OMUUDIFI 7:2 - Ombibeli Iyapuki

² Sha wapala okuya meumbo li neefya, shi dule okuya meumbo li noitelekela. Osheshi linya olo exulilo lovanhu aveshe, nomunamwenyo ote shi diladila momwenyo waye.

OMUUDIFI 7:2 ပူးပေါင်းရင်းမြစ်များ

OMAPSALOME 90:12

Tu longa okuvala omafiku etu, fye tu pewe omutima wa nongopala.

OMUUDIFI 2:14

Omunaendunge e nomesho momutwe waye, ndelenee elai tali ende momulaulu. Ndelenee nda mona yo nokutya, oshipewa shavo aveshe oshi fike pamwe.

OMUUDIFI 2:16

Osheshi edimbulukiwo lomunongo itali kala po ngaashi yo lelai, shaashi momafiku tae uya, ashishe sha dimbuwa filu. Omunongo ta fi, ndishi, ngaashi elai!

OMUUDIFI 3:19

Osheshi ovana vovanhu tava ningwa ngaashi oimuna nokutya, oshipewa shavo shimwe ashike. Ngaashi omunhu ta fi, nosho yo oshimuna tashi fi, osheshi vo aveshe ve nomufudo umwe auke, ndelenee kape na sha momunhu osho tashi mu pitifa komesho yoshimuna. Osheshi ashishe oshongahoelela.

OMUUDIFI 3:20

Aveshe tava i monhele imwe; aveshe va dja mondwi naaveshe tava shuna mondwi.

OMUUDIFI 6:6

Heeno, nande a kale e nomwenyo luvali omido deyovi limwe, ndelenee ita mono elao, aveshe ndishi tava i monhele imwe aike?

OMUUDIFI 9:2

Aishe i fike pamwe kwaaveshe. Oshipewa shimwe ashike komuyuki nokomuhenakalunga, komukoshoki nokomulinyateki, kwaau ha yambe nokwaau iha yambe; ou muwa ta ningwa ngaashi omulunde, ou ta ane naau ha tila okwaana.

OMUUDIFI 9:3

Mwaaishe tai ningwa koshi yetango omu noshinima inashi yuka nokutya, oshipewa shimwe ashike tashi hange aveshe, nomutima yo wovana vovanhu u yadi owii, noulai hau kala momitima davo mokukalamwenyo kwavo. Ndele konima yaashi otaku iwa koonakufya!

OMUUDIFI 9:5

Osheshi ovanamwenyo ove shi shii nokutya, ove nokufya. Ndelenee noonakufya inava shiiva nande osha, ndele vo vehe nondjabi vali, osheshi edimbulukifo lavo tali dimbuwa.

JESAJA 47:7

ndele wa tya: Ame ohandi ka kala alushe omupangeli, nongaashi ino i lipulapula momutima woye, noino diladila exulilo loye.

JEREMIA 16:8

Ino ya mo meumbo la dunga oshivilo, ove u kale omutumba puvo, ove u lye nou nwe pamwe navo.

HAGGAI 1:5

Omwene womatanga ovakwaita osho ta ti: Taleni nawa, nhumbi tamu ende:

MALAKIA 2:2

Nye eshi itamu udu ndele itamu tambula momitima deni mu fimanekife edina lange, Omwene womatanga ovakwaita ta ti, onghee ohandi ka tuma efingo mokati keni ndele handi lundulula omanangeko noupuna eni, ndele taa ningi efingo. Heeno, Ame onde a finga nokuli, shaashi nye inamu tambula sha momitima.

NUMERI 23:10

Olyelye a vala ouwe veheke laJakob? Nolyelye oshitukulwa oshitine shomuIsrael? Ame nandi fye ngaashi ovayuki hava fi nexulilo lange nali ninge ngaashi lavo.”

MATEUS 5:4

“Ovanelao ovo va nyika oluhodi, osheshi ovo tava ka hekelekwa.

DEUTERONOMION 32:29

Vo ngeno ovanaendunge, ngeno ve shi shiiva, vo va diladile exulilo lavo.

DEUTERONOMION 32:46

ye okwe va lombwela: “Diinineni eendjovo adishe edi nde mu londwela nado nena eli, mu di lombwele ovana veni, va diinine shili eendjovo adishe domhango ei.

OVAFILIPPI 3:19

Exulilo lavo olo ekano, nedimo lavo olo kalunga kavo, nefimano lavo ohoni yavo, nohava diladila ei yopadu.

OVAHEBERI 9:27

Nongaashi ovanhu va ufilwa ve nokufya lumwe aluke nokomesho etokolo,