OMAYELETUMBULO 27:9 - Ombibeli Iyapuki

⁹ Omaadi noitwiminifo tai hafifa omutima, nosho yo ohole yakaume tai kala, e nehalo okupukulula.

OMAYELETUMBULO 27:9 ပူးပေါင်းရင်းမြစ်များ

1 EEHAMBA 1:12

Ila hano paife, handi ku pe eendunge u xupife omwenyo woye nomwenyo womumwoye Salomo.

OMAPSALOME 104:15

nomaviinyu, aa taa hafifa omutima womunhu, opo a vemife oshipala shaye komaadi, Ye a pameke omutima womunhu neendja.

OMAPSALOME 133:2

Ongaashi omaadi edimba liwa okomutwe taa ndodele meendjedi, omeendjedi daAron, edi da endjelela fiyo okomwooyo womudjalo waye,

OMAPSALOME 141:5

Omuyuki na denge nge, osho ohole, ye na pukulule nge, osho omuvaeko womomutwe, omutwe wange, eshi itau shi anye nande, osheshi natango eindilo lange tali kondjifa oumbudi wavo.

OMAPSALOME 23:5

Ove to yalele nge oshililo monhanaisho yovatondi vange; oto vaeke omutwe wange nomaadi, neholo lange li yadi ndoo.

OMAYELETUMBULO 15:23

Omulumenhu ta hafele enyamukulo lomokanya kaye; ondjovo oiwa ngahelipi pefimbo layo!

OMAYELETUMBULO 16:21

Ou e nomutima u nounongo, ota ifanwa omunaendunge, nounyenye womilungu tau hapupalifa elongo.

OMAYELETUMBULO 7:17

Ombete yange nde i shamina namirha, aloe nokaneli.

EIMBILOELELA 1:3

Omivavo doye da nyika edimba liwa, edina loye omaadi a tilwa po, onghee hano ovakainhu ovanyasha ve ku hole.

EIMBILOELELA 3:6

Olyelye ou ta di kombuwa ngaashi elundumuko lomwifi, a nyika edimba lamirha noitwiminino yomadimba, oitwiminino i lili yovalandifi?

EIMBILOELELA 4:10

Omumwameme, nomuvalekwa wange, ohole yoye inyenye ngahelipi! Ohole yoye inyenye i dule omaviinyu. Edimba lomivavo doye liwa li dule eebalsam adishe!

JOHANNES 12:3

Ndele Maria okwa kufa omaadi onardelela e na ondilo, etata lolita, ndele ta vaeke eemhadi daJesus, ndele te di pushula neexwiki daye. Nondjuwo aishe ya yada edimba lomaadi.

OILONGA YOVAYAPOSTOLI 28:15

Ovamwatate vaakwinya eshi ve tu uda, ove tu teta ko, ove uya fiyo okoshilandelo shaAppius nokEengulu Nhatu Dovaenda oku tu shakeneka, ndele Paulus eshi e va mona, okwa pandula Kalunga nokwa ladipalekwa.

OVATOKOLIPANGELI 9:9

Ndelenee olumono le va lombwela: ‘Ame ndi efe mbela omaadi ange molwao oikalunga novanhu tava pandula nge, ndi ye ngeno ndi linyenganyenge kombada yomiti?’