RUT 2:4 - Ombibeli Iyapuki

⁴ Ndele Boas okwe uya mo, ta di muBetlehem, nokwa popifa ovatei ta ti: “Omwene na kale nanye!” Ndele vo ove mu nyamukula: “Omwene ne ku nangeke noupuna!”

RUT 2:4 ပူးပေါင်းရင်းမြစ်များ

GENESIS 18:19

Osheshi Ame onde mu hoolola, opo a lombwele ovana vaye neumbo laye nokutya, nava diinine ondjila yOmwene, va shiive okulonga ouyuki noshili, opo Omwene a wanifile Abraham eshi Ye e mu udanekela.”

GENESIS 28:3

Ndele Kalunga Omunaenghono adishe ne ku nangeke noupuna, ne ku pe oludalo noku ku hapupalifa, opo mwoove mu dje oiwana.

1 OMAFIMBO 2:51

Salma okwa dala Betlehem, Haref okwa dala Bet-Gader.

OMAPSALOME 118:26

Na nangekwe noupuna, ou te uya medina lOmwene. Ohatu mu punikile mongulu yOmwene.

OMAPSALOME 134:3

Omwene omushiti weulu nedu ne mu nangeke noupuna muSion.

JEREMIA 31:23

Omwene womatanga ovakwaita, Kalunga kaIsrael ota ti: “Omafiku okomesho, nge handi lundulula osho she va hanga moshilongo shaJuda nomoilando aishe tamu tiwa: ‘Omwene ne ku punike, oove onhele youyuki, oove omhunda iyapuki.’

NUMERI 6:24

‘Omwene ne ku nangeke noupuna, Ye ne ku amene;

LUKAS 1:28

Ndele omweengeli eshi e uya mo kuye okwa tya: “Kundwa, oove omufilwanghenda! Omwene oku li naave. Oove omunangekwa noupuna mokati kovakainhu.”

2 OVATESSALONIKI 3:16

Ndele Oye, Omwene wombili, ne mu pe ombili alushe opaenghedi adishe. Omwene na kale nanye amushe.

1 TIMOTEUS 6:2

Ndelenee ava ve noovene vavo ovaitaveli, inave va dina, shaashi vo ovamwaxe, ndelenee nave va longele shili, osheshi vo ovaitaveli novaholike. Longa oinima ei nokukumaida.

2 TIMOTEUS 4:22

Omwene Jesus Kristus na kale nomhepo yoye. Efilonghenda nali kale nanye.

JOSUA 24:15

Ndelenee ngeenge inashi mu wapalela okulongela Omwene, lihoololeleni nena eli ou mwa hala oku mu longela, ngeenge oikalunga ooxo va longela kombada yaEufrat ile oikalunga vOvaamori medu lavo mu li. Ndelenee ame neumbo lange hatu ka longela Omwene.”

OVATOKOLIPANGELI 6:12

Nomweengeli wOmwene okwe mu holokela ndele ta ti kuye: “Omwene oku li pamwe naave, omukwanyati omuladi!”

OVATOKOLIPANGELI 6:16

Opo nee Omwene ta ti kuye: “Ame ondi li pamwe naave, onghee to ka taataa Ovamidian ngaashi omulumenhu umwe.”

RUT 2:3

Opo nee ye a ya, ndele a pupudulula mepya mokushikula ovatei. Nelao le mu twala mepya laBoas, omukwanepata laElimelek.

RUT 2:5

Opo nee Boas a pula omupiya waye, omupashukili wovatei: “Omukainhu winya omunyasha olyelye?”

RUT 4:11

Opo nee ovanhu aveshe ava va li moshivelo shoshilando novakulunhu tava ti: “Fye eendobwedi. Omwalikadi ou te uya meumbo loye na ningilwe kOmwene ngaashi Rakel nongaashi Lea, ovo aveshe vavali ova tunga eumbo laIsrael. Ninga oilonga yeenghono muEfrata, edina loye li ninge linene muBetlehem!

1 SAMUEL 17:37

David ta ti vali: Omwene ou a xupifa nge meenyala donghoshi nomeenyala demwangha, Ye ota ka xupifa nge yo meke lOmufilisti ou.” Opo nee Saul ta ti kuDavid: “Inda, Omwene na kale naave!”