OVAKOLOSSI 2:2 - Ombibeli Iyapuki

² opo omitima davo da kwatafana mumwe mohole, di tuwe ouladi okutambula oupuna aushe weendunge da wana, nova longwe okushiiva oshiholekwa shaKalunga, osho oKristus.

OVAKOLOSSI 2:2 ပူးပေါင်းရင်းမြစ်များ

1 EEHAMBA 3:28

Ndele Ovaisraeli aveshe va uda nhumbi ohamba ya tokola eendjovo odo, ndele va tila ohamba. Osheshi va mona nokutya, muye omu neendunge daKalunga okutokola pauyuki.

OMAPSALOME 133:1

Taleni, oshiwa nosha wapala shi fike peni, ovamwaxe ngeenge tava kala kumwe nombili.

JESAJA 32:17

Ndele oshilonga shouyuki osho ombili neliko louyuki etulumuko, nokulimwenenena nomokulineekela fiyo alushe.

JESAJA 40:1

Kalunga keni osho ta ti: “Hekelekeni, hekelekeni oshiwana shange.

JESAJA 53:11

Molwoudjuu womwenyo waye ote ke shi mona ndele ta kuta; nomolweshiivo laye Omupiya wange omuyuki ota ka ninga vahapu ovayuki, ndele Ye ota humbata omatimba avo.

JEREMIA 9:24

ndelenee ou te litangele, ne litangele ondunge yokushiiva nge kutya, Aame Omwene, handi wanifa onghenda nouyuki nouwa kombada yedu, osheshi oinima ei onde i hokwa, Omwene ta ti.

MATEUS 11:25

Opomafiku enya Jesus okwa popya ndele ta ti: “Ohandi ku hambelele, Tate, Omwene weulu nowedu, osheshi oinima ei Ove we i holeka ovanongo novanaendunge, ndele we i hololela eehanana.

MATEUS 11:27

Oinima aishe Ame nde i pewa kuTate, ndele kaku na ou ta shiiva Omona, Tate Oye tuu aeke, ndele kaku na ou ta shiiva Tate, Omona Oye tuu aeke, naau Omona a hala oku mu hololela.

MATEUS 13:11

Oye okwa nyamukula ndele ta ti: “Nye omwa pewa okushiiva oiholekwa youhamba weulu, ndele venya inave i pewa.

LUKAS 1:1

Eshi vahapu va hovela okutunga ehepaululo loinima ei ya ningwa mokati ketu,

JOHANNES 10:30

Ofye naTate umwe.”

JOHANNES 10:38

Ndelenee, ngeenge handi i longo, nande itamu itavele nge, itaveleni oilonga ei, opo mu shiive ndele mu ude ko nokutya, Tate oku li mwaame naame ondi li muTate.”

JOHANNES 16:15

Aishe ei Tate e i kwete, oyange, onghee nda tya: oyo tai kufwa mwaai yange, ndele tai mu hepaululile.

JOHANNES 17:3

Nomwenyo waalushe oo tuu ou, vo ve ku shiive, Oove auke Kalunga kashili, naau we mu tuma, Jesus Kristus.

JOHANNES 5:17

Ndelenee Jesus okwe va nyamukula: “Tate ta longo fiyo opaife, naame yo handi longo.”

JOHANNES 5:23

opo aveshe va fimaneke Omona, ngaashi tava fimaneke Xe. Ou ita fimaneke Omona, oye ita fimaneke Xe ou e mu tuma.

JOHANNES 6:69

ndele fye twa itavela ndele tu shi shii, Oove Omuyapuki waKalunga.”

OILONGA YOVAYAPOSTOLI 4:32

Ndele mongudu ei inene yovaitaveli aveshe ova li ve nomutima umwe nomwenyo umwe, ndele kakwa li nande oumwe a tumbula oshinima ongaashi shaye mwene, osheshi oinima yavo aishe oya tulwa mumwe.

OVAROMA 15:13

Ndele Kalunga keteelelo ne mu yadife nehafo alishe nombili meitavelo, opo mu kale mu neteelelo linene okeenghono dOmhepo Iyapuki.

OVAROMA 16:25

Hano, ou e neenghono oku mu pameka opavaengeli lange nopaudifo laJesus Kristus, pashiholekwa eshi sha hololwa, osho sha li inashi hololwa momafimbo onale,

OVAROMA 2:4

Ile oto dini ouyadi wouwa nowonheni nowomutima mule waye, ndele ove ino shiiva ouwa waKalunga tau ku shilile kelidilululo?

1 OVAKORINTO 14:31

Osheshi onye amushe mu nomhito okuxunganeka mwa shikulafana, opo aveshe va longwe naaveshe va kumaidwe.

1 OVAKORINTO 2:12

Ndelenee fye inatu tambula omhepo younyuni, ndelenee Omhepo tuu ei yomuKalunga, opo tu shiive eshi twe shi pewa oshali kefilonghenda laKalunga.

OVAGALATI 3:28

Kape na vali Omujuda nOmugreka, kape na vali omupika nomudalwa, kape na vali omulumenhu nomukainhu; osheshi onye amushe umwe muKristus Jesus.

OVAEFESO 1:7

Muye otu nekulilo omolwohonde yaye, edimepo lomanyonauno okoupuna wonghenda yaye,

OVAEFESO 3:16

opo Ye e mu pe paupuna wefimano laye eenghono dokupameka omunhu womeni okOmhepo yaye,

OVAEFESO 3:3

nokutya, oshiholekwa eshi nde shi hololelwa memoniko, ngaashi nde mu shangela nokuli paxupi;

OVAEFESO 6:22

handi mu tumu kunye, mu kale mu shi shii nhumbi tu li, ye a hekeleke omitima deni.

OVAFILIPPI 2:1

Hano ngeenge ku na ekumaido lasha lomuKristus, ngee ehekeleko lasha lohole, ile oukumwe washa wOmhepo, nounamutimanghenda washa nolukeno,

OVAFILIPPI 3:8

Heeno oshili, oinima aishe, eshi nde i shaameka nokushiiva Kristus Jesus Omwene wange, handi i tale oyo oshiponga, osheshi omolwaye nda kanifa aishe nohandi i dini oyo oimbodi yongaho, ndi likole Kristus,

OVAKOLOSSI 1:26

nokutya, oshiholekwa osho sha li sha holekwa omafimbo nomapupi ndelenee paife osha hololelwa ovayapuki vaye,

OVAKOLOSSI 1:27

ovo Kalunga a hala oku va shiivifila oupuna wefimano loshiholekwa eshi shi li mokati kovapaani, osho Kristus munye, eteelelo lefimano.

OVAKOLOSSI 1:9

Onghee nafye yo, kokudja kefiku olo twe shi uda, inatu efa oku mu ilikanena noku mu indilila mu yadifwe okushiiva ehalo laye meendunge adishe nomounongo wopamhepo,

OVAKOLOSSI 2:19

ndele ite likwatele kOmutwe mwaau olutu alishe la kwatelwa kumwe keengolo nokomifipa, notali kulu opakulifo laKalunga.

OVAKOLOSSI 3:14

ndele kombada yaaishe djaleni ohole, oyo oshimangifo sha wana shoku mu manga kumwe.

OVAKOLOSSI 4:3

noku tu ilikanena yo, opo Kalunga e tu yeululile oshivelo shondjovo tu popye oshiholekwa shaKristus omolwaasho nda mangwa yo,

OVAKOLOSSI 4:8

Oye tuu handi mu tumu kunye, opo a shiive nhumbi mu li, ye a hekeleke omitima deni.

1 OVATESSALONIKI 1:5

Osheshi evaengeli letu ola fika kunye haneendjovo adike, ndelenee omeenghono yo nomOmhepo Iyapuki nomeyelelo la pama, ngaashi mu shi shii, nhumbi twa li mokati keni omolweni.

1 OVATESSALONIKI 3:2

notwa tuma ko Timoteus, omumwatate nomuyakuli waKalunga pamwe nafye mevaengeli laKristus, e mu pameke noku mu hekeleka meitavelo leni,

1 OVATESSALONIKI 5:14

Ohatu mu kumaida, ovamwatate, hanyeneni ava vehe neenghedi, ovambada va tweni ouladi, yakuleni oingone, aveshe va taleni onheni.

1 TIMOTEUS 3:16

Nosha shiivika nawa shili nokutya, oshiholekwa shelao lomuKalunga osho oshinene: Kalunga a holoka mombelela, okwa yukipalifwa mOmhepo, okwa monika kovaengeli, okwa udifilwa mokati koiwana, okwa itavelwa mounyuni, okwa tambulwa mefimano.

OVAHEBERI 10:22

tu eheneni hano tu nomutima wa yuka notu neitavelo la pama, twa shaminwa momitima da kufwa omaliudo mai, nokolutu twa koshwa nomeva mayela.

OVAHEBERI 6:11

Ndele otwa halelela shili keshe umwe womunye a holole ouhapu u fike pamwe, opo mu diinine mu kale mu neteelelo la pama fiyo okexulilo,

2 PETRUS 1:10

Onghee hano ovamwatate, kendabaleni shili okupameka eifano leni nokuhoololwa kweni, osheshi ngeenge tamu shi ningi, kamu na fiku limwe tamu punduka;

2 PETRUS 1:3

Osheshi aishe ei otwe i pumbwa, tu kale tu nomwenyo netilokalunga, otwe i pewa oshali okeenghono daye doukwakalunga mokushiiva ou e tu ifana noshinge shaye nouwa waye,

2 PETRUS 3:18

Kaleni nokukula mefilonghenda nomokushiiva Omwene Omukulili wetu Jesus Kristus. Efimano olaye nonena nofiyo okefiku loukwaalushe. Amen.

1 JOHANNES 3:19

Opo tuu opo hatu lidimbulukwa nokutya, ofye ovomoshili nohatu tulumukifa omutima wetu koshipala shaye,

1 JOHANNES 5:7

NOmhepo Oye tuu te mu hepaulula, osheshi Omhepo Oye oshili.