OMAYELETUMBULO 22:7 - Ombibeli Iyapuki

⁷ Oshipuna tashi pangele eehepele. Naau e noikolo ta ningi omupika waau e mu pa eengele.

OMAYELETUMBULO 22:7 ပူးပေါင်းရင်းမြစ်များ

2 EEHAMBA 4:1

Ndele omukainhu umwe, omwalikadi womulongwa womuxunganeki okwa lombwela Elisa, ta ti: “Omulumenhu wange, omupiya woye, okwa fya, ndele u shi shii nokutya, omupiya woye kwa li omulumenhu ha tila Kalunga. Paife nakulilwa oikolo te uya okukufa po ovana vange vavali, va ninge ovapika vaye.”

OMAYELETUMBULO 14:31

Ou ta fininike omukwanaluhepo, ota sheke Omushiti waye, ndelenee ou ta filonghenda ohepele, ote mu fimaneke.

OMAYELETUMBULO 18:23

Omukwanaluhepo ta popi mokulininipika, ndelenee oshipuna tashi nyamukula eendjovo dikukutu.

OMAYELETUMBULO 22:16

Ou ta fininike ohepele, ote i kwafa. Ou ta pe oshipuna, ye ote shi ningi ohepele.

OMAYELETUMBULO 22:22

Ino hepeka omukwanaluhepo, shaashi ye omukwanaluhepo; ndele ino lyata ohepele moshivelo.

JESAJA 24:2

Ngaashi oshiwana tashi ningwa, osho yo omupristeli, omupika ota ningwa ngaashi omwene waye, omupika omukainhu ongaashi ina yomeumbo, omulandi ongaashi omulandifi, omweheli ongaashi omwehelwa, ou ta li oshikolo ongaashi ou ta lilwa oshikolo.

AMOS 2:6

Omwene osho ta ti: “Omolwomatauluko atatu, naane aIsrael, Ame ihandi ka alula ehandukilo. Osheshi hava landifa po omuyuki oimaliwa nohepele eenghaku mbali.

AMOS 4:1

Udeni ondjovo ei, nye eedidi domuBasan, nye ava mu li keemhunda daSamaria! Onye hamu fininike eehepele nokuhepeka ovafyoona. Nye ava hamu lombwele oovene veni: Eteni, tu nweni!

AMOS 8:4

Udeni eshi nye ava hamu lyataula ovakwanaluhepo, ndele mwa hala okutaataa ovalininipiki vomoshilongo,

AMOS 8:6

opo tu lande eehepele noimaliwa novakwanaluhepo neenghaku mbali. Nolungu yo ohatu ka landifa po.”

MATEUS 18:25

Ndele eshi a li hamakasha, ehe na eshi ta futu, omwene waye okwa yandja elombwelo, a landwe po pamwe nomwalikadi waye novana nakeshe eshi e shi kwete, oikolo yaye i futwe.

JAKOB 2:6

Ndelenee nye omwa dina ohepele. Ava have mu hepifa ndele tave mu twala kovatokoli, haipuna hamba?

JAKOB 5:1

Paife hano oipuna nye, pwilikineni, lileni nokuli lilila omaluhepo oo tae uya kombada yeni.

JAKOB 5:4

Taleni, ondjabi yovalongi vomapya eni ovo hava teya oilya yeni, oyo mwe i va lumbula, otai kuu onghuwo, nenyeme lovatei ola fika momatwi Omwene weengudu dovakwaita.