RUT 1:22 - Ombibeli Iyapuki

²² Osho ngaha hano Naomi okwa aluka noshitenya shaye Rut, Omumoabi, pamwe naye va dja kepumbu laMoab. Ndele ve uya kuBetlehem pehovelo leteyo loilya.

RUT 1:22 ပူးပေါင်းရင်းမြစ်များ

2 SAMUEL 21:9

Ndele okwe va yandja momake Ovagibeon, vo ve va endjelelifa komhunda koshipala shOmwene, opo aveshe vaheyali va fya. Ndele ova fya pomafiku otete eteyo, nokutya pehovelo leteyo loilya.

LEVITIKUS 23:10

a lombwele ovana vaIsrael a tye kuvo: “Nye ngeenge tamu fiki medu linya Ame handi ke li mu pa, ndele tamu teya oilya yalo, mu nokweetela omupristeli oshipandi shotete shoshipe sheteyo leni.

LEVITIKUS 23:11

Ndele ye e nokudungadungifa oshipandi koshipala shOmwene opo mu wapalele Omwene. Mefiku tali shikula Eshabata, omupristeli e noku shi dungadungifa.

RUT 2:23

Osho ngaha hano e litula povapiya ovakainhu vaBoas a ka pupudulule fiyo va mana okuteya oilya aishe. Ndele a kala puinamweno yaye.

RUT 2:6

Nomupiya, omupashukili wovatei, a nyamukula ndele ta ti: “Ye omukainhu Omumoabi, ou e uya pamwe naNaomi, a dja kepumbu laMoab.