1 Jon 1:10 - Oksapmin

¹⁰ Got oh dirnong Hanip gur er hat sapti bap gurmur napotporhan hanip dirdapat Noh er hat na sapat hanmur poriyahanoh Got orhe mengnong na amram dasuh meng naporpat han hatin mar indeiptimur.

1 Jon 1:10 ပူးပေါင်းရင်းမြစ်များ

Jon oh yah meng ma brak matip ohe meng oh 3:33

Arpin meng ripathe daham ma amrapti kuuhan ihiroh Mama Got orhe ma darhetip han moh ohnong Got orhe Yahsup oh pei mat apripatin oh Got orhe meng oh ripat hanmuro. Ihan Got oh arpin han hat patmuro riptimur.

Korosi 3:16

Imat paptin Krais ohe meng oh Norhe mutuhnong orhornong am hatin ohe da oh pomat isip mat pisapora daham isip mat pisashenmur. Isip mat pisonmat oh dam tarpatin meng oh am goshayao sawa meng gospot sayao hat sashenmur. Ihat susa arpin Got ohnong weso potin ohe da ohsi hama rotu hapti gao Got orhe ga ritporhan ma brak matpa ohe gao Yahsup orhe napripat ohe gao ohwi Got orhornong weso potin da orhorsi patim ama ga tei oh sawa meng gospot saya apriya hat sashenmur.

1 Jon 1:8

Gur mohnong dahenmur. Hanip dir Nohri er dasi na hat pat hanmur riyahanoh ama giriya han dire mutuh oh arpin daheri na patin girit mengriptimur. Diradire danong dasuh mar ihat mengriptimur.

1 Jon 2:14

Norhe taptem brer muk gurhe ita Got orhornong am hat patio rim noh gurnong mama brak mat nasar ohmur. Hanip yah hatin hat pati bap gurhe erer na tarpat patin orhor patesuhru patru hat pat han Krais ohnong am hat patio rim noh gurnong mama brak mat nasar ohmur. Kopen ma Krais ohe danong hapti han bap gurhe Got orhe meng oh gure mutuh oh kasip nahat napapatin gur kasip hat sus Satan ohnong ambapte mat paptio rim noh gurnong mama brak mat nasar ohmur.

1 Jon 2:4

Got ohe pat danong am hat patimur ripti orhor orhe sawa meng amram na dindeiptihanoh ama ihapti han ihir arpin da oh ire mutuh na patin dasuh hat sapti han ihirmur.

1 Jon 4:4

Norhe taptem brer muk gur Got orhorsi tap hat pati ohoh ihan ama dasuh han bap ihirnong gurdapat ambapte mat paptimur. Gure mutuh ma pat Got orhor kakdah ohe danong hat pati han bap maihirnong orhe kasipnap ohsi ihirnong ambapte mat papat ohoh ihan ama imat papat Got orhe kasip ohsi gur ihirnong ambapte mat paptimur.

1 Jon 5:10

Got orhe brer ohnong Ohwi inahatin hatin hanwa dahayahanhe ama ihat dahapti han gure da mutuhdapat orhor Got oh orhe mon ohe boknong mar naporpat meng moh Arpin ma hapat dahatin ohe da oh gure da mutuh oh pat haprohmur. Got orhe naporpat mengnong Arpinhe na dahapti han bap ihir Got orhe mon ohe boknong mar naporpat mengnong moh dasuh menghe dahapti ohoh ihan Got orhornong dasuh han hatin mat paptimur.

2 Jon 1:2

Arpin meng oh diradire mutuh oh dipwi pato rim gurnong da napris bopor nahat napaptimur.