OMUUDIFI 2:3 - Ombibeli Iyapuki

³ Ame nda diladila momwenyo wange ndi hekeleke olutu lange nomaviinyu, fimbo ounongo otau endifa omwenyo wange, nondi kanyatele koulai, fiyo handi mono oshike shiwa kovana vovanhu, osho ve noku shi ninga koshi yeulu momafiku avo omokukalamwenyo kwavo.

OMUUDIFI 2:3 ပူးပေါင်းရင်းမြစ်များ

GENESIS 47:9

Ndele Jakob okwa nyamukula Farao ndele ta ti: “Efimbo lounailongo wange omido efele nomilongo nhatu. Omuvalu womafiku okukala kwange omanini noku yadi oluhodi, olo inali hanga omuvalu wootatekulu va li ve u na mounailongo wavo.”

JOB 14:14

Omunhu ngeenge ta fi, ota ka nyumuka tuu vali? Ngeno ndi kale nokunangela omafiku aeshe oukwaita wange fiyo olufo lange lokumangululwa la fika.

OMAPSALOME 104:15

nomaviinyu, aa taa hafifa omutima womunhu, opo a vemife oshipala shaye komaadi, Ye a pameke omutima womunhu neendja.

OMAYELETUMBULO 20:1

Omaviinyu, oo omusheki, noikolwifa, oyo omuweeleli, ndele kaku na ou ta kolwa kuo, e neendunge.

OMUUDIFI 1:17

Ndelenee omutima wange eshi nde u pungulula okukonga ounongo neshiivo, okuheneendunge noulai, onda koneka nokutya, nasho yo okushikula omhepo.

OMUUDIFI 10:19

Oitelekela tai telekelwa okuhafifa, nomaviinyu taa hafifa omwenyo; ndelenee aishe tai etwa po koimaliwa.

OMUUDIFI 12:13

Efina loinima aishe twe i uda oleli: Tila Kalunga u diinine oipango yaye. Osheshi omunhu keshe osho e nokuninga.

OMUUDIFI 2:24

Omunhu ke na nande ouwa umwe, okulya nokunwa nokushambukifa omwenyo waye nouwa mokulonga kwaye kudjuu. Ame nda mona nokutya, osho osha dja meke laKalunga.

OMUUDIFI 5:18

Tala, eshi yo nde shi mona osha wapala noshiwa: Okulya nokunwa nokushambukilwa ouwa moupyakadi aushe omunhu he u lipyakidile koshi yetango omafiku aye aeshe maxupi, Kalunga e mu pa. Osheshi osho oshipewa shaye.

OMUUDIFI 6:12

Osheshi olyelye e shi shii kutya oshike tashi wapalele omunhu mokukalamwenyo, momafiku mahapu omokukalamwenyo kwaye kwongaho muo ye ta kala ngaashi omudidimbe. Ndele olyelye ta hololele omunhu osho tashi ke uya konima yaye koshi yetango?

OMUUDIFI 7:18

Oshe ku wapalela ngeenge ho kala nokwaama kushimwe, ndelenee eke loye liha efe shinya, osheshi ou ha tila Kalunga, ota xupifwa mwaaishe oyo.

OMUUDIFI 7:25

Momutima wange nda hovela okulilonga nokudiladila nokukonga ounongo nokushiiva osho sha konekwa, opo ndi shiive nokutya, ouhenakalunga owo oulai, noulai owo okukala kuhe neendunge.

OMUUDIFI 8:15

Onghee hano ame nda pandula ehafo, osheshi omunhu koshi yetango ke na shimwe shiwa, okulya nokunwa nokunyakukwa. Oyo tai mu shikula moshilonga shaye shidjuu pomafiku okukalamwenyo kwaye Kalunga e mu pa koshi yetango.

MATEUS 6:24

“Kaku na ou ta dulu okukalela oovene vavali; osheshi ota tondo umwe, ye e hole omukwao, ile a hokwa ou ndele ta dini winya. Kamu dulu okukalela Kalunga nemona.

OVAEFESO 5:18

Inamu kolwa komaviinyu omo hamu di eliefo, ndelenee yadifweni kOmhepo;

OVATOKOLIPANGELI 9:13

Ndelenee omuviinyu we di lombwela: ‘Ndi fiye po omaviinyu ange, aa taa hafifa Kalunga novanhu, ndi linyenganyenge kombada yomiti?’

1 SAMUEL 25:36

Abigail eshi e uya kuNabal, a hanga ye a teleka oitendele meumbo laye ngaashi oitendele yohamba. Nomutima waNabal wa hafa nokwa li a kolwa unene. Onghee hano Abigail ine mu lombwela sha shinini ile shakula fiyo ongula kwa sha.