RUT 4:13 - Ombibeli Iyapuki

¹³ Osho ngaha hano Boas a kufa Rut, ndele ye a ninga omwalikadi waye. Ndele ye okwa ya mo kuye, nOmwene okwe mu pa oufimba nokwa dala okaana okamati.

RUT 4:13 ပူးပေါင်းရင်းမြစ်များ

GENESIS 20:17

Opo nee Abraham okwa ilikana Kalunga, ndele Kalunga okwa velula Abimelek, nosho yo omwalikadi waye novapika vaye ovakainhu, opo va shiive okudala.

GENESIS 25:21

Ndele Isak okwa ilikana Omwene molwomwalikadi waye, osheshi ye okwa li ongadji. Ndele Omwene okwe mu uda, nomwalikadi waye, Rebeka, okwa ninga oufimba.

GENESIS 29:31

Ndele Omwene eshi a mona nokutya, Lea okwa li ehe holike, Ye okwe mu pa oludalo. Ndelenee Rakel okwa li ongadji.

GENESIS 30:2

Opo nee Jakob okwa handukila Rakel ndele ta pula: “Ame omuponhele waKalunga mbela, ou ine ku pa oludalo?”

GENESIS 33:5

Hano Esau eshi a yelula omesho aye ndele ta mono ovalikadi novana, okwa pula ta ti: “Ovo oolyelye ve li pamwe naave?” Ndele Jakob okwa nyamukula ta ti: “Ovo ovamwange, ava Kalunga konghenda yaye a pa omupiya woye.”

OMAPSALOME 113:9

Omwalikadi ongadji ote mu pe onhele meumbo, ote mu ningi omudalakadi a hafele ovana. Halleluya!

OMAPSALOME 127:3

Heeno, ovana ovamati ovo oshali yOmwene, nokumona oludalo osho ondjabi iwa.

RUT 3:11

Hano paife omumwange, ino tila, ohandi ka yukifa eendjovo doye. Oshilando ashishe shovakwetu oshi ku shii, oove omukainhu wa fimana.

RUT 4:12

Ndele moludalo olo to pewa kOmwene momwalikadi ou omunyasha, namu holoke eumbo li ninge ngaashi eumbo laPeres, Tamar e mu dalela Juda.”

1 SAMUEL 1:27

Okaana aka okamati onde ka indila kOmwene, nOmwene okwa pa nge eshi nde shi mu indila.

1 SAMUEL 2:5

Ava va li va kuta, hava longele ondjabi yomungome, ndelenee ava va li va fya ondjala, itava fi vali ondjala. Ongadji otai dala vaheyali, ndelenee oshipuna shovana tashi kanifa eenghono.