“ ‘Fimaneka xo nanyoko, Omwene Kalunga koye ngaashi e ku lombwela, omafiku oye opo a ninge mahapu, ndele ove u kale nelao medu olo Omwene Kalunga koye ote ke li ku pa.
Ndele ove u nokudiinina eenghedimhango daye noipango yaye, ei handi ku lombwele nena, opo ove mwene noludalo loye komesho yoye li kale nawa, nomafiku oye opo a ninge mahapu medu olo Omwene Kalunga koye te li ku pe fiyo alushe.”
Diinina shili eendjovo adishe edi, ame handi di ku lombwele, opo ove mwene novana voye konima yoye, mu mone elao fiyo alushe, ove ngeenge ho longo eshi shiwa nosha yuka momesho Omwene Kalunga koye.
Israel, pwilikina hano, u i diinine shili, opo u kale u nelao ndele ove u shiive okuhapupala unene ngaashi Omwene Kalunga kooxo e ku udanekela, medu tali tondoka omashini nomaadi eenyiki.
Ngeenge oiwa ile oii, ohatu ka dulika kondaka yOmwene Kalunga ketu, ou hatu ku tumu kuye, opo tu kale nawa, eshi hatu dulika kondaka yOmwene Kalunga ketu.”
Ndele ove u nokuninga eshi sha yuka naashi shiwa momesho Omwene, opo u kale u nelao ndele u shiive okuya mo nokunangala edu olo liwa, Omwene e li udanekela ooxo nokwaana,
Endeni neendjila odo Omwene Kalunga keni e di mu lombwela, opo mu shiive okukala nomwenyo ndele mu kale yo nelao, opo mu shiive okuhapupalifa omafiku medu olo nye mu noku ke li nangala.
inamu tunga eengulu ile inamu kuna ombuto ile inamu twika oikokola yomiviinyu, nye inamu kala nayo. Ndelenee nye omu nokukala momatwali omafiku eni aeshe, opo mu kale nomwenyo mule moshilongo omo tamu ka kala mo ovaendanandjila.
