OMUUDIFI 3:2 - Ombibeli Iyapuki

² efimbo lokudalwa nefimbo lokufya, efimbo lokutwika nefimbo lokududa mo osho sha twikwa,

OMUUDIFI 3:2 ပူးပေါင်းရင်းမြစ်များ

GENESIS 17:21

Ndelenee ehangano lange Ame ohandi ke li ninga naIsak, Sara ote ke mu ku dalela momudo tau uya pefimbo tuu eli.”

GENESIS 47:29

Omafiku okufya kwaIsrael eshi a ehena popepi, ye okwa ifana omona waye Josef ndele ta ti kuye: “Ame ngeenge nda filwa onghenda momesho oye, tula mo hano eke loye koshi yetundji lange ndele monifile nge ohole noudiinini: ino paka nge moshilongo shaEgipiti!

1 EEHAMBA 13:2

Ndele ye okwa popya pombada, ta lombwele oaltari pandjovo yOmwene ndele ta ti: “Oaltari, oaltari Omwene ta ti ngaha: ‘Tala, omumati ta ka dalelwa mepata laDavid, edina laye Josia, ye ota ka toma kombada yoye ovapristeli vokoikulundu yeealtari, ovo hava ambe omayambo kombada yoye, ndele kombada yoye omakipa ovanhu taa ka xwikwa po.’ ”

2 EEHAMBA 4:16

Elisa ta ti: “Mefimbo tuu eli momudo tau uya, ove to ukata okaana okamati mekolo.” Ndele ye ta nyamukula: “Ahowe, omwene wange, omulumenhu waKalunga, ino fufya omupiya woye omukainhu!”

JOB 14:14

Omunhu ngeenge ta fi, ota ka nyumuka tuu vali? Ngeno ndi kale nokunangela omafiku aeshe oukwaita wange fiyo olufo lange lokumangululwa la fika.

JOB 14:5

Omafiku aye a pangelwa nomhangela, nomuvalu weehani daye wa shiivika kwoove. Ove we mu tulila ongaba, ita dulu oku i tauluka.

JOB 7:1

“Omunhu e li molwoodi fimbo ye ta kala kombada yedu. Nomafiku aye e li ngaashi omafiku oonakulilongela?

OMAPSALOME 113:9

Omwalikadi ongadji ote mu pe onhele meumbo, ote mu ningi omudalakadi a hafele ovana. Halleluya!

OMAPSALOME 52:5

Hano osho yo Kalunga ote ku hanauna po fiyo alushe, ote ku nakula mo note ku vakula mo moshitulwa shoye, ndele te ku duda mo moshilongo shovanamwenyo nomidi doye. Sela

OMAYELETUMBULO 24:27

Longa nokuyukifa oilonga yoye pondje ndele longekida epya loye, opo nee to tungu ongulu yoye.

JESAJA 28:24

Omupululi ota pulula tuu efiku alishe, ye ita kunu, ndele ta tataula ndele ta holoka tuu alushe?

JESAJA 38:1

Pomafiku enya Hiskia okwa hangika koudu mudjuu wokufya; nomuxunganeki Jesaja yaAmos okwe uya kuye, ndele te mu lombwele, ta ti: “Omwene ota ti: ‘Longekida eumbo loye, osheshi ito veluka vali.’ ”

JESAJA 38:5

Inda u ka lombwele Hiskia, u tye: “Omwene Kalunga kaxokulu David ota ti: Ame onda uda eilikano loye, nonda mona omahodi oye. Tala, ohandi weda ko komafiku oye omido omulongo nanhano.

JESAJA 54:1

Kuwilila, oove ongadji ou ino dala, kuwilila pombada ove u hafe, ove ou iho fetwa. Osheshi ounona vomunangekwa ovahapu, ve dule ovana vomuhombolwa Omwene ta ti.

JEREMIA 1:10

Tala, nena eli ohandi ku tula po kombada yoiwana noyomauhamba oku i dikula po noku i nyona po, noku i hanauna po noku i tunga noku i twika.”

JEREMIA 45:4

Ove u noku mu lombwela ngaha, u tye: Omwene ota ti ngaha: Tala, osho nde shi tunga ohandi shi ngumauna po, naashi nda twika po ohandi shi duda mo. Ndele eshi otashi hange edu alishe.

MATEUS 13:41

Omona wOmunhu ota tumu ko ovaengeli vaye, ndele tava ka ongela mo mouhamba waye omashindo aeshe naava hava nyono ouyuki,

MATEUS 15:13

Ndelenee Ye okwa nyamukula: “Okeshe tuu onhwika inai twikwa kuTate meulu, otai dudwa mo nomidi dayo.

LUKAS 1:13

Ndelenee omweengeli okwa tya kuye: “Sakaria, ino tila, osheshi eilikano loye ola udika, nomukainhu woye Elisabet ote ku dalele okamati, ndele to ka luku Johannes.

LUKAS 1:20

Ndele tala, ove to fiti ondaka, ito shiiva okupopya fiyo efiku olo eshi tashi ningwa, shaashi ino itavela eendjovo odo dange, tadi wanifwa shili pefimbo lado.”

LUKAS 1:36

Ndele tala, naElisabet, omukweni, ou kwa tiwa ongadji, okwa ninga omufimba wokamati moukulupe waye, nohani ei yaye oyo onhihamano,

JOHANNES 16:21

Omukainhu nge ta dala, oku na oluhodi, osheshi efimbo laye ola fika; ndele eshi a dala okaana, iha dimbulukwa vali oudjuu molwehafo eli, omunhu eshi a dalelwa mounyuni.

JOHANNES 7:30

Ndele vo va hala ve mu kwate, ndele kapa li nande umwe e mu kuma, osheshi efimbo laye la li inali fika manga.

OILONGA YOVAYAPOSTOLI 7:17

“Ndele efimbo lokuwanifa eudaneko Kalunga e li udanekela Abraham, eshi la ehena popepi, ovanhu ova tana nokuhapupalela muEgipiti,

OILONGA YOVAYAPOSTOLI 7:20

Mefimbo linya Moses omo a dalwa, ndele okwa li okaana kawa unene ka wapalela Kalunga, ko ka li ka diininwa meumbo laxe eehani nhatu.

OVAGALATI 4:4

Ndelenee ewano lefimbo eshi la fika, Kalunga okwa tuma Omona waye a dalwa komukainhu nokwa dalelwa momhango,

DEUTERONOMION 34:5

Opo nee Moses, omupiya wOmwene, okwa fila oko, moshilongo shaMoab, Omwene ngaashi e mu lombwela.

OVAHEBERI 9:27

Nongaashi ovanhu va ufilwa ve nokufya lumwe aluke nokomesho etokolo,

1 SAMUEL 2:5

Ava va li va kuta, hava longele ondjabi yomungome, ndelenee ava va li va fya ondjala, itava fi vali ondjala. Ongadji otai dala vaheyali, ndelenee oshipuna shovana tashi kanifa eenghono.