OVAKOLOSSI 1:9 - Ombibeli Iyapuki

⁹ Onghee nafye yo, kokudja kefiku olo twe shi uda, inatu efa oku mu ilikanena noku mu indilila mu yadifwe okushiiva ehalo laye meendunge adishe nomounongo wopamhepo,

OVAKOLOSSI 1:9 ပူးပေါင်းရင်းမြစ်များ

OMAPSALOME 119:99

Ovalongi vange aveshe ondi va dule eendunge, osheshi omahepaululo oye oo omadiladilo ange.

OMAPSALOME 143:10

Longe nge, ndi ninge eshi we shi hokwa, osheshi Oove Kalunga kange. Omhepo yoye iwa nai endife nge mondjila ya fefengwa.

JOHANNES 7:17

Ngeenge pe na ou a hala okulonga ehalo laye, ota ka shiiva elongo, ngeenge ola dja muKalunga, ile handi popi mwaame mwene.

OILONGA YOVAYAPOSTOLI 12:5

Osho ngaha Petrus fimbo a nangelwa modolongo, eongalo le mu ilikanena kuKalunga, inali dimbuka.

OVAROMA 12:2

Ndele nye inamu faafana nounyuni ou, ndelenee shitukeni vape momadiladilo eni, opo mu shiive okukonakona ehalo laKalunga olilipi, naashi shiwa, sha wapalela nosha wana.

1 OVAKORINTO 1:5

shaashi mwa punikwa moinima aishe muye, meendjovo adishe nomokushiiva akushe,

OVAEFESO 1:8

oyo tuu oyo e i tu pa ihapu ihapu mounongo aushe nomeendunge adishe,

OVAEFESO 5:10

Ndele shipashipeni eshi tashi wapalele Omwene,

OVAEFESO 5:17

Onghee hano inamu kala muhe neendunge, ndele shiiveni ehalo lOmwene olilipi.

OVAEFESO 6:6

muhe va longele noihelele okuwapalela ovanhu, ndelenee ongaashi ovayakuli vaKristus nokulonga komwenyo ehalo laKalunga,

OVAFILIPPI 1:4

ndele momailikano ange aeshe ohandi mu ilikanene alushe nehafo, onye amushe,

OVAKOLOSSI 1:6

la fika kunye nongaashi li li mounyuni aushe ndele tali imi oiimati, ngaashi mokati keni yo, okefiku olo mwa uda ndele mwa shiiva onghenda yaKalunga yomoshili,

OVAKOLOSSI 3:16

Eendjovo daKristus nadi kale da yadelela munye; longafaneni, pukululafaneni neendunge adishe, nomapsalome nomaimbilopandulo, nomalwiimbo opamhepo nokwiimbila Kalunga nokupandula momitima deni.

OVAKOLOSSI 4:12

NaEpafras, omukweni, omupiya waKristus Jesus, ote mu kundile po yo, oye ou he mu kondjele alushe momailikano aye, opo mu kale mwa fikama mwa wana nomwa pama mehalo alishe laKalunga.

OVAKOLOSSI 4:5

Mokweendafana naava ve li pondje kaleni mu neendunge nokukoneka efimbo liwa.

1 OVATESSALONIKI 1:3

nokudimbulukwa alushe koshipala shaKalunga Tate yetu oshilonga shomeitavelo, nokulihepeka kweni mohole nelididimiko leni meteelelotimaumbwile lOmwene wetu Jesus Kristus,

1 OVATESSALONIKI 5:17

Ilikaneni muhe nedimbuko.

2 OVATESSALONIKI 1:11

Onghee hatu mu indilile alushe Kalunga ketu e mu tale mwa wapalela eifano, Ye a wanife neenghono ehalo leni alishe okuhala ouwa noshilonga sheitavelo,

FILEMON 1:4

Ame ohandi pandula Kalunga kange alushe moku ku dimbulukwa momailikano ange,

FILEMON 1:6

ohandi ilikana, eitavelo loye, olo tuu olo tu li kwete atushe, li kale la pama mokushiiva ouwa aushe ou tu u na muKristus Jesus.

OVAHEBERI 10:36

Osheshi otamu pumbwa elididimiko, opo mu wanife ehalo laKalunga, nokupewa eshi mwe shi udanekelwa.

OVAHEBERI 13:21

Oye ne mu longekidile ouwa keshe, okuwanifa ehalo laye, Oye na longe munye eshi she mu wapalela omolwaJesus Kristus, efimano olaye alushe fiyo alushe. Amen.

JAKOB 1:5

Ndele ngeenge umwe womunye okwa hepa ounongo, ne u indile kuKalunga ou e hole okuyandjela aveshe nokuhe nokungongota, opo nee ote u pewa.

JAKOB 3:17

Ndelenee ounongo ou hau di kombada, tete owa yela nopo nee u nombili nou nolukeno nowiitaveleli nou yadi onghenda noiimati iwa; kau nomalimbililo ile oihelele.

1 PETRUS 2:15

Osheshi ehalo laKalunga oleli, onye mokulonga ouwa mu mweneke ovanhu omalai vehe neendunge,

1 PETRUS 4:2

opo momafiku aa a xupa ko mokukala natango mombelela, muha kale vali pauhalu wovanhu, ndelenee opahalo laKalunga,

1 JOHANNES 2:17

Ndelenee ounyuni otau xulu po pamwe nokahalu kao; ndelenee ou ta longo ehalo laKalunga, oye ta kala alushe.

1 JOHANNES 5:20

Ndele otu shi shii yo, Omona waKalunga okwe uya mo nokwe tu pa ondunge okushiiva Omunashili; omo tu li mOmunashili, mOmona waye Jesus Kristus. Oye Kalunga omunashili nomwenyo waalushe.

1 SAMUEL 12:23

Naame yo nashi kale nge kokule ndi nyone kOmwene ndi efe ngeno oku mu ilikanena. Ndelenee ame ohandi ke mu longa ouwa nondjila ya yuka.