OVAKOLOSSI 3:2 - Ombibeli Iyapuki

² Omadiladilo eni naa dame oinima yopombada, hainima ei yokombada yedu.

OVAKOLOSSI 3:2 ပူးပေါင်းရင်းမြစ်များ

1 OMAFIMBO 22:19

Hano paife, omitima deni neemwenyo deni di yukifeni okukonga Omwene Kalunga keni, ndele fikameni mu tunge otembeli yOmwene Kalunga, opo mu ete oshikefa shehangano lOmwene noinima iyapuki yaKalunga mongulu oyo tai ka tungilwa edina lOmwene.”

1 OMAFIMBO 29:3

Ndele eshi ndi hole ongulu yaKalunga kange, ohandi yandje kongulu yaKalunga oshingoldo noshisiliveli shange mwene, ponho yaaishe oyo nde i tuvikilila ongulu yotembeli, nokutya:

OMAPSALOME 62:10

Inamu lineekela omunyeka, inamu liwewelekela oitinhwa yeni; nemona ngeenge tali hapupala, inamu mangela mo omitima deni!

OMAPSALOME 91:14

Oye eshi a dama kwaame, onda hala ndi mu xupife, nda hala ndi mu amene, osheshi ota shiiva edina lange.

OMAYELETUMBULO 23:5

Omesho oye eshi a wile ko, oupuna uhe po, osheshi divadiva wa mona omavava ndele tau tuka ngaashi onhwa keulu.

OMUUDIFI 7:14

Kala wa hafa mefiku liwa, ndele mefiku lii, kala u shi shii nokutya, Kalunga okwa ninga efiku eli ngaashi linya; osheshi omunhu ita pewa sha mwaai tai mu shikula.

MATEUS 16:23

Ndelenee Ye okwa punguluka ndele ta ti kuPetrus: “Dja po pwaame, Satana. Oove omuhongauli wange, osheshi ove ito diladila osho shaKalunga, ndele osho oshovanhu.”

MATEUS 6:19

“Inamu liongelela omamona kombada yedu, oko eenhwishi noilemo hai nyonauna, naaku ovalunga hava fe, ndele tava vake.

LUKAS 12:15

Ndele Ye okwe va lombwela: “Pashukeni nye mu lungame keshe tuu olwisho, osheshi omwenyo womunhu ihau xupifwa kouhapu weliko laye.”

LUKAS 16:11

Ndele ngeenge ihamu kala ovadiinini nemona loipupulu, olyelye te mu pe ei yoshili?

OVAFILIPPI 1:23

Hano handi fininikwa keembinga mbali, onda hala okudja po ndi ka kale puKristus, osheshi osho sha wapalela nge unene;

OVAKOLOSSI 3:1

Hano ngeenge mwa nyumunwa pamwe naKristus, kongeni inya yokombada, oko Kristus e li omutumba kolulyo laKalunga.

OVAKOLOSSI 3:5

Dipaeni hano oinhimbu yeni yopadu: oluhaelo, onyata, olwisho loipala, okahalu kai, nolwisho leliko olo elongelo loikalunga,