RUT 4:6 - Ombibeli Iyapuki

⁶ Opo nee omufyuululi wepya ta ti: “Ihandi dulu oku li fyuulula, osheshi handi nyono po oshitukulwafyuululwa shange. Hano lifyuulula olo ame nda li ndi nokufyuulula, osheshi ame itandi shi dulu.”

RUT 4:6 ပူးပေါင်းရင်းမြစ်များ

GENESIS 38:8

Opo nee Juda okwa tya kuOnan: “Inda u ka nangale nomwalikadi wamumwanyoko u mu hombole u etele mumwanyoko oludalo.”

LEVITIKUS 25:25

“Omukweni ngeenge ta ningi ohepele ndele ta landifa po sha shomonhele yedu laye, opo nee ou omukwaoelela omumangululi, na kulile eshi omukwao e shi landifa po.

DEUTERONOMION 25:7

Nomulumenhu ngeenge ina hala okuhombola haukwe waye, haukwe waye oku nokuya peenhu dovakulunhu vaye ndele na tye: ‘Haukwe wange ta anye okudalifila omumwaina edina muIsrael. Ye ina hala okushakenifila nge oshilonga shahaukwe waye.’

DEUTERONOMION 25:8

Opo nee ovakulunhu voshilando shaye nave mu ifane noku mu popifa, ndele ye ngeenge ta kala mokwaanya kwaye, ndele ta ti: ‘Ame inandi hala oku mu hombola,’

DEUTERONOMION 25:9

opo nee haukwe waye oku nokweehena kuye nokudula mo onghaku yaye moipafi yovakulunhu, noku mu fiila omate moshipala shaye nokupopya a tye: ‘Hano keshe omulumenhu ina hala okudalifila omumwaina oludalo, osho ta ningwa;’

RUT 2:20

Ndele Naomi ta ti koshitenya shaye: “Ye na nangekwe noupuna kOmwene, ou iha kufa po onghenda yaye povanamwenyo nopovafi”. Naomi ta ti vali kuye: “Omulumenhu winya, ye omukwetu; ye omupambele wetu.”

RUT 3:13

Kala apa oufiku wonena. Ye ngeenge te ku fyuulula mongula, heeno, ye ne shi yukife, ndele ye ngeenge ina hala oku ku fyuulula, ame ohandi ku fyuulula, oshili, ngaashi Omwene e nomwenyo. Kala apa u nangale fiyo ongula.

RUT 3:9

Ndele ye okwa pula: “Oove lyelye?” Ye ta nyamukula: “Aame Rut, omupiya woye omukainhu. Uvikile nge, omupiya woye, omavava oye, osheshi oove omufyuululi wepya letu.”