OMAYELETUMBULO 5:22 - Ombibeli Iyapuki

²² Omuhenakalunga ta kwatwa komanyono aye mwene, ndele ta yulwa keefipa domatimba aye mwene.

OMAYELETUMBULO 5:22 ပူးပေါင်းရင်းမြစ်များ

1 EEHAMBA 18:18

Opo nee ta nyamukula: “Haame nda twala Israel momupya, ndelenee ove neumbo loye, nye eshi mwa efa oipango yOmwene ndele mwa shikula ooBaal.

ESTER 9:25

Ndelenee osho eshi sha udika kohamba, yo oya shanga ndele ya yandja oshipango, nokutya omhangela yaye youkolokoshi ye e i diladilila Ovajuda, i nokuwila komutwe waye mwene. Ndele ve mu endelelifa novana vaye ovalumenhu komuti wokumangeleka mo.

JOB 18:8

Osheshi eemhadi daye mwene tadi mu twala meendjadja ndele ta ende kombada yekelo.

OMAPSALOME 40:12

Osheshi owii uhapu, uhe shii kuvalwa, owa kondekela nge, omanyono ange a kwata nge, ihandi dulu okumona ko; omuvalu wao ou dule eexwiki dokomutwe wange, nonyati yange oya pwa po.

OMAPSALOME 9:15

Ovapaani ova wila mekelo, eli va fele nomelulo lomwiyo eli va telele, ove liyula voovene keemhadi davo.

OMAPSALOME 9:17

Ovakolokoshi ve nokuwila moshovafi, novapaani aveshe ava va dimbwa Kalunga.

OMAYELETUMBULO 1:18

Osho ngaha vo ohava nangele ohonde yavo vene, vo hava holamene omwenyo wavo vene.

OMAYELETUMBULO 11:3

Ovayuki tava endifwa kouhenashipo wavo, ndelenee ovaliteeki tava hanaunwa po koipupulu yavo.

OMAYELETUMBULO 11:5

Ouhenashipo womuyuki tau lalakanifa ondjila yaye, ndelenee omuhenakalunga tau nyonwa po kouhenakalunga waye.

OMAYELETUMBULO 11:6

Ouyuki wovayuki tau va xupifa, ndelenee ovaliteeki tava ka kwatwa kolwisho lavo vene.

OMAYELETUMBULO 12:14

Oiimati yokanya kaye tai eta po ouwa uhapu, noshilonga shomake omunhu tashi mu alukile.

OMAYELETUMBULO 14:32

Omuhenakalunga ta dengwa poshi kowii waye mwene, ndelenee omuyuki ta mono pefyo laye ehondameno.

OMAYELETUMBULO 18:7

Okanya kelai oko ehanauno lalo, nomilungu dalo odo eemwiyo dokukalamwenyo kwalo.

OMAYELETUMBULO 24:12

Ove ngeenge to ti: “Tala, twa li inatu shi shiiva”, Ye, ou ha konakona omutima, ine shi didilika? Naau ta nangele omwenyo woye, e shi shii. Ndele Ye ota pe omunhu pailonga yaye.

OMAYELETUMBULO 26:27

Ou ta fe elambo, oye mwene ta wile mo. Naau ta alangatifile ko emanya, okombada yaye lo tali alukile.

OMUUDIFI 7:26

Ndele nda mona sha shilula shi dule efyo: Omukainhu e nomutima wa fa eendjadja, nomake aye e li ngaashi omalyenge. Omunhu ou ta wapalele Kalunga ota xupifwa muye, ndelenee omulongi woulunde ta kwatwa kuye.

JEREMIA 2:19

Owii woye mwene otau ku denge, nokuliteeka kwoye kudjuu otaku ku handukile. Hano, kala u shi shii nokumona oululu woshiponga shoye apa u fike, eshi wa efa Omwene Kalunga koye, ndele ino kala nokutila nge. Omwene osho ta ti, Omwene womatanga ovakwaita.

OMAIMBILOKEMO 1:14

Ondjoko yomatauluko ange oya mangwa keke laye, oo a pandelwa kumwe nde a twikwa kofingo. Eenghono dange da teka po. Omwene okwa yandja nge momake aau e dule eenghono dange.

OBADJA 1:15

Osheshi efiku lOmwene oli li popepi noiwana aishe. Ngaashi ove wa ningile, osho yo ove to ka ningwa. Oshilonga shoye otashi alukile komutwe woye.

NUMERI 32:23

Ndelenee ngeenge itamu shi ningi, taleni, opo nee tamu nyono kOmwene, ndele kaleni mu shi shii, omanyonauno eni tae ke mu hanga.

OVAHEBERI 13:4

Ohombo nai fimanekwe kwaaveshe, nomutala wohombo nau kale uhe noshipo; osheshi ovaholi voipala novateihombo Kalunga te va tokola.

OVATOKOLIPANGELI 20:41

Ovalumenhu Ovaisraeli eshi va piluka, ovalumenhu Ovabenjamin va haluka, osheshi ve wete omupya otau ke va hanga.

OVATOKOLIPANGELI 9:57

Nowii aushe wovalumenhu vomuSekem Kalunga e u alula kombada yomitwe davo. Netulomutima laJotam yaJerubbaal le uya kombada yavo.