RUT 2:12 - Ombibeli Iyapuki

¹² Omwene ne ku alulile oshilonga shoye nondjabi yoye nai ninge inene shili to ke i pewa kOmwene Kalunga kaIsrael, eshi we uya okukonga eameno koshi yomavava aye.”

RUT 2:12 ပူးပေါင်းရင်းမြစ်များ

OMAPSALOME 17:8

Diinine nge ngaashi omuni yeisho loye, u holeke nge momudidimbe womavava oye,

OMAPSALOME 19:11

Omupiya woye ote liefele yo okulondwelwa kudo; moku di diinina, otamu di ondjabi inene.

OMAPSALOME 36:7

Kalunga, ouwanghenda woye ounyenye u fike peni! Ovana vovanhu ohava hondama momudidimbe womavava oye.

OMAPSALOME 57:1

Kalunga, file nge onghenda, file nge onghenda, osheshi kwoove omwenyo wange otau kongo ekwafo, ndele momudidimbe womavava oye onda hala okukonga eameno fiyo ehanauno la pita po.

OMAPSALOME 58:11

Ndele taku tiwa: “Heeno, oshili, omuyuki ota mono oshiimati nokuli; heeno, oku na Kalunga, ou ha tokola kombada yedu.”

OMAPSALOME 61:4

Itavele nge ndi kale alushe metwali loye, ndi hondame meameno lomavava oye. Sela

OMAPSALOME 63:7

Osheshi Oove ekwafo lange, nomomudidimbe womavava oye ohandi nyakukwa.

OMAPSALOME 91:4

Ote ku tuvike nomalwenya aye, nomomavava aye omo to hondama; oudiinini waye, owo oshikelelifo neameno.

OMAYELETUMBULO 11:18

Omuhenakalunga te likongele eliko loipupulu, ndelenee ou ha kunu ouyuki, ondjabi i shii kulineekelwa.

OMAYELETUMBULO 23:18

Osheshi oshili oku nefimbo lokomesho, neteelelo loye itali ka hepa ngaho.

JEREMIA 31:16

Ndelenee Omwene ota ti: “Lididimika mokulila kwoye, nomesho oye inaa tondoka vali omahodi, osheshi oilonga yoye oi nondjabi, Omwene osho ta ti; ndele tava ka aluka kedu lovatondadi.

MATEUS 23:37

“Jerusalem, Jerusalem, ove ho dipaa ovaxunganeki ndele ho dipaa nomamanya ava ve ku tuminwa, olungapi nda hala okwoongela ovamwoye, ngaashi oxuxwa hai ongele ouxuxwena vayo koshi yomavava ayo! Ndele nye inamu hala.

MATEUS 5:12

Hafeni nye mu nyakukwe pombada, osheshi ondjabi yeni oinene meulu; osho ngaha va li va taataa ovaxunganeki, ve mu tetekela.

MATEUS 6:1

“Lungameni okutalifa ouyuki weni moipafi yovanhu mu monike kuvo; ndele ngeenge tamu u talifa, kamu noshipewa kuXo yeni meulu.

LUKAS 6:35

Ndelenee holeni ovatondi veni, nye mu va ningile ouwa, yandjeni nye muha teelele okwaalulilwa sha, opo ondjabi yeni tai ningi inene, ndele nye otamu ningi ovana vaau wOkombadambada, osheshi naye yo oku na onheni naava vehe shii okupandula naava vai.

OVAKOLOSSI 2:18

Ondjabi yeni yefindano muhe i nyekwe nande okomunhu a hokwa elininipiko nokulongela ovaengeli note litumbalekele omamoniko nokwa fulalala keendunge daye dopambelela,

2 TIMOTEUS 1:18

Omwene ne mu kwafe, ye na mone onghenda kOmwene mefiku linya. Oove mwene u shi shii nawa, nhumbi ye a yakula nge shili muEfeso.

2 TIMOTEUS 4:8

Opo nee nda tuvikililwa oshishani shouyuki handi ke shi pewa mefiku linya kOmwene, omutokoli omuyuki, ndelenee haame andike, naaveshe ava ve hole eholoko laye.

OVAHEBERI 11:26

nokushekwa kwaKristus okwe ku tala oko oupuna u dule omamona omuEgipiti, osheshi e a pilamena a taalela kondjabi.

OVAHEBERI 11:6

Kape na ou ta dulu okuwapalela Kalunga, ngeenge kape neitavelo, osheshi ou ta ehene kuKalunga e nokwiitavela nokutya, oko e li, naava tave mu kongo, ote va pe ondjabi.

OVAHEBERI 6:10

Osheshi Kalunga ke fi omuhenouyuki a dimbwe ngeno oilonga yeni nohole yeni mokufimanekifa edina laye, eshi mwa yakulile ovayapuki ndele hamu shi ningi natango.

RUT 1:16

Ndelenee Rut ta ti: “Ino lombwela nge, ndi ku fiye po ndi shune ko ndiha ye naave. Osheshi keshe apa to i, naame yo ohandi ka ya ko, ndele keshe apa ho kala, naame yo ohandi ka kala ko. Oshiwana shoye osho oshiwana shange, naKalunga koye Oye Kalunga kange.

RUT 2:11

Ndele Boas okwa nyamukula ndele ta ti kuye: “Ame nda hepaululilwa naanaa ashishe osho wa ningila nyokomweno, omulumenhu woye eshi a fya, ndele ove wa fiya ko xo nanyoko noshilongo shoudalwa woye ndele we uya koshiwana ino shi shiiva shito.

RUT 2:13

Opo nee ye ta ti: “Omwene wange, ame onda filwa onghenda momesho oye! Osheshi ove owa hekeleka nge, ndele wa lombwela nge, omupiya woye, eendjovo dokomutima, nande ame ondimuxupi, ndi dulike kovapiya voye ovakainhu.”

RUT 4:15

Ye ote ke ku hekeleka ndele ta ningi omuyambididi woye moukulupe woye. Osheshi oshitenya shoye, oshi ku hole, sha dala, ou e ku wapalela, e dule ovamati vaheyali.

1 SAMUEL 24:19

Osheshi umwe ngeenge te litu omutondadi waye, ote mu efa tuu a ye nondjila iwa? Ndelenee Omwene ote ke ku alulila ouwa ou we u ningila nge nena.

1 SAMUEL 24:20

Ndele paife tala, ondi shi shii shili nokutya, ove oto ka ninga ohamba, nouhamba waIsrael otau ka kala wa pama meke loye.