RUT 2:10 - Ombibeli Iyapuki

¹⁰ Opo nee ye e linyongamena poshi oshipala shaye ndele ta ti kuye: “Omolwashike ame nda filwa onghenda momesho oye, ndele wa tala nge nande ame omunailongo?”

RUT 2:10 ပူးပေါင်းရင်းမြစ်များ

GENESIS 18:2

Ye eshi a yelula omesho, okwa mona ovalumenhu vatatu ve li ofika komesho yaye. Ndele ye eshi e va mona okwa dja po poshivelo shetwali ta endelele e ke va shakeneke ndele te linyongamene poshi,

2 SAMUEL 19:28

Osheshi eumbo lange alishe la kala pomwene wange ohamba ngaashi ovalumenhu va yandjwa mefyo. Nande ngaha, omupiya woye ove we mu tula mongudu yaava hava li koshililo shoye. Hano ame ondi noufemba washike vali, opo ndi pule sha kohamba?”

2 SAMUEL 7:18

Opo nee ohamba David ya ya mo ndele tai kala koshipala shOmwene ndele tai ti: “Omwene Kalunga, aame lyelye, nepata lange eshike, Ove eshi wa fikifa nge fiyo opapa?

2 SAMUEL 9:8

Opo nee ye te linyongamene ndele ta ti: “Omupiya woye omushike, ove eshi ho dimbulukwa ombwa ya fya ngaashi ame?”

LEVITIKUS 19:34

Omunailongo ou ta kala punye, na talwe kunye, oye ngaashi omudalelwa mo womoshilongo, ou e li mokati keni. Ndele mu noku mu hola ngaashi mu lihole nye vene, osheshi nanye yo mwa li ovanailongo medu laEgipiti. Aame Omwene Kalunga keni.

MATEUS 25:35

Osheshi Ame onda li nda fya ondjala, onye omwa pa nge okulya; Ame onda li nda fya enota, onye omwa nwefa nge; Ame onda li ongedi, onye omwa nangeka nge.

LUKAS 1:43

Ndele osha dila nge peni, ina yOmwene wange te uya kwaame?

LUKAS 1:48

eshi a tala ouxupi womupiya. Tala, okonena omapupi aeshe otaa fimaneke nge ndimunelao.

OVAROMA 12:10

Mokuhola ovamwaxo filafaneni olukeno, mokufimanekafana paafaneni oshihopaelelwa.

RUT 2:11

Ndele Boas okwa nyamukula ndele ta ti kuye: “Ame nda hepaululilwa naanaa ashishe osho wa ningila nyokomweno, omulumenhu woye eshi a fya, ndele ove wa fiya ko xo nanyoko noshilongo shoudalwa woye ndele we uya koshiwana ino shi shiiva shito.

RUT 2:13

Opo nee ye ta ti: “Omwene wange, ame onda filwa onghenda momesho oye! Osheshi ove owa hekeleka nge, ndele wa lombwela nge, omupiya woye, eendjovo dokomutima, nande ame ondimuxupi, ndi dulike kovapiya voye ovakainhu.”

RUT 2:19

Opo nee inamweno yaye e mu pula ta ti: “Openi wa pupudulula nena? Nopeni wa longa? Ou e ku fila onghenda na nangekwe noupuna!” Okwa hepaululila inamweno apa a longa, ndele ta ti: “Edina lomulumenhu ou puye nda longa nena, oBoas.”

RUT 2:2

Ndele Rut, Omumoabi ta ti kuNaomi: “Ame nda hala, ndi ye mepya ndi ka pupudulule, ndi shikule ou ta file nge onghenda.” Opo nee ye te mu nyamukula ta ti: “Inda ko, omumwange!”

RUT 2:9

Va shikulifa omesho oye keshe apa tava ka teya mepya. Ovapiya vange onde va lombwela vehe ku kume. Ndele ngeenge owa fya enota, inda ko u ka nwe moiyuma, ovapiya vange ve a tekela mo.”

1 SAMUEL 25:23

Abigail eshi a mona David okwa londoloka diva kondongi yaye, nokwa wila eombe koshipala shaDavid, nokwe linyongamena pedu