RUT 4:1 - Ombibeli Iyapuki

¹ Ndele Boas okwa ya koshivelo shoshilando ndele ta kala omutumba. Nomufyuululi wepya, ou a tongwa kuBoas, eshi a enda po opo, Boas ta ti kuye: Ila tu kale omutumba apa! Ye e uya po ndele ta kala omutumba.

RUT 4:1 ပူးပေါင်းရင်းမြစ်များ

GENESIS 19:1

Ndele ovaengeli venya vavali ove uya kuSodom onguloshi, fimbo Lot a li omutumba poshivelo shaSodom. Ndele Lot eshi e va mona, okwa fikama ndele te ke va shakeneka ndele te lifidimike pedu,

GENESIS 23:10

Ndele Efron okwa li omutumba pokati kovana vaHet. Opo nee Efron, Omuheti, okwa nyamukula Abraham momatwi ovana vaHet, aveshe ava va ya mo moshivelo shoshilando shaye:

GENESIS 34:20

Opo nee Hamor nomona waye Sekem va ya koshivelo shoshilando shavo ndele va popya novalumenhu vomoshilando shavo, tava ti:

2 SAMUEL 15:2

Absalom okwa li e nonghedi yokupenduka ongula inene nokukala pondjila oyo tai twala koshivelo shoshilando. Nomunhu keshe ou a li e neendjovo ndele ta i kohamba, Absalom okwe mu ifana ndele ta ti: “Owa dja moshilando shilipipo?” Ou eshi a nyamukula: “Omupiya woye a dja moshilando shonhumba shomoilando yaIsrael.”

2 OMAFIMBO 18:9

Fimbo ohamba yaIsrael naJosafat, ohamba yaJuda, keshe imwe ya kala omutumba kolukalwapangelo layo, ndele da li da djala oikutu youhamba koshipale poshivelo shaSamaria, novaxunganeki aveshe tava xunganeke moipafi yado,

JOB 29:7

Ame eshi nda ya koshivelo shoshilando, eshi va tula olukalwa lange koshilandelo.

JOB 31:21

ofiye ngeenge nde i takela ongonyo yange, eshi nda mona ko okupopilwa kwange moshivelo,

OMAPSALOME 69:12

Ovanhu vomeendabo dokulandela aame tava shashala, neengholwe otadi imbile nge.

OMAYELETUMBULO 31:23

Omulumenhu waye a shiivika poshivelo, eshi ta kala ko omutumba pamwe novakulunhu voshilongo.

JESAJA 55:1

Akutu, onye amushe ava mwa fya enota, ileni oku komeva. Nanye ava muhe na oimaliwa, ileni, landeni nye mu lye; heeno, landeni hamakasha, muhe na oimaliwa, omaviinyu nomashini.

JEREMIA 32:10

Ame onda shanga omushangwa welandakanifo, nde u tula oshihako, ndele nda ifana eendobwedi noimaliwa onde i yelekifa oshiyelekifo.

AMOS 5:15

Nye omu nokutonda eshi shii nokuhola eshi shiwa, ndele diinineni ouyuki poshivelo, kashiimba Omwene Kalunga komatanga ovakwaita ta ka filonghenda oshixupe shaJosef.

SAKARIA 2:6

“Woo! Woo! Djeni mo onhapo medu loumbangalanhu, Omwene ta ti! Osheshi nde mu lihanifila keembinga adishe dedu, Omwene ta ti.

DEUTERONOMION 16:18

“Ovatokoli veendjovo novapashukili mu noku ve linangekela meenhu doilando yoye aishe, oyo to i pewa kOmwene Kalunga koye pamapata oye, ndele vo ve nokuyukifa eendjovo dovanhu payuki.

DEUTERONOMION 17:5

ove u nokutwala omulumenhu ou ile omukainhu ou a ninga owii u fike opo, komesho yeenhu doye, omulumenhu ile omukainhu u mu dipae nomamanya.

DEUTERONOMION 21:19

hano xe naina, vo ve noku mu twala kovakulunhu voshilando noponhu yonhele yavo,

DEUTERONOMION 25:7

Nomulumenhu ngeenge ina hala okuhombola haukwe waye, haukwe waye oku nokuya peenhu dovakulunhu vaye ndele na tye: ‘Haukwe wange ta anye okudalifila omumwaina edina muIsrael. Ye ina hala okushakenifila nge oshilonga shahaukwe waye.’

JOSUA 20:4

Ye eshi ta i onhapo hano moshilando shimwe shomoilando oyo, ndele ta kala ofika poshivelo shoshilando ndele ta shiivifile ovakulunhu voshilando eendjovo daye, vo ve noku mu tambula puvo moshilando noku mu pa onhele, opo a shiive okukala puvo.

RUT 3:12

Hano osho shili, aame omufyuululi wepya, ndelenee ope nomukwetu umwe omukwetulela omufyuululi wepya, e li nge komesho.

RUT 3:18

Opo nee Naomi ta ti: “Omumwange, kala ashike wa mwena fiyo wa shiiva eendjovo doye da yukifwa ngahelipi. Osheshi omulumenhu ou ita tulumukwa nena fimbo ina yukifa oshinima osho shoye.”