OMAYELETUMBULO 30:9 - Ombibeli Iyapuki

⁹ opo ngeenge nda kutilila, ndihe ku lidimbike nokutya: ‘Omwene olyelye?’ Nongeenge nda fya oluhepo, ndiha vake, nondi nyone kedina laKalunga kange.”

OMAYELETUMBULO 30:9 ပူးပေါင်းရင်းမြစ်များ

OMAPSALOME 125:3

Osheshi epangelodibo lovalunde itali kala pefyuululo lovayuki, ovayuki opo vaha nanene yo ngeno omake avo koulunde.

EXODUS 20:7

“Edina lOmwene Kalunga koye, ino li tumbulila ongaho, osheshi Omwene ita efa ina handukila ou ta tumbulile edina laye hamungaho.

EXODUS 5:2

Ndelenee Farao ta nyamukula: “Omwene olyelye, ame ndi pwilikine ondaka yaye ndi lekele Israel? Omwene ou kandi mu shii noitandi ka lekela Israel a dje mo.”

OMAYELETUMBULO 29:24

Ou ta tukulilafana nomunyeki, ota tondo omwenyo waye mwene. Ye ta udu eanifo, ndelenee ita holola sha.

JESAJA 59:13

otwe liteeka Omwene noku mu lidimbika, nokulikufa meshikulo laKalunga ketu, twa popya eendjovo domanyeko nodondubo, twe di humbatela meni letu nomomutima twa pitifa mo eendjovo doipupulu.

JEREMIA 2:31

Akutu, oludalo nye, pwilikineni ondjovo yOmwene! Aame ombuwa kuIsrael vati, ile edu lomilaulu? Omolwashike hano ovanhu vange tava ti: ‘Fye hatu lipangele fye vene, itatu uya vali kwoove.’

JEREMIA 5:12

Ove lidimbika Omwene ndele va tya: Haye, nokape noshiponga tashi ke tu hanga. Neongamukonda nondjala itatu ke i mona!

HESEKIEL 23:35

Onghee hano, Omwene Kalunga ta ti ngaha: “Ove eshi wa dimbwa nge, ndele wa ekelashi nge konima yoye, humbata hano oififahoni yoye nokuhaelwa kwoye.”

DANIEL 4:17

Oshinima eshi osha pangelwa momhangela yovaengeli nokondjovo yovayapuki, opo ovanamwenyo va shiive nokutya, ou wOkombadambada e kwete eenghonopangelo kombada yoilongo yovanhu, ndele te i yandje kwaau Ye a hala, nomufyoonelela Ye ote mu tula mepangelo.’

DANIEL 4:30

Ohamba oya popya tai ti: “Babilon shinene hasho tuu eshi, ame nde shi tungifa eenghono dange dihapu, shi ninge ouhamba, nde shi tungila etumbaleko leenghonopangelo dange.”

HOSEA 13:6

Ova kuta paulifilo wavo. Ndele eshi va kuta, momitima davo ve linenepeka. Onghee hano va dimbwa nge.

LEVITIKUS 5:1

“Umwe ngeenge ta nyono ngaha, nokutya ye nande ta udu okwaana nokwa shiiva okuninga ondobwedi yoshinima e shi mona ile e shi shiivifilwa, ndele ite shi holola, ye ota nyono,

MATEUS 26:72

Navali okwe lidimbika nokwaana: “Omulumenhu ou nghi mu shii.”

MATEUS 26:74

Oye okwe lidimbika vali nokulifingaela nokwaana kutya: “Omulumenhu ou nghi mu shii. Ndele ekondobolo la kwena.”

DEUTERONOMION 31:20

Osheshi Ame ohandi ke va twala mo moshilongo nde shi udanekela ooxo nokwaana, oshilongo tashi kunguluka omashini nomaadi eenyiki, ndele vo otava ka lya nokukuta nokwoondoka. Opo nee vo tave ke liameka koikalunga imwe noku i longela, ndele tava ka dina nge nokuteya po ehangano lange.

DEUTERONOMION 32:15

“Opo nee Jesurun okwa ondoka nokwa umba omalunha, ove wa ondoka, wa pama, wa nyina, ndele ye okwa efa Kalunga, ou e mu ninga, nokwa dina emanya laye lexupifo.

JOSUA 24:27

Opo nee Josua okwa lombwela ovanhu aveshe ta ti: “Taleni, emanya eli tali ka ninga ondobwedi yetu, osheshi lo ola uda eendjovo adishe dOmwene, Ye e di popya nafye. Ndele lo otali ka kala ondobwedi kunye, opo muhe lidimbike Kalunga keni.”