RUT 1:14 - Ombibeli Iyapuki

¹⁴ Opo nee va yelula ondaka yavo ndele tava lili vali. Ndele Orpa okwa xupita inamweno ndele ta i, ndelenee Rut okwa kanyatela kuye.

RUT 1:14 ပူးပေါင်းရင်းမြစ်များ

GENESIS 31:28

Navali ove ino efa nge ndi fipe komilungu dovatekulu vange nodovana vange oukadona. Heeno, owa ninga nai.

GENESIS 31:55

Ndelenee ongula inene Laban okwa penduka ndele okwa fipa ovana vaye ovamati novana vaye oukadona komilungu ndee okwe va nangeka noupuna. Opo nee Laban okwa fikama ndele okwa shuna konhele yaye.

2 SAMUEL 19:39

Opo nee ovanhu aveshe va taulula Jordan. Nohamba eshi ya taulula, oya fipa Barsillai komilungu ndee te mu lekele. Ndele ye okwa ya keumbo laye.

1 EEHAMBA 19:20

Opo nee a efa eengobe daye nokwa shikula Elia ndele ta ti: “Lekele nge manga, ndi ka fipe komilungu datate nameme. Opo ndele handi ku shikula.” Ndele ye te mu nyamukula: “Inda, ndele aluka, u shi shii osho nde shi ku ningila?”

OMAYELETUMBULO 17:17

Kaume oku na ohole alushe, nomumwaina ta dalwa, a kwafe moluhepo.

OMAYELETUMBULO 18:24

Omulumenhu e nookaume vahapu ta ka mona oluhepo, ndelenee ope nookaume ve dule ovamwaina ovalumenhu mokulineekelwa.

JESAJA 14:1

Osheshi Omwene ota ka fila Jakob onghenda, nota hoololulula Israel ndele te va nangeke medu lavo; ovanailongo otave litula puvo ndele tava ngudumana meumbo laJakob.

SAKARIA 8:23

Omwene womatanga ovakwaita ota ti: ‘Omafiku tuu enya ovalumenhu omulongo vomomalaka aeshe oiwana otava ka kwata koshikutu shomulumenhu Omujuda nokukanyatela ko, ndele tava ti: Ofye twa hala okweenda pamwe nanye, osheshi ofye twa uda, nokutya Kalunga e li pamwe nanye.’ ”

MATEUS 10:37

“Keshe ou e hole xe ile ina komesho yange, oye ina wapalela nge; nakeshe tuu ou e hole omona waye omumati ile okakadona komesho yange, oye ina wapalela nge;

MATEUS 16:24

Ndele Jesus okwa lombwela ovalongwa vaye: “Ngeenge ku na ou a hala okushikula nge, oye ne lixupule ye mwene, ne litwike omushiyakano waye, ye na shikule nge.

MATEUS 19:22

Ndele omunyasha eshi a uda ondjovo ei, okwa dja po a nyika oluhodi, osheshi ye okwa li e noinima ihapu.

OILONGA YOVAYAPOSTOLI 17:34

Ndele ovalumenhu vamwe va ama kuye, ndele va ninga ovaitaveli. Mokati kaava mwa li Dionisius, Omuareopagi nomukainhu umwe, edina laye Damaris noovakwao pamwe navo.

DEUTERONOMION 10:20

U nokutila Omwene Kalunga koye, u noku mu longela, muye u nokukanyatela, ndele medina laye u nokwaana.

DEUTERONOMION 4:4

Ndelenee ava mwa li mwa kanyatela kOmwene Kalunga keni, nye amushe omu nomwenyo natango fiyo onena.

2 TIMOTEUS 4:10

Osheshi Demas mokuhola ounyuni ou wopaife, okwa fiya nge po, ndele ta i kuTessalonika, Kreskens okwa ya kuGalatia, Titus okuDalmatia.

OVAHEBERI 10:39

Ndelenee fye katu shi ovashunimonima voku ka kana, ndelenee ofye hatu itavele, eemwenyo detu di xupifwe.

RUT 1:13

nye otamu dulu tuu ngeno oku va teelela fiyo tava kulu? Nye mu kale ngeno mwa anya mu hombolwe vali? Ahowe, vamwange, ame ondi noluhodi linene omolweni, osheshi eke lOmwene la hanga nge.

RUT 1:15

Opo nee ye ta ti: “Tala, hautenyamukweni okwa piluka nokwa shuna koshiwana shavo nokoikalunga yavo. Shikula hano hautenyamukweni.”

RUT 1:7

Osho ngaha hano ye okwa fiya po eumbo laye nokwa dja po pamwe noitenya yaye ivali. Ndelenee ye eshi a li mondjila okushuna koshilongo shaJuda,

RUT 2:11

Ndele Boas okwa nyamukula ndele ta ti kuye: “Ame nda hepaululilwa naanaa ashishe osho wa ningila nyokomweno, omulumenhu woye eshi a fya, ndele ove wa fiya ko xo nanyoko noshilongo shoudalwa woye ndele we uya koshiwana ino shi shiiva shito.