OMUUDIFI 7:4 - Ombibeli Iyapuki

⁴ Omutima wovanaendunge u li meumbo li neefya, ndelenee omutima womalai u li meumbo lehafo.

OMUUDIFI 7:4 ပူးပေါင်းရင်းမြစ်များ

2 SAMUEL 13:28

Ndele Absalom okwa lombwela ovapiya vaye ndele ta ti: “Taleni, omutima waAmnon eshi wa hafifwa komaviinyu ndele ame ohandi mu lombwele: Dipaeni Amnon! Opo nee mu noku mu dipaa. Inamu tila, osheshi ame nde shi mu lombwela. Kaleni mwa pama, ovalumenhwelela!”

1 EEHAMBA 20:16

Vo ova homona pokati komutenya, fimbo Benhadad neehamba omilongo nhatu nambali de uya oku mu popila, da li momatwali, da nwa noda kolwa.

OMUUDIFI 2:1

Onde lipopila momwenyo wange: “Paife nee nda hala oku ku yelekela nehafo. Kala u udite hano ouwa!” Ndelenee tala, naasho yo ongahoelela.

OMUUDIFI 7:3

Oluhodi li dule okuyola, osheshi tashi wapalele omwenyo ngeenge oshipala sha nyika oufiye.

OMUUDIFI 7:5

Sha wapala okupwilikina ehanyeno lomunaendunge shi dule okupwilikina eimbilo lomalai.

JESAJA 21:4

Omutima wange tau lomhauka, noutile wa hangelela nge. Onguloshi yehafo lange otai shitukifwa ehaluko.

JEREMIA 51:39

Eshi va duka molwisho lwavo, ohandi va telekele oitendele nohandi va kolwifa, opo va hafe ndele tava ka kofelela, itava penduka vali fiyofiyo, Omwene osho ta ti.

JEREMIA 51:57

Ndele omalenga novanongo novapangeli novakulunhu novakwanyati vasho ohandi ke va kolwifa, ndele otava ka kofelela fiyofiyo, itava penduka vali, ohamba osho tai ti, edina layo Omwene womatanga ovakwaita.

DANIEL 5:30

Oufiku tuu winya Belsassar, ohamba yOvakaldea, okwa dipawa,

HOSEA 7:5

Efiku lohamba yetu omalenga a ninga omanhive koupyu womaviinyu. Otava minikafana novasheki.

NAHUM 1:10

Osheshi nande vo va kale nokukitakana mumwe ngaashi omano nonande va kale va tutikwa komaviinyu, va tuta ngaashi omaviinyu oovene, vo otava ka xwikwa po ngaashi oihati ikukutu.

1 SAMUEL 25:36

Abigail eshi e uya kuNabal, a hanga ye a teleka oitendele meumbo laye ngaashi oitendele yohamba. Nomutima waNabal wa hafa nokwa li a kolwa unene. Onghee hano Abigail ine mu lombwela sha shinini ile shakula fiyo ongula kwa sha.

1 SAMUEL 30:16

Ndele ye eshi e mu twala ko, venya va li ve lihanena akushe moluhaela, va li tava li ndele tava nu, ndele tava dana oshivilo molwoixuulwa aishe inene ve i kufa moshilongo shOvafilisti nomoshilongo shaJuda.