OMAYELETUMBULO 9:10 - Ombibeli Iyapuki

¹⁰ Efina lounongo olo okutila Omwene. Okushiiva Omuyapuki okwo eendunge.

OMAYELETUMBULO 9:10 ပူးပေါင်းရင်းမြစ်များ

1 OMAFIMBO 28:9

Ndele ove, omumwange Salomo, Kalunga kooxo, kala u mu shii, noku mu longela nomutima aushe nomwenyo u nehalo liwa, osheshi Omwene ta panapana omitima adishe nediladilo keshe lomomwenyo ye e li shii. Ove ngeenge to mu kongo, oto ke mu mona. Ndelenee ngeenge to mu liteeka, Ye ote ku ekeleshi fiyo alushe.

JOB 28:28

Ndelenee okwa lombwela omunhu ndele ta ti: ‘Tala, okutila Kalunga okwo ounongo. Nokukukuma owii okwo eendunge.’ ”

OMAPSALOME 111:10

Okutila Omwene oko efina lounongondunge, aveshe ava tava kala mulo, otava nongopalelele; efimano laye ohali kala fiyo alushe.

OMAPSALOME 34:12

Omulumenhu olyelye, ou ehe nohokwe nokukalamwenyo nokuhola omafiku opo a mone ouwa?

OMAYELETUMBULO 1:7

Okutila Omwene oko efina leshiivo. Omalai taa dini ounongo noutekuduliko.

OMAYELETUMBULO 2:5

opo nee to ka uda ko etilo lokutila Omwene nokumona eshiivo lokushiiva Kalunga.

OMAYELETUMBULO 30:3

Ndele inandi longwa ounongo, ndi kale ngeno ndi neshiivo okushiiva Omuyapuki.

OMUUDIFI 12:13

Efina loinima aishe twe i uda oleli: Tila Kalunga u diinine oipango yaye. Osheshi omunhu keshe osho e nokuninga.

MATEUS 11:27

Oinima aishe Ame nde i pewa kuTate, ndele kaku na ou ta shiiva Omona, Tate Oye tuu aeke, ndele kaku na ou ta shiiva Tate, Omona Oye tuu aeke, naau Omona a hala oku mu hololela.

JOHANNES 17:3

Nomwenyo waalushe oo tuu ou, vo ve ku shiive, Oove auke Kalunga kashili, naau we mu tuma, Jesus Kristus.

1 JOHANNES 5:20

Ndele otu shi shii yo, Omona waKalunga okwe uya mo nokwe tu pa ondunge okushiiva Omunashili; omo tu li mOmunashili, mOmona waye Jesus Kristus. Oye Kalunga omunashili nomwenyo waalushe.