OMAYELETUMBULO 30:3 - Ombibeli Iyapuki

³ Ndele inandi longwa ounongo, ndi kale ngeno ndi neshiivo okushiiva Omuyapuki.

OMAYELETUMBULO 30:3 ပူးပေါင်းရင်းမြစ်များ

OMAYELETUMBULO 30:4

Olyelye a londa meulu ndele a londoloka ko? Omhepo olyelye e i ongela meke laye? Olyelye a mangela melwakani omeva? Olyelye a pameka ominghulo dedu? Edina laye lilipipo? Nedina lOmona waye lilipipo? Ngeenge u li shii?

OMAYELETUMBULO 9:10

Efina lounongo olo okutila Omwene. Okushiiva Omuyapuki okwo eendunge.

JESAJA 30:11

fiyei po ondjila, yapukeni melila, Omuyapuki waIsrael na dje mo moipafi yetu!”

JESAJA 57:15

Osheshi Omwene nOmufimanekwa ou ha kala moukwaalushe, nedina laye Omuyapuki, Ye ota ti: Ame ohandi kala pokule mokombadambada nomouyapuki nomwaava ve na omhepo ya nyanyaulwa noye lininipika, opo ndi hekeleke omhepo yovalininipiki nondi tululule omwenyo momutima waava va nyanyaulwa.

JESAJA 6:10

Kukutika omutima woshiwana eshi, fitika omatwi asho, twikifa omesho asho, opo shiha mone ko nomesho asho, shiha ude ko nomatwi asho, shiha koneke komutima washo, opo shihe lidilulule noshi ha velulwe.”

JESAJA 6:3

Ndele vo ova lalekidafana mokule, ndele tava ti: “Omuyapuki, Omuyapuki, Omuyapuki, Omwene, Kalunga komatanga ovakwaita! Oshinge shaye osha yadifa edu alishe!”

MATEUS 11:27

Oinima aishe Ame nde i pewa kuTate, ndele kaku na ou ta shiiva Omona, Tate Oye tuu aeke, ndele kaku na ou ta shiiva Tate, Omona Oye tuu aeke, naau Omona a hala oku mu hololela.

MATEUS 16:17

Jesus okwe mu nyamukula ndele ta ti: “Oove omunelao, Simon yaJona, osheshi hambelela nohonde ye ku hololela osho, ndelenee oTate meulu.

JOHANNES 17:3

Nomwenyo waalushe oo tuu ou, vo ve ku shiive, Oove auke Kalunga kashili, naau we mu tuma, Jesus Kristus.

OVAROMA 11:33

Oule u fike peni woupuna noweendunge nowounongo waKalunga? Omatokolo aye ohaa konakonwa kulyelye, neendjila daye olyelye e di shii?

EHOLOLO 3:7

“Nomweengeli weongalo lomuFiladelfia mu shangela, to ti: ‘Omuyapuki nOmunashili, ou e kwete oshapi yaDavid, ou ta yeulula nopehe na ou ta idile po, ndele ta idile po, ndele kape na ou ta yeulula po, Oye ta ti ngaha:

EHOLOLO 4:8

Noinamwenyo ei ine, keshe shimwe, osha li shi nomavava ahamano nokombada nomeni oi yadi omesho; nomutenya noufiku ihai mwena, ohai ti: “Omuyapuki, Omuyapuki, Omuyapuki, Omwene Kalunga Omunaenghono adishe, ou a li ko noku li ko ndele te uya.”