OMAYELETUMBULO 4:19 - Ombibeli Iyapuki

¹⁹ ondjila yovahenakalunga oyo ngaashi omulaulu; vo inava shiiva apa tava ka pundukila.

OMAYELETUMBULO 4:19 ပူးပေါင်းရင်းမြစ်များ

JOB 12:25

Hava pamhadala momilaulu muhe nouyelele, Ye ote va tengaukifa ngaashi eengholwe.

JOB 18:18

Ota undulwa mouyelele, a ye momulaulu, ndele ta ka tewa mo mounyuni.

JOB 5:14

Momutenya omulaulu tau va hange nopokati komutenya tava pamhadala ngaashi oufiku.

OMAPSALOME 82:5

Ndele vo ihava koneke sha, ihava shipulula; hava endaenda momilaulu, omakanghameno aeshe edu taa tengauka.

OMAYELETUMBULO 2:13

ovo va efa omalila ouyuki, va ende neendjila domulaulu,

OMAYELETUMBULO 22:5

Omakiya neemwiyo di li mondjila yomunaipupulu, ou ta kala kokule nayo, ota amene omwenyo waye.

JEREMIA 13:16

Fimanekeni Omwene, Kalunga keni fimbo inaku laula nofimbo eemhadi deni inadi koyauka keemhunda momilaulu. Opo nee nye otamu kala nokuteelela ouyelele, ndelenee Ye ote u lundulula tau ningi omudidimbe wefyo, note u ningi omilaulu fokofoko.

JEREMIA 23:12

Onghee hano ondjila yavo tai ka kala kuvo ngaashi elila li nomufenhu momilaulu otava ka fenunguta, ndele otave lidenge poshi. Osheshi Ame ohandi ke va etela omupya momudo wokuhandukilwa kwavo.” Omwene osho ta ti.

MATEUS 15:14

Va efeni; ovo ovakwatiketi vovapofi; ngeenge ku nomupofi ta kwata omupofi mukwao komhango, aveshe vavali otava wile moshilambo.”

MATEUS 7:23

Ndelenee Ame ohandi va lombwele: ‘Inandi mu shiiva nandenande; djeni po pwaame, onye ovakolokoshi!’

JOHANNES 11:10

Ndele ou ta ende oufiku oye te lipumu, osheshi ke nouyelele muye.”

JOHANNES 12:35

Ndele Jesus okwa tya kuvo: “Okafimbo kanini natango ouyelele u li mokati keni. Kaleni nokweenda mouyelele fimbo mu nouyelele, muha faukilwe komilaulu. Ou ta ende momilaulu, ke shii oku ta i.

1 JOHANNES 2:11

Ndelenee ou ha tondo omumwaxe, oku li momulaulu ndele ta ende momulaulu ndele ke shi shii, apa ta i, osheshi omulaulu owa twikifa omesho aye.

1 SAMUEL 2:9

Eemhadi dovayuki vaye ote di amene, ndelenee ovahenakalunga tava kana momilaulu. Osheshi omunhu ita dulu sha neenghono daye mwene.