RUT 4:15 - Ombibeli Iyapuki

¹⁵ Ye ote ke ku hekeleka ndele ta ningi omuyambididi woye moukulupe woye. Osheshi oshitenya shoye, oshi ku hole, sha dala, ou e ku wapalela, e dule ovamati vaheyali.

RUT 4:15 ပူးပေါင်းရင်းမြစ်များ

GENESIS 45:11

Ndele ame ohandi ke ku kalela noshisho, osheshi natango ope na omido nhano dondjala, opo ove neumbo loye naaveshe ava ve li pwoove muha nyonwe po.” ’

GENESIS 47:12

Ndele Josef okwa palula xe novamwaxe neumbo alishe laxe nomingome pamuvalu woludalo.

OMAPSALOME 55:22

Omutengi woye u undulila kOmwene, Ye ote ku kalele noshisho. Oye ita efa nande omuyuki a kale alushe nokutengauka.

OMAYELETUMBULO 18:24

Omulumenhu e nookaume vahapu ta ka mona oluhepo, ndelenee ope nookaume ve dule ovamwaina ovalumenhu mokulineekelwa.

JESAJA 46:4

ndele fiyo omoukulupe weni, Aame tuu ou, ndi li ngaashi nda kala, fiyo otamu kulu, tamu mene eenghwakutoka onda hala oku mu kuminina, Ame nde shi ninga nonatango ohandi ka humbata, handi ka kuminina ndele handi ka xupifa.

RUT 4:16

Ndele Naomi a kufa okaana nokwe ka tula mekolo laye, ndele ye a ninga omutekuli wako.

1 SAMUEL 1:8

Nomulumenhu waye Elkana okwe mu lombwela: “Hanna, oto lilile shike ndele ito li sha? Nomolwashike omwenyo woye tau nyika oluhodi? Haame ngeno ndi dule ovamati omulongo?”

1 SAMUEL 2:5

Ava va li va kuta, hava longele ondjabi yomungome, ndelenee ava va li va fya ondjala, itava fi vali ondjala. Ongadji otai dala vaheyali, ndelenee oshipuna shovana tashi kanifa eenghono.