OMUUDIFI 7:9 - Ombibeli Iyapuki

⁹ Ino endelela okulihandukifa nomwenyo woye, osheshi ehandu tali kala monhulo yelai.

OMUUDIFI 7:9 ပူးပေါင်းရင်းမြစ်များ

GENESIS 4:8

Ndele Kain okwa popya nondenge yaye Abel: “Natu ye moixwa,” ndele opa ningwa eshi va li moixwa, Kain okwa nhukila Abel ndele te mu dipaa.

2 SAMUEL 13:22

Ndelenee Absalom ina popya naAmnon nande owii ile ouwa, ndelenee Absalom okwa tonda Amnon, shaashi a fifa ohoni omumwaxe okakadona Tamar.

2 SAMUEL 13:28

Ndele Absalom okwa lombwela ovapiya vaye ndele ta ti: “Taleni, omutima waAmnon eshi wa hafifwa komaviinyu ndele ame ohandi mu lombwele: Dipaeni Amnon! Opo nee mu noku mu dipaa. Inamu tila, osheshi ame nde shi mu lombwela. Kaleni mwa pama, ovalumenhwelela!”

2 SAMUEL 13:32

Opo nee Jonadab yaSimea, omona womumwaxe waDavid ta ti: Omwene wange aha diladile nokutya, ovamati aveshe, ovana vohamba va dipawa. Amnon aeke a fya. Osheshi oshipala shaAbsalom sha holola owii okudja kefiku linya Amnon a fifa omumwaxe Tamar ohoni.

2 SAMUEL 19:43

Novalumenhu vaIsrael va nyamukula ovalumenhu vaJuda ndele tava ti: “Fye otu noitukulwa omulongo mohamba, nosho yo muDavid otu mu dule. Omolwashike mwe tu dina? Nafye tu shii twa tonga tete ohamba i alulwe?” Ndelenee eendjovo dovalumenhu vaJuda da li didjuuelela di dule eendjovo dovalumenhu vaIsrael.

OMAYELETUMBULO 14:17

Omuhandunhu ta longo oulai. Omunambudi ota ka tondwa.

OMAYELETUMBULO 14:29

Omutalanheni ye e neendunge dihapu, ndelenee omuhandunhu te likongele oulai.

OMAYELETUMBULO 16:32

Omutalanheni e dule omuladi. Ndele ou te lipangele, e dule ou a teya oshilando.

OMAYELETUMBULO 25:8

Ino endelela okuhokololifa, fiku limwe ku na sha eshi to dulu, omukweni ngeenge te ke ku fifa ohoni.

OMUUDIFI 7:10

Ino tya: “Omolwashike hano omafiku onale a li mawa e dule aa opaife?” Osheshi ito shi pula neendunge!

JONA 4:3

Akutu Omwene, paife, kufe nge omwenyo wange, osheshi okufya kwange ku dule okukala ndi nomwenyo.”

JONA 4:8

Ndele etango eshi la pita Omwene okwa pepifa omhepo ipyu yokoushilo. Netango tali xwike omutwe waJona, ndele ye okwa alama. Ndele ye e lihalela efyo ndele ta ti: “Okufya kwange ku dule okukala ndi nomwenyo.”

JONA 4:9

Opo nee Kalunga ta ti kuJona: “Okuhanduka kwoye okwa yuka tuu, eshi wa handukila omuti warisin ou?” Ndele ye okwa nyamukula: “Heeno, okuhanduka kwange okwa yuka fiyo okufya.”

MARKUS 6:19

Herodias okwe mu kwatela onghone ndele okwa kala a hala oku mu dipaa, ndele okwa nyengwa.

MARKUS 6:24

Ko oka pita pondje, ndele oka tya kuina: “Ohandi indile shike?” Ye okwa nyamukula: “Omutwe waJohannes Omushashi.”

JAKOB 1:19

Hano mu shi shii, ovamwatate ovaholike, omunhu keshe na kale ha endelele okupwilikina, ne liteelele mokupopya, ye ne liteelele mokuhanduka;