OVAKOLOSSI 1:4 - Ombibeli Iyapuki

⁴ osheshi eitavelo leni lomuKristus Jesus, nohole yeni yokuhola ovayapuki aveshe, otwe i uda

OVAKOLOSSI 1:4 ပူးပေါင်းရင်းမြစ်များ

2 OVAKORINTO 7:7

ndele haneuyo laye alike, ndelenee nosho yo nehekeleko olo ye eshi a hekelekwa kunye, osheshi okwe tu hepaululila odjuulufi yeni, nenyemato leni nouladi weni molwange, opo nee ehafo lange la hapupala pombada.

OVAGALATI 3:26

Osheshi onye amushe ovana vaKalunga omolweitavelo muKristus Jesus.

OVAGALATI 3:28

Kape na vali Omujuda nOmugreka, kape na vali omupika nomudalwa, kape na vali omulumenhu nomukainhu; osheshi onye amushe umwe muKristus Jesus.

OVAGALATI 5:6

Osheshi muKristus Jesus nande epitotanda ile okuhapita etanda kaku nekwafo, ndelenee eitavelo hali longo mohole.

OVAEFESO 1:15

Onghee hano naame yo, eshi nda uda eitavelo leni mOmwene Jesus nohole yeni yokuhola ovayapuki aveshe,

OVAEFESO 6:18

Eshi shi ningeni nomailikano nomaindilo aeshe nokwiilikana alushe mOmhepo ndele molwaasho kaleni mwa pashuka moudiinini aushe nokwiilikanena ovayapuki aveshe;

OVAKOLOSSI 1:9

Onghee nafye yo, kokudja kefiku olo twe shi uda, inatu efa oku mu ilikanena noku mu indilila mu yadifwe okushiiva ehalo laye meendunge adishe nomounongo wopamhepo,

1 OVATESSALONIKI 1:3

nokudimbulukwa alushe koshipala shaKalunga Tate yetu oshilonga shomeitavelo, nokulihepeka kweni mohole nelididimiko leni meteelelotimaumbwile lOmwene wetu Jesus Kristus,

1 OVATESSALONIKI 3:6

Ndelenee paife, Timoteus eshi a aluka ko, e uya kufye, okwe tu etela onghundana iwa yeitavelo leni nohole yeni, nanhumbi hamu tu dimbulukwa alushe nohole ndele mu nodjuulufi oku tu mona, ngaashi nafye yo hatu mu djuulukwa.

2 OVATESSALONIKI 1:3

Otu nokupandula Kalunga alushe molweni, ovamwatate, ongaashi osha wapala yo, osheshi eitavelo leni otali kulu shili, nohole yeni yokuholafana tai hapupala mukeshe umwe mokati keni,

FILEMON 1:5

osheshi onda uda ohole yoye neitavelo loye okwiitavela Omwene Jesus nokuhola ovayapuki aveshe,

OVAHEBERI 6:10

Osheshi Kalunga ke fi omuhenouyuki a dimbwe ngeno oilonga yeni nohole yeni mokufimanekifa edina laye, eshi mwa yakulile ovayapuki ndele hamu shi ningi natango.

1 JOHANNES 3:14

Fye otu shi shii, kutya otwa dja mo mefyo ndele twe uya momwenyo, osheshi fye otu li po tu hole ovamwatate. Ndele ou ehe nohole, oye oha fyaala mefyo.

1 JOHANNES 3:23

Ndele oshipango shaye osho tuu eshi, tu itavele edina lOmona Jesus Kristus, fye tu kale nokuholafana, ngaashi Oye e tu pa oshipango.

1 JOHANNES 4:16

Fye otwa longwa okushiiva nokwiitavela ohole ei Kalunga e i kwete noku tu hola. Kalunga Oye ohole, naau ha kala mohole, oye ta kala muKalunga, Kalunga nota kala muye.