar kom at pati bap ihirmur.

Jut ohe brak mat atip ohe meng oh 1:18

Ma napotpa meng oh mamarumur. Pepe dik ma kakduup hah tei oh Got ohnong kom asar iraire er hat son ohe danongwi hat sapti han bap ihir aprisa ti dasei meng ti dasei meng oh Got orhe boknongwi mar dasuh nahat apriprimur napotpamur.