RUT 3:10 - Ombibeli Iyapuki

¹⁰ Ndele ye ta ti: Omumwange, Omwene ne ku nangeke noupuna. Ohole yoye yopaife, we i holola, oi dule inya yotete, eshi ino shikula ovamati eehepele ile oipuna.

RUT 3:10 ပူးပေါင်းရင်းမြစ်များ

GENESIS 24:31

ndele ta ti: “Ila meumbo, ove omunangekwa noupuna wOmwene! Oshike u li ofika pondje, manga ame nda longekida eumbo nonhele yo yeengamelo?”

RUT 1:8

Naomi ta lombwele oitenya yaye ivali ta ti: Indeni, shuneni komaumbo oonyoko. Omwene ne mu file onghenda ngaashi nye mwa fila ovafi naame onghenda.

RUT 2:11

Ndele Boas okwa nyamukula ndele ta ti kuye: “Ame nda hepaululilwa naanaa ashishe osho wa ningila nyokomweno, omulumenhu woye eshi a fya, ndele ove wa fiya ko xo nanyoko noshilongo shoudalwa woye ndele we uya koshiwana ino shi shiiva shito.

RUT 2:20

Ndele Naomi ta ti koshitenya shaye: “Ye na nangekwe noupuna kOmwene, ou iha kufa po onghenda yaye povanamwenyo nopovafi”. Naomi ta ti vali kuye: “Omulumenhu winya, ye omukwetu; ye omupambele wetu.”

RUT 2:4

Ndele Boas okwe uya mo, ta di muBetlehem, nokwa popifa ovatei ta ti: “Omwene na kale nanye!” Ndele vo ove mu nyamukula: “Omwene ne ku nangeke noupuna!”

RUT 3:9

Ndele ye okwa pula: “Oove lyelye?” Ye ta nyamukula: “Aame Rut, omupiya woye omukainhu. Uvikile nge, omupiya woye, omavava oye, osheshi oove omufyuululi wepya letu.”

1 SAMUEL 15:13

Samuel eshi e uya kuSaul, Saul ta ti kuye: “Ove u nangekwe noupuna kOmwene. Ame nda wanifa ondjovo yOmwene.”