OMAYELETUMBULO 7:2 - Ombibeli Iyapuki

² diinina oipango yange, opo nee to kala nomwenyo, u diinine elongo lange ngaashi omuni yeisho loye.

OMAYELETUMBULO 7:2 ပူးပေါင်းရင်းမြစ်များ

OMAPSALOME 119:144

Omahepaululo oye oo ouyuki fiyo alushe. Pe nge omayele, opo ndi kale nomwenyo.

OMAPSALOME 17:8

Diinine nge ngaashi omuni yeisho loye, u holeke nge momudidimbe womavava oye,

OMAYELETUMBULO 4:13

Likwatelela outekuduliko, ino u xutwifa, u diinina, osheshi owo okukalamwenyo kwoye.

OMAYELETUMBULO 4:21

Ino di kandula po koshipala shoye, di diinina meni lomutima woye.

OMAYELETUMBULO 4:4

ye okwa longa nge ndele a lombwela nge: “Omutima woye nau dame keendjovo dange. Diinina oipango yange, opo u kale nomwenyo.

JESAJA 55:3

Pwilikineni, nye mu ehene kwaame, pwilikineni, nomitima deni opo di kale di nomwenyo. Ame onda hala ndi ninge ehangano laalushe nanye; omafilonghenda a pama, nde a fila David.

JEREMIA 38:20

Ndelenee Jeremia okwa nyamukula ta ti: “Ahowe, ito yandjwa momake avo. Pwilikina ashike odo handi di ku lombwele pandjovo yOmwene, ndele to ka kala nawa, ndele oto ka kala u nomwenyo.

LEVITIKUS 18:5

Onghee hano diinineni eenghedimhango dange nomalombwelo ange aa omunhu e noku a wanifa, opo a kale e nomwenyo omolwao.

SAKARIA 2:8

Osheshi Omwene womatanga ovakwaita ota ti: Oye a tuma nge ndi kale efimano laye moiwana oyo ye mu hakana po. Osheshi ou te mu kumu, ota kumu ondada yeisho laye.

JOHANNES 14:21

“Ou e noipango yange ndele te i diinine, oye tuu ou e hole nge; ndele ou e hole nge, ota kala e holike kuTate, naame yo ondi mu hole, ndele handi mu lihololele.”

JOHANNES 15:14

Onye ookaume kange, ngeenge tamu ningi eshi handi shi mu lombwele.

DEUTERONOMION 32:10

“Ye okwe mu mona mombuwa, mofuka ya tilika i yadi okukwena. Ye okwe mu tambula meameno laye nokwe mu kalela noshisho, nokwe mu amena ngaashi omuni yeisho laye.

EHOLOLO 22:14

Ovanelao ovovo tava yelifa oikutu yavo, opo va itavelelwe okupewa komuti womwenyo nokuya moshilando tava piti moivelo.