OMAYELETUMBULO 22:9 - Ombibeli Iyapuki

⁹ Ou e nehalo liwa ota ka nangekwa noupuna, osheshi ota yandje komukwanaluhepo omungome waye.

OMAYELETUMBULO 22:9 ပူးပေါင်းရင်းမြစ်များ

OMAPSALOME 112:9

Ta yandje neke lakamutuluka, neehepele ohe di pe oshali; ouyuki waye otau kala po alushe; oluvinga laye otali yeluka pombada la tumbalekwa.

OMAYELETUMBULO 11:17

Omulumenhu onakufilonghenda ota kongele omwenyo waye ouwa: ndelenee ou ehe nonghenda, ta twala ombelela yaye mwene momupya.

OMAYELETUMBULO 11:25

Omwenyo ou tau nangeke noupuna, otau ka kutifwa, nomuhekeleki wovakwao ota hekelekwa yo ye mwene.

OMAYELETUMBULO 11:27

Ou ta kongo osho shiwa, ota kongo osho sha wapala. Ndelenee ou ta kongo owii, oo otau uya kombada yaye.

OMAYELETUMBULO 14:21

Ou ta dini omukwao, ota nyono. Ndelenee ou ta filonghenda eehepele ye omunelao.

OMAYELETUMBULO 19:17

Ou ta filonghenda eehepele, ota tulike kOmwene. Ndele Ye ote ke mu alulila oshilonga shaye shiwa.

OMAYELETUMBULO 21:13

Ou ta fitikile onghuwo yohepele okutwi kwaye, oye mwene yo ota ka kuwa onghuwo, ndele ita ka mona epopilo.

OMAYELETUMBULO 28:24

Ou ta nyeka xe ile ina ndele ta ti: “Kaku nenyono,” oye omukwao womuhanauni.

OMAYELETUMBULO 28:27

Ou ta pe ohepele, ita ka hepa, ndelenee ou ta fifikinine omesho aye ota ka tulwa omutima shili.

OMAYELETUMBULO 31:20

Eke laye te li futululile eehepele, omake aye avali ote a twala komukwanaluhepo.

JESAJA 32:8

Ndelenee omuyelwa ota diladila pambili youkulunhu nokwa hokwa ombili.

MATEUS 20:15

Hamba nda kelelwa okulongifa oinima yange ngaashi ame mwene nda hala. Ile ou na efupa shaashi ame ndi na onghenda?’

MARKUS 7:22

enyono lohombo, olwisho, onyanya, ekotokelo, oihole, efupa, eshekokalunga, elinenepeko, oupwidi.

LUKAS 14:13

Ndele ngeenge to pake po oitelekela, ifana ovakwanaluhepo noingudu noilema novapofi.

OILONGA YOVAYAPOSTOLI 20:35

Moinima aishe onde mu ulikila, osho ngaha tu nokulonga nokukwafa oingone nokudimbulukwa eendjovo dOmwene Jesus e di popya Ye mwene: ‘Okuyandja oku nelao komesho yokutambula.’ ”

DEUTERONOMION 28:56

Omukainhu omulilundukifi nomulilelindebula mokati keni, ou ina hetekela okweenda kolupadi, ota ka talela omulumenhu waye omuholike nomona waye omumati nomona waye okakadona kombada yomesho,

OVAHEBERI 13:16

Inamu dimbwa okulonga ouwa nokutukula mwaayo mu i kwete, osheshi omayambo a tya ngaha Kalunga e a hokwa.

OVAHEBERI 6:10

Osheshi Kalunga ke fi omuhenouyuki a dimbwe ngeno oilonga yeni nohole yeni mokufimanekifa edina laye, eshi mwa yakulile ovayapuki ndele hamu shi ningi natango.

1 PETRUS 4:9

Kaleni hamu yakula ovaenda nokuyakulafana hakungongotola.